هذه قصتي ايام الاختبارات

[ظــمــ قــلــبـي ــا]

بسم الله الرحمن الرحيم

السلام عليكم ورحمة الله وبركاته ...:

طبعا وزي ما انتو عارفين قبل الاجازه كنا بفترة اختبارات >>>>>>الله لا يعيدها علينا مع انها ورانا ورانا
المهم وبعد ذيك الفتره مرينا باجازه الله يكثر منها >>>>>>طبعا مجرد احلام وآمال لا مجال انها تتحقق

وانا اليوم وبعد ما اخذت النتيجه وكانت زي وجهي حاسه اني متضااااايقه فلذلك قررت اني اشارككم همومي ........... واوريكم المعاناه اللي مرينا فيها وقت الاختبارات من جميع النواحي
سواء من الجدول اللي زي الزفت او من النذاااله اللي مارستها علينا بعض المدرساااات
والله المعين على ما عقدت العزم عليه ............... وترا هرجي طويييييييييل فلذلك ياللي تقرا الموضوع اختار وحده من هالاختيارات
1- يا انك تذلف " مع احترامي " وترجع تقرا الموضوع اذا فضيت (( هذي في حالة انك مشغوووول ))
2- يا انك ما تقراه خير شر لانه طوييييل (( هذا في حال اذا كنت انسان ملول ما تحب تقرا الكلام الطويل ))
3- يا انك تروح تنادي واحد يقعد يقرالك الموضوع (( هذا في حال انه فيك عرق سوداني وودك تقرا الموضوع بس متعاااااجز ))

بسم الله نبدأ

احم احم

وبعد >>>>>>>>> اسمعهم دايم يقولونها بس مدري متى تنحط يللا المهم انها وصلت
ممممممم مدري والله شلون ابدا متعوده ابدا كلامي بالكلمه الشهيييره (( لقد انني )) بس خايفه من ردة فعل بعض الناس اللي عارفين نفسهم
يللا ترا مو من زود الفلاحه في التعبير ....... انتم اقرو واللي مايفهم............................................ ........................................
.................................................. .................................................. ............................ فهو غبي مع احترامي:

>>>>>>>>>>>>>> ملاحظين ان كل هذي مقدمه وترا ما بديت بالموضوع بعد يمكن ما يخلص موضوعي الا بعد الرد الثالث

تيب خلاص احس اني طولت
بدخل في الموضوع لاني ما احب اللف والدوران >>>>>>>> عيني فعينك.!!!!


الــــمـــــهـــــم
طبعا وزي ما الكل عارف ان الدواافير امثالي يبدون المذاكره قبل الاختبارات ... يعني اللي يبي ينجح لازم يسوي كذا
وانا من زود الدفاره بديت اذاكر قبل الاختبارات باربع ايام بس لان كل يوم اقول بكره

اول يوم في جدولنا الموقر كان علينا فيه مادتين كل وحده اشين من الثانيه
طبعا الاولى هي مادة الشرف واللي ما تتنازل عن اول يوم وهي مادة الرياضيات : 1 والماده الثانيه المرافقه واللي قاطه وجهها علينا واللي تدرس للبنات كاول مره اهي مادة الحاسب ............ وما ادراك ما الحاسب
اول ما قالو انهم اضافوه لنا كماده اساسيه استانست ....... بس يوم عرفته غيرت رايي مشكلتي اني على نياتي واحكم على الشي من اول نظره
وهذي هي غلطة عمري مع مادة الحاسب
وطبعا اصعب ما فيه انه مدرستنا الموقره ما تدرسنا اياه عملي عشان تثبت المعلومات في ادمغتنا المترووووسه
لا الله وكيلكم تدرسنا حاسب نظري >>>>> عمركم سمعتو فيها؟؟؟؟
والطامه الكبرى انها ما حذفت لنا ولا شي وتبي الاجوبه تكون نصا ولا بتنقصنا وهذا اللي صار
الحاسب هذا انا ذاكرته ثلاث مرات مره يوم الثلاثاء ومره الجمعه ومره قبل الفتره حقت الحاسب .... ومع ذلك وقت الاختبار جا ابليس وجلس جنبي وقال" لو فيك وفي اللي جابوك خير حلي عدل" ...... لعنته وتعوذت منه بس عاد هو لصقه ما يفك عن بني ادم
فاستسلمت للامر الوااقع وحليت اللي قدرت عليه والباقي علينا وعليه السلام
هذا اختبار الحاسب وطبعا بس طلعت انوااااااااااع الدموع بس انا تبلد الاحساس عندي وما قمت اصيح
ايه صح !!!!!!!!!
نسيت اختبار الرياضيات واللي كان قبل الحاسب بس انا تحمست شوي: وعديييته
المهم الاختبار كان حلووو وسهل وحليته على حسب ما كنت اظن حليته صح وبعد ما قفلت الورقه وقبل نهاية الوقت بعشر دقايق جات الابله الموقره وغيرت لنا سؤالين تقول انه كان فيه غلط في الطباااعه.. طبعا انا ابتلشت ولا عرفت احل وخفت احوس حوسه ازود من حوستي الاولانيه فقلت اخلي كل شي على ماهو عليه
ولحسن الحظ طلع وحده من اجوبتي صح لاني كنت حالته غلط قبل ما تعدله الابله ويوم عدلته صار صح والسؤال الثاني كان عليه درجتين وطبعا طااااااااااااارو وراحو في الباي باي .....




يوووووووووووووووووه احس اني طولت ............................. وهذا بس اول يوم
تبون استراحه ؟؟ طيب روحو الحمام وارجعوا وانا بكمل لين ما تجون: ...................... باقي فيه كلام كثييييييييير
اكمله لكم بعد الردوووود عشان ما تملوووون .......... وترا الموضوع مطول .. لان باقي ثمااان ايام ثانيه وكل يوم اشين من اللي قبله نصيحه المره الجايه جيبو معكم شبس ولا فصفص عشان ما تزهقووون:
بكره اليوم الثاني وبعده الثالث وبستمر كذا الين اخلص من اللي بخاطري
ما ابي اسرد كل الايام ورا بعض
اولا عشان ما تزهقون
ثانيا عشان تتحمسون لسواليف نوير