قصه اول حلاق سعووودي........

[ياكثرك]

مقدمة الموضوع :
كنت اقرأ الجريدة موضوع يتكلم عن تخريج دفعة من شباب الوطن في مهن وحرف مستحيل يقبل بها واحد مثلي !!
كان الموضوع يتكلم عن إحدى تلك المهن ..
وينقل بالصورة حفل تخريج أول دفعة من الـ(*حلاّقين *) السعوديين !!
ومن هذا المنطلق بحاول انقل لكم صورة شاب مثلي يتوهق ويسوي نفسه عصامي ويدرس ويتخرج حلاّق !!
******

الموضوع :
أنا الشاب: ياكثرك
شعاري في الدنيا .. أبي أصير عصامي .. عصامي .. عصامي ..
وابني نفسي بنفسي ( بلكّه بلكّه .. طوبه طوبه .. بلاطه بلاطه.. )<< معليش متحمّس الأخ

وعشان كذا قررت أروح (جدة )وأخربها وأصير حلاّق (وجه واحد منحاش من الرياض ويقول :بلا عادات بلا تقاليد بلا هم )
وش فيها يعني .. إذا فركت خشة آدمي بمعجون حلاقة ثم حكّيت وجهه بالموس الين يصير وجهه كنّه بلاطة حمام!
ذبحونا ذا المتخلفين .. لا تهين نفسك .. لا تشوه سمعتك !!
بالله أي أزين أتسلف دراهم وأذب وجهي على اللي يسوى واللي ما يسوى ؟ وإلا أسرق .. أو أشتغل في حرام ..؟!
وإلا أتعلم مهنة شريفة وأستر نفسي << احنا حيلتنا ايه غير الشرف ( وجه ناديه الجندي وهي طالعه من الحمام
وما عليها إلا فوطه وسيقانها تخرخر ماء
...
خذت ملفي ودخلت على مدير معهد المحطمين والطبقة الكادحة اللي مالهم في ذا الدنيا واسطة ..واللي حدتهم الظروف يصيرون حلاقين
دخلت برجلي اليمين ورفعت الصوت . سلام عليكم . أنا شاب سليم معافى ويدي خفيفة وأبي أصير حلاق وجهي مغسوول بمرق
قال المدير : ما شاء الله شكلك متمحس وصادق في نيتك
تفضل .. هذا نموذج خاص بالتقديم .. ولا تنسى صور شمسيه وشهادة صحية انك سليم من الأمراض
المعديه خاصة انفلونزا الطيور << ماحنّا ناقصين بكره يطلع لنا زبون حالق لحيته ونابت له بدلها عرف ديك ^
^
الحقيقة كلامه مقنع أهم شي في الحلاق النظافه .. والا خفة اليد تجي مع الوقت
خذت النموذج ورحت للاستديو وصورت أحلى صورة صورة واحد حاط يده
على خده ولابس جاكيت كروهات
وبعد التصوير رحت للمستشفى ودخلت على الدكتور وكشف علي وقال : أبشرك ما فيك أمراض معديه
ونتائج تحليلك سليم وما عندك مشكلة ابد
دخلت المعهد ودرست فن الحلاقة وكلي أمل إني أصير أحسن حلاّق سعودي في العالم .. وكان المعهد راقي ويضم عدّة تخصصات
حلاقة شعر رأس .حلاقة وجه .حلاقة شعر ظهر "خاص بالخرفان من شباب الوطن العربي"باستخدام تقنية "عسيب نخله وكبريت"
.. حلاقة شعر الإبط باستخدام تقنية الليزر وموية البطارية ..
طبعا تخصصت في فن حلاقة الرأس بالمكينة وحلاقة " القزع " بطريقة مبتكرة وجه يقول وش ذا الابتكار أنت و خشتك
.ما يبي لها شي ..خل الطاقية على رأس الخال وأحلق الباقي موس ورغم ان التجارب كانت تتم على روس خوال من تكارنة جدة
.. الا اني قدرت أثبت وجودي وأبدع في مجال حلاقة الموس << مستعد أخلي رأس الزبون كنّه غطاء علبه فليت
كنت مخطط على سوق رمضان والحج عشان تضرب معي نسبه فوق كل عشر دقايق على طاري الحلاقة والحج والعمره ...
ما فيكم أحد سأل نفسه ؟؟ وين تروح شعووووور ذا الناس ؟؟ << وجه حضرمي يفكر يستغلها في مصنع بيوت شعر !
كانت الدراسة في المعهد ممتعه جداً .. أول أسبوع خذونا لمسلخ الغنم نحسحس رووس عشان نتعود على الراس والشعر
.. وعشان تموت قلوبنا ولا نخاف من مشاعر غضب الزبون لو جرحنا رأسه أو قطعنا أذنه !
وثاني أسبوع .. خذونا للملاهي ( وجه مشرف المعهد يحسبنا بزران يبي يوسّع صدورنا ) !
وثالث أسبوع .. بدينا نطبّق تمارين حلاقة رأس باستخدام المكينة على أطفال مالهم أهل
( الله العالم إن المعهد متقاطع مع جمعية خيرية لرعاية الأيتام ) << صدقو الشيّاب يوم قالو :يتعلّم الحلاقة في رووس الأيتام
وبعد أربعة شهور من التدريب على روس ذا الأيتام .. وبعد ما تأكدو المدربين ان ذا اليتمان قضو ..
اختبرونا على رأس معسل ! <<< معليش صكني راسي وضيعّت السالفة !
كان الاختبار صعب مرررررره .. كانو يبونا نحلق رأس "خال" بمكينة عاديه ونستخدم موس واحد فقط بدون ما ينكسر
.. واذا قضينا من حلاقة رأس الخال ..
نحدّد شنبه ( حلها عاد وشلون تشوف حد الشعر من الخشة ) << هذا غير المجهود العضلي وانت
تقلّب براطم ذا الخال عشان تشوف الشنب ! ^
^
نجحنا في الاختبار .. يوم طلعت النتيجة وأصير من المتفوقين
( وكنت أغش في الاختبار باستخدام تقنية البودرة وفرشة الأسنان لتسهيل عملية الوصول الي حد شنب الخال )<< مخربها !
كانت مفاجأة معهد الحلاقين .. خاصة للناجحين بتفوّق ..! << شكل مدير معهدنا متابع لبرنامج ستار آكادمي
.. أو انه يقرب لوجه العنز " مدام رولا " !!
كانت المفاجأة ..(بعثة لمدينة فن الحلاقة والعناية بالبشرة في ايطاليا ..وبعثة ثانية لمدينة فن المكياج والموضة في فرنسا )
طبعا كنت أنا من المتفوقين .. واخترت البعثة لـ( ايطاليا )
وصلنا لـ( ايطاليا ) وتفاجئنا إن محلات العناية بالبشرة عندهم .. أكثر من محلات أبو ريالين عندنا
==> ( مستغرب .. ويقول اللي يشوف كثر محلاتهم يقول إنهم عايشين في هبايب نجد وسمومها ) !
ومع مطلع شمس أول يوم في ايطاليا .. رحنا لصالون ضمن برنامج التدريب والتعاون المشترك بين
"منظمة حقوق المشق في الشرق الأوسط" . وبين . "منظمة التجارة العالمية لصناعه الفازلين والكريمات المختلفة الأنواع"
( اللي نشك أن العالم ما أخترعوها إلا عشان جلودنا ذا اللي كنها قشر بصل)!
كان معظم الزبائن في المحل من منطقة الخليج .. وكانوا في هيئة تقشعّر منها الجلود
تخيلوا معي وحده من منطقة الخليج حنطية البشرة وتميل إلي السمااار ..
وصابغه شعرها أشقر ؟!! ولابسة عدسات زرق ( طالع وجها كنه علم فرنسا ثلاث ألوان ) !!
طبعاً وكما هي عادة حريمنا في الخارج .. ذا البقرة فضحت عمرها .. وإلا وش بيدرينا إنها خليجية ؟
أول ما دخلنا وسمعتنا نتكلم عربي .. قالت : يا خزياااه رجال ..
وتغطت بطرف فستانها ؟! << ركزّت على الهجوم ونست الدفاع .. وصار المرمى مكشوف !
جحدنها ولم نلقى لها بال ..
شرحوا لنا المختصين في المحل .. كيف تتم العناية بالبشرة وكيف إن معظم خضار سوق الخضره الإيطالية
تروح على خشش الناس و إنهم يقضون معظم أوقاتهم في العناية بخششهم لدرجة إن واحدهم يسمع جرس الكنيسة
يرّن ويرّن ويصلون الناس وهو مقابل المرايه يفرك في خشته ( وجه راهب متشدّد وضايق صدره ..
ويقول : شكلي بطلّع فتوى وأكفرهم ) << راهب مستجد وناوي يجحد "البابا" ..!
بعد عودتي لأرض الوطن .. فتحت محل حلاقة .. وتفاجأت إن الزبائن ما يبون يحلقون عندي ..
واذا شافووني سعوودي كل زبوون هج والي يدخل واذا شافني سعوودي يقوول ماعندكم تصووير بحووث==>يقاله يصرف ؟!
قمت وسويت مثل غيري من السعوديين اللي دخلوا في منافسة مع العمال الأجانب ...
وكتبت على محل الحلاقة ( صالون تركي .. ) وصرت كني أطرم ما افتح فمي بكلمة ..
وصبغت شعري أشقر ولبست عدسات زرق وصار وجهي كنه علم البرتغال
وهكذا .. انتهى مستقبلي كمواطن وأصبحت بقدرة قادر أجنبي رغماً عني
فبلادنا اكل الاجانب فيها حتى شبعوا اما نحن اولاد الوطن.....!!
[/B][]

[[ مطنشّـة ! ]]

:: حجـز مقعد ::

لـــــــــــــــــي بآتس ,,

[راكـــــــــان]

هههههههههه


آ’

ما نعدمك

[لـــوعـــة فـــراق]

يسلموووووووو اخوووي

[ياكثرك]

مطنشه

بنتظار عوودتكـ.....



راكان

يسلموو على المرور




لووعه الفرقا

يسلموو اختي على مرورك

[[ مطنشّـة ! ]]

بآتس ,, والبآتسة قعفرو ,

يآكثرّك ,, أحس إنك نوعاً ما إبتسمت إبتسامة نكرآن يومنك شفت كلمة ( لّي بآك ) ,, وقلت لوّ إني أرجع وأرد عالموضوع ,, بتحلّق أول خمس يجون محلّك ببلآش ,, بسّ تقدّر ؟! :158:

لـي تسمّن تعليّق على حتسيآتك ,, طحطّر معي ,,

7
7

كنت اقرأ الجريدة موضوع يتكلم عن تخريج دفعة من شباب الوطن في مهن وحرف مستحيل يقبل بها واحد مثلي !!
كان الموضوع يتكلم عن إحدى تلك المهن ..
وينقل بالصورة حفل تخريج أول دفعة من الـ(*حلاّقين *) السعوديين !!

^

بـوشّو أحلّف لك عشآن أثبت إن هالدفعّه هذوّل كلهّم جآلسين ببيوتهم .. نصّ منهم مبروزّ شهادته ببرواز من ذهّب ,, ومعلقها بسقف غرفته عشآن كلّ يوم يصحّى يتذكر الإنجآز اللي هو أنجزه ,, والنصّ الثآني نآقع شهادته في مويه بترمـس خضرآ وكل يوم يشرب منها فنجال بعد صلاة المغرب عشآن يآخذ بركـه منها ,, وإثنين ولا ثلآثه منهم بس مآخذين الشهاده وصورة شمسيّه لهّـم ودفتر العآئله بملّف علآقّي أصفـر ,, وجالسين يدورون ويدوّرون لهم وظيفه على قدّ شهادتهم ,, بسّ لاهم لاقين لهم سيّاره يتكّسون بها ,, ولاهم لآقين لهّم محل يحلقون فيّه !!


وعشان كذا قررت أروح (جدة )وأخربها وأصير حلاّق (وجه واحد منحاش من الرياض ويقول :بلا عادات بلا تقاليد بلا هم )

( وجيّـه نآس ورآه جآلسه تصرخ : يآويلك من ربّك ,, ووجـه وأحد جآلس يشجّع : قو قو قو )

وش فيها يعني .. إذا فركت خشة آدمي بمعجون حلاقة ثم حكّيت وجهه بالموس الين يصير وجهه كنّه بلاطة حمام!

خخخخخخخخخخخخخخخخخخخخخ أبداً مآفيها شي ,, بس إن وجهه هاللي تبي تحكّه بالموس بيتسلّخ وبيقلب أحمر وبيرفّع عليّك شكوّى وبتطيح بالسجن مدة خمس ست سنين قدّام ,, وبيضيع مستقبلّك ( الله والمستقبل :158: ) وتقوّل لي تبي تصير حلاق ,,


وإلا أتعلم مهنة شريفة وأستر نفسي

ورآه ما تتزوّجين وتشوّفين لتس بني آدم يصرّف عليّتس يآبنتي بدل هالمرمطه بالشوارع :166:

دخلت برجلي اليمين ورفعت الصوت . سلام عليكم . أنا شاب سليم معافى ويدي خفيفة وأبي أصير حلاق وجهي مغسوول بمرق
قال المدير : ما شاء الله شكلك متمحس وصادق في نيتك

سؤال استوقفني :: الحيّن إنت دآخل علّى مكتب الطبقّة الكآدحه ولا مكتّب الطبقّه اليهوديّه ؟!!!

ورآه مديرك ذآ مارد السلام ؟! < لا تدققين الله يصلحتس


صورة واحد حاط يده على خده ولابس جاكيت كروهات

خخخخخخخخخخخخخخخخخخخخخخخخخخخخخخ ,, تيّب سآلفة إن إنتا تصيّـر حلآق ما إختلفنا عليهّا ,, رجآل وتبي وتشوف مصدر رزقك ,, بس يومنّك تقلّب هندّي ليّه ؟! أبي أفهم أنا

دخلت المعهد ودرست فن الحلاقة وكلي أمل إني أصير أحسن حلاّق سعودي في العالم ..

لا أبشرّك ,, إنت أحسّن حلآق سعودي في العالم , تررا را رااا ( خشة بنت عليها تاج ورود وماسكه بإيدها سلّه وجالسه تكرّف وهي تنثّر الورود عليّك ) لإنك أصلا الوحيـد بينهم ( الضحكة الشريره اللي بمسنجر بلاس )

حلاقة شعر رأس .حلاقة وجه .حلاقة شعر ظهر "خاص بالخرفان من شباب الوطن العربي"باستخدام تقنية "عسيب نخله وكبريت"

خخخخخخخخخخخخخخخخخخخخخخخخخخخخخخخخخخخخخخخخخخخ

أما حلآقة شعر ظهّـر ,, الحريم اللي هم الحريم مآحلقوا ظهورهم ,, يجوّن هذول يحلقّون ,, بس يالله قلتها ,, ( خرفآن )

"عسيب نخله وكبريت"

ونفعت ولا لأه ؟


<< وجه حضرمي يفكر يستغلها في مصنع بيوت شعر !

ما تبّي مخرج للفيلّم ؟! ترآني حآظره ,, بس هو فيلّم رعّـب ولا وشهو ؟ ( طرآلها فيلم بيت الشمّع )

.. وعشان تموت قلوبنا ولا نخاف من مشاعر غضب الزبون لو جرحنا رأسه أو قطعنا أذنه !

خخخخخخخخخخخخخخخخخخخخخخخخ يآشيخ لو إنك تبي تصيّر إرهآبي بالعرآق ؟ ( وين البآب بسرعه علمّوني ,, ترآني ماقلت شي ولانيب دخلت هالموضوع أبد )


بعثة لمدينة فن الحلاقة والعناية بالبشرة في ايطاليا ..وبعثة ثانية لمدينة فن المكياج والموضة في فرنسا

سآلفـة بعثـة إيطاليا فآهمينها ,, بس بعثة فرنسآ وش دخلّها ؟! ,, ولا برضو للخرفان ؟ :158:

ويقول : شكلي بطلّع فتوى وأكفرهم ) << راهب مستجد وناوي يجحد "البابا" ..!

مدآم إنه فيه عآلم مصرّي مسلّم طلّع فتوة الرّضع اللي مدّري وش تبّي ,, إنصحّ هالراهب بس يطلّع الفتوه وماجاه علي ( وجـه يبي ينحآش )


انتهى مستقبلي كمواطن وأصبحت بقدرة قادر أجنبي رغماً عني
فبلادنا اكل الاجانب فيها حتى شبعوا اما نحن اولاد الوطن.....!!

سبحآن الله ,, من جـد أحيان تحسّ إن العلّم يتطوّر ,,

يآبعـد تسبد بنر المنتدى يا ( يآكثرك ) ,, موضّوع وسّع صدري من جـد ,,

يوسّع الصدر و يخلّينا نبتسم ,, بس بنفسّ الوقّت جبتها على وتر حساس وضيقّت صدورنا وخليت الدمعـه تترقرق في أعيننا ( وقسمن إن إيدي وجعتني بعـد ما كتبت أخر ثلاث كلمآت ) ,, بس مآ طاحت الدموع ولا تسألني ليـه [ لآحد يطلّع فيهآ ويقول إني شخصيتي فيها إنفصآم ,, صآحيه ولله الحمد والمنّه ]

لآ تحرمناً من موآضيعك ,,

طنطشـ ,,

بــرايفت الإداره ( ورآه ماتنقلون الموضوع للدكّـه ؟! ,, أحسه هنآ ضآيع حقّه بقوّه :166: ) < بلآ لقآفه تكفيّن .

["[:بٍنٍتًَُّّّ lبـgهـّl:]"]

تسلم اخوووووووووي ههههههههههههههههههههههه