" فــكر فيها شــوي "

[راكـــــــــان]

الســلام عليكم


’,

صبــاحكم \ زي ما تحبون " ورد " و " ريحـان " يحفكم كمـا تحف المــلائكه " مجالس الذكر " وأهــاليها "


’,

الموضوع فكرته بسيطه .. لكني فاضي وودي اطرح موضوع طويل .. " اصبر علي لو شفتني عطلتك عن قسم الالعاب "


اٍن الله اكثر ما يحبه " الشكــر " .


عند خلقه آدم عليه السلام " مسح على ظهره . فآراه ذريته التي ستخلفه الى يوم القيامه ... فرآى آدم ذريته . ورآى منهم الصحيح على هيأته والسقيم على هيأته

فقال : " يارب " اجعلتهم كلهم سواء ..؟

قال الله : اني احببت ان أشكـر


’,

لــذلك .. حنا داخلين على ثلاث شهور اجازه .. ولو فكرت فيها شوي .. ان حنا كنا ندرس تقريبا 9 شهور في السنه وهذي ثلاثه يطلع المجموع 12 .. " تخيلت انت الصوره " 9 شهور تدرس

’,

9 شهــور المدارس مفتوحه و 9 شهــور .. انت تصحى الصباح وتروح المدرسه " نفسك خايسه " وذا امر بديهي .. ماحد بيصحى له خلق ينقال له " عطني جوالك باكلم السواق تاخر علي "

’,

اخلاق العالم كلها لك عليها .. و 9 شهــور .. حركه في حركه .. يعني هالحركه هذي والمدارس والشوارع المفتوحه .. يعني مسأله اكبر بكثير من انك تقول " الشكر لله بدون استشعار " وش قاعد يصير من حولك


’,

في هالشــهور .. وزارة المالية تصرف للمدرسين رواتب كل شهر .. من له ..ونفس الوزاره هذي تصرف رواتب للعساكر اللي بالشوارع .. لانه بعد هو مساهم في عملية الحركه هذي .. وراجع نفسك انت هل " فكرت مره " تلتفت صوب ربك وتقول يارب " لك الحمد " على هالنعمه

’,

يعني لو ما عندنا وزارة ماليه .. ما نقول ما عندنا وزارة ماليه .. ممكن انا اسوي لي وزارة ماليه والخزنه فاضيه .. لو فرضنا افتراضات كثيره .. منها ان ماراح تصرف رواتب .. ظنك المدرس بيقعد يقابل وجهك ويدرسك " اكيد انه بيروح يدور له شغله " ولا بيهاجر "


"فكـّر فيها شوي "
’,

ولو مافي رواتب .. ظنك العسكري بيقعد ملطوع تحت الشمس .. ينظم لك سير .. للاسف لا .. لان فيه مثل فرنسي يقول " ان الخبــاز لا يصنع لك الخبز حبا فيك .. ولكنه يصنعه من اجل نفسه "واللي بيروح جامعة الملك فيصل بالاحساء .. ويدخل كلية العلوم الاداريه .. بيلقى العباره هذي معلقه ع الجدار اليمين .. عشان يتاكد اني ماني بكــذاب



" فكـّر فيها شوي "
’,


ولو فرضنا ان الرواتب ما انصرفت ومع ذلك المدرسين ما فكرو يهاجرون .. وان العسكري .. يسمع بنبي الله " ايــوب " وحب انه يقتدي فيه وجلس ينظم لك سير ولو حبيت تطلب منه يروح يشتري لك عصير بيروح


نرجع للفرضيات " ماصار اللي صار قلناه وخابت كل توقعاتنا " هل انت شكرت الله " ان عندك ادارة توزع مناهج حلوه " صحيح ان المناهج لك عليها " بس " بخصوص كتاب التوحيد " والفقه " والحديث " مواد الدين عموما " شكرت الله لأن عندك حكومه احرصت على ان يطلع الطالب " عارف ع الاقل جزئيه بسيطه في الدين " مانقول لك يطلع مثل " شلــيويح " لا ما نبيه يطلع مثله " عالة لا قدوه " يطلع واحد عادي ماله في المشاكل واذا سمع فتوى اطول كلمه يقولها " جزاك الله خير " ما يقعد يتفلسف ويفتي "


" فكــر فيها شوي "



مسأله بسيطه جدا ابسط من كونها موضوع


’,


الدول العربيه .. يختلفون عنـّا سبحان الله .. انا سافرت برى وشفت " هي سفره وحده " يعني رحت لمــصر .. وشفت اشياء هم جاهلين فيها يرّونها عاديه تخيل .. بناء الاضرحه ع القبور ..تمر على قبر تشوفه .. والله .. اللي بانيه مقاول .الميت واحد واللي بانيه عشره .. بينما عندنا في السعوديه .. اللي يحفر القبر واحد .. واللي يدفنونه 10 .. " تخيلت الصوره "


" فكر فيها شوي "



’,


متاهه .. من الشوارع والمدارس ... للقبور .. وامور لو نقعد لبكره نسولف فيها ما اخلصت

وقس بهالطريقه باقي حياتك .. كيف نمطها . . وللي ثقافته " أُبـهه " نقول له .. " بروتوكول "


"



لــذلك خلاصة الكلام

نسمع حنا بالشكر وشلون ماهو باللسان " وانه باعتقاد القلب .. وجعل الجوارح كلها متجهه لله " يعني لما تقراها في كتاب توحيد " تحس ان المسأله صعبه " لان ابليس فوق راس كل مسلم وده يصعب عليه الاشياء اللي تدخله الجنه . وتقربه من الله سبحانه وتعالى

" لكن الشكر "


الاحساس بالامور .. بكل ما ذكرناه آنف .. يجعلك تطبق عملية الشكر .. بحروفه الثلاثه


" ألا بشكر الله تدوم النعم "


وعسى الله ان يذكرنا فيمن عنــده


انه جــواد كــريم


" فــولسطوب "

[!

مٍعكٍـّ صٍَّرٍفًَُّّ 50

!]

اهـلـيـٍنٍـّ فيكٍـّ رٍآكٍـأنّ


صرٍأحٍـهّ مـوٍضـوٍعّ مـوّ هيـنّ كـثــيٍـــرٍّ الوٍآحٍــدّ يحٍــمٍـد رٍبــهّ عّ كــلّ شـيّ يـصـيـرٍّ


اوّ صٍـأيـرٍّ الشكٍـرٍ ثـمّ الشكـرٍ لـ اللهّ عـزٍّ ٍوٍجٍــلًَُّّ .


رٍٍٍأأكٍأأنّ يعطيكٍّـ العأفيهّ عّ الطرٍحّ الرأٍأأئٍـــعّ


مـشّ مـشّ

[آرواح]

مبدع في كل شي مثل عادتك



وطرحك يخلي الواحد يتفكر مع نفسه ويحاسبها وش لها وش عليها


الحمد لله والشكر على كل النعم اللي اعطانا اياها الله من كبيرهـ لـ صغيرهـ


واصلا مافي نعمه من الله صغيرهـ..

لو نتفكر فيها ونشوفـ احنا ايش راح نسوي بدونهااا اكيد انها راح تكون كبيرهـ


بس وين الحين يتدبر ويتشكر لله ..



عشان كذا انا محتاجين نذكـر بعض في كل شي

وابن ادم هذا طبعه نساي ويحتاج من يذكرهـ دايم



يارب طرحك هذا يرجح ميزان اعمالك الصالحه

ويخليك ولا يحرمنا منك :)

[!!فـزولها!!]

راكــــــــــان


جزاك الله خير ع الوووضوووع



في ميزان اعمالك ان شالله


ويعطيك العافيه اخوووووووووي


وفكرت فيها عدل
سبحان الله في اشياء ماننتبهلها وركز فيها

بس غيرنا يفهمها ويفكر فيها مثلك يعني

نبهتنا ع اشياء حنا ابد ماخطرتنا على البال

تقبل تحياتي
اختك
فزوولها

[همس الخاطر]

و عليكم السلام و رحمة الله و بركاته


موضوع رائع و مميز أخوي راكان


مبدع في طرحك و أسلوبك و في سياق الأحداث و تسلسلها



حبيت يكون لي إضافة بسيطة على الموضوع و أتطرق لمنهج الرسل من ناحية شكر الله:




عائشة رضي الله عنها كانت ترى رسول الله صلى الله عليه و سلم تتفطر قدماه من قيام الليل فقالت له يا رسول الله لقد غفر الله لك ما تقدم من ذنبك و ما تأخر فيجيبها الرسول صلى الله عليه و سلم بقوله أفلا أكون عبداً شكورا

فأي شكر لله على نعمه أفضل من أن تستخدم هذه النعم التي انعم الله عليك بها في طاعته و الابتعاد عن معاصيه و الاصرار على ذلك




و نأتي إلى صفة اختص بها نبي الله داود عليه السلام في قوله تعالى

( و وهبنا لداوود سليمان نعم العبد إنه أواب)

و معنى أواب أي كثير الشكر

و قد ذكر الله نبي الله داود بأنه نعم العبد لأنه كثير الشكر لله

و خير الصيام صيام نبي الله داوود و هو صيام يوم و إفطار يوم و في هذا الصيام خير وسيلة لشكر لله على نعمه



و قال سبحانه عن العبد المؤمن

(حتى إذا بلغ أشده و بلغ أربعين سنة قال ربي أوزعني أن أشكر نعمتك الي أنعمت علي و على والدي و أن أعمل صالحا ترضاه)

فقد بُدِأت الآية بالشكر ثم بالعمل الصالح


عندما ير ى الإنسان من هم حوله فهذا فاقد للبصر و هذا فاقد للسمع فيجب عليه شكره سبحانه على هذه النعم


و خير ما يستوجب الشكر لله أنه بعث محمد صلى الله عليه وسلم سراجا منيرا لنا ليخرجنا من الظلمات إلى النور


فهل تدبرنا ذلك و شكرناه سبحانه على نعمه الظاهرة و الباطنة؟




في الجانب المقابل نرى الكفر بالنعمة و عدم شكر الله عليها


فهذا هو قارون يؤتيه الله من الكنوز الخير الكبير فيتجبر قارون و يقول هذا من عندي فكان جزاؤه


(فَخَسَفْنَا بِهِ وَبِدَارِهِ الْأَرْضَ فَمَا كَانَ لَهُ مِن فِئَةٍ يَنصُرُونَهُ مِن دُونِ اللَّهِ وَمَا كَانَ مِنَ المُنتَصِرِينَ)




و نأتي إلى قصة الأقرع و الأبرص و الأعمى و كيف إن كفر الأولين بالنعمة أذهبها عنهم و شكر الأخير بها زاده الله بها إنعاما عليه





يعطيك ربي العافية أخوي راكان بس حبيت يكون لي إضافة بسيطة على الموضوع


و جعلها الله في موازين حسناتك


خمس نجوم ما تفي موضوعك حقه


تحياتي لك

همس الخاطر

[!!بــرتني بنت صـالح!!]

موضوع رائع قمه بالروعه أيش أتكلم وأيش أقول

ولله الحمد والشكر عالنعمه ولله الحمد والشكر على كل شي

وجزاك الله خير أخوي بجد يعني شي الواحد مايفكر فيه .. عالعموم ..

أشكرك عالموضوع الرائع وأنا أسجل أعجابي

بهذه الصفحه الرائعه كروعة صاحب الموضوع

وألف شكر لك أخوي

وعسانا ماننحرم منك ولا من أبداعاتك يارب ..

[راع ـــية $ الشيكات]

جز1111111111111ك الله ألف خيييييييييييير إخوى راكــــــــان

وفعلا الشكر أمر عظيم المفروض نشكر الله في كل وقت وفي كل مكان فى العافيه وفى المرض لأن أكيد
غيرنا أعظم من مصيبتنا ............,,,

اللهم إنا نسألك الشكر على العافيه ونسألك دوام العافيه ..........,,,

[!ܓغـالـޢـي الأثمـޢـانܓ!]

السلام عليكم


الشكر يديم النعم ...كلمة دائما مانسمعها


لكن نادر مانشوف انعكاس لها على افعال كثير منا ...


انا عجبني لما قلت القصة اللي في مصر ،بناء الاضرحة على القبور ............


انا اذكر مره تناقشت انا وأحد الاعضاء ،وقلت له احنا في بلد محسودين كثير عليه وعلى النعم اللي احنا فيها ...


قال لي محسودين على ايش...؟؟؟

الدول المجاوره حتى للطفل مخصصات ماليه ...!!؟؟

سبحان الله ..

يعني ولائك لوطنك وارضك يعتمد على كم تدفع لك الدولة ؟؟

كل ماتدفع زياده ولائك يزيد ...

اعتقد هذا ينطبق على المرتزقه والمنافقين .......

يكفينا وجود الحرمين

يكفينا لقب حماة الدين ..

يكفينا ان احنا الدولة الوحيدة في العالم التي لم تستعمر

يكفينا ويكفينا ويكفينا


نعم كثيره يضيق المقام لذكرها ...

لكن غفلنا عنها وعن شكر الله عليها


اللهم لك الحمد على نعمك وافضالك علينا

اللهم لك الحمد

اللهم لك الحمد

اللهم لك الحمد


جزاك الله خير على هالطرح،اثرت فيني شجون


سلم يداك

وائــــــــــــــل000

[أميـ الورد ـرة]

عليكم السلام ورحمة الله وبركاته


صبحك الله بالنور و الخير و النعمة منه تعالى



هلا بك سطام نورت العام :)



\


عرض جذاب ... مفردات قوية و تركيبة موضوع 10\10 اهنيك ... اسلوب راقي و ممتع


\

و نعم بالله ...


" فكر فيها شوي "



قلتها بنفسك ... لو أن كل شخص منا وقف وقفة قصيرة و فتح المجال للتفكير لكن شكر الله رطب ألسنتنا 24\24 في 7\7 في 12 \ 12 ...


لكن للأسف ... سرقتنا الدنيا حتى من اجمل اللحظات طهرا وخيرا و بركة ...


كبير حظ من حاسب نفسه كل ليلة ... و راجع ملخص يومه ... فحمد الله على " كل شيء " من نفسه و حتى رقوده " كل شيء "


\



لقطات أخذتنا معك في بحرها ... قليلة هي و لكن بجوارها احس بصغري فعلا


و احتياجي لشكره تعالى .



\


" ألا بشكر الله تدوم النعم "



الحمدلله رب العالمين .



\



أشكر الله الذي من علي بمعرفتك :)



يجزاك ربي كل خير و يعطيك ألف عافية



\


اختك


أميـ الورد ـرة

[راكـــــــــان]

صرٍأحٍـهّ مـوٍضـوٍعّ مـوّ هيـنّ كـثــيٍـــرٍّ الوٍآحٍــدّ يحٍــمٍـد رٍبــهّ عّ كــلّ شـيّ يـصـيـرٍّ


اوّ صٍـأيـرٍّ الشكٍـرٍ ثـمّ الشكـرٍ لـ اللهّ عـزٍّ ٍوٍجٍــلًَُّّ .


رٍٍٍأأكٍأأنّ يعطيكٍّـ العأفيهّ عّ الطرٍحّ الرأٍأأئٍـــعّ



اهلين مشــاري .. يا لله حيّـه .. وانت اللي مو هيّن

’,

الله يعافيك يا قلبــو

’,

شاكر لك .. نسيم حضورك

[راكـــــــــان]

مبدع في كل شي مثل عادتك

يســلم لي ايــاك


وطرحك يخلي الواحد يتفكر مع نفسه ويحاسبها وش لها وش عليها
حــاضرين

واصلا مافي نعمه من الله صغيرهـ..
امـا بهذي صدقتي " سبحــان الله "

لو نتفكر فيها ونشوفـ احنا ايش راح نسوي بدونهااا اكيد انها راح تكون كبيرهـ


بس وين الحين يتدبر ويتشكر لله ..

الشكر عبادة " يأتي .. لسياقها جميع انواع العبادات " " سأل احد المشايخه " قال يا شيخ انا اعطس في الصلاة هل يصلح لي اقول " الحمد لله " ضحك الشيخ وقال " انت لما تصلي تكون في حالة شكر وحمد " ماله داعي تقولها

" لذلك الصلاة تعتبر شكر .. تأمل الكائنات والمخلوقات يعتبر شكر .. امساكك عن الذنوب والمعاصي يعتبر شكر

" لذلك يحبها الله "

عشان كذا انا محتاجين نذكـر بعض في كل شي

وابن ادم هذا طبعه نساي ويحتاج من يذكرهـ دايم

الرسول يقول عن آدم " نسى فنسيت أمته " ولا اظن ان هالشي يّنسى


يارب طرحك هذا يرجح ميزان اعمالك الصالحه

يجزاك الخيــر .. ان شاء الله


’,

يســلمو ثــم يســـلمو ثــم يســلمو


’,

على رونقـة حضورك الجميله


’,

ما نعدمك

[راكـــــــــان]

راكــــــــــان


جزاك الله خير ع الوووضوووع



في ميزان اعمالك ان شالله

يســلم لي قلبك ان شــاء الله





وفكرت فيها عدل
سبحان الله في اشياء ماننتبهلها وركز فيها

بس غيرنا يفهمها ويفكر فيها مثلك يعني

اتمنى ان تذكرينها " طوال حياتك "

نبهتنا ع اشياء حنا ابد ماخطرتنا على البال

تقبل تحياتي

اشياء كثيره صدقتي غافلين عنها ... اتقبل تحياتك ليش ما اتقبلها


’,

يسـلمو سـوكر على حضورك


’,

صفحتي مضيئه بك


’,

" لا خلا "

[راكـــــــــان]

همـس .. ياخي خل موضوعك بدال موضوعي .. وخذ موضوعي حطه رد لك


’,

قمـه في الاستشهاد


’,

رائع والله يا همس



يعطيك ربي العافية أخوي راكان بس حبيت يكون لي إضافة بسيطة على الموضوع


و جعلها الله في موازين حسناتك


خمس نجوم ما تفي موضوعك حقه

’,

اولا يسلمو عليك انت " لحضورك "

’,

وثاني شي يعطيك الف الف الف الف عافيه


’,

وثالث شي شكرا ع " النجوم "


’,

شاكر لك هدوء حضورك


’,

" لا عدم "

[راكـــــــــان]

موضوع رائع قمه بالروعه أيش أتكلم وأيش أقول

ولله الحمد والشكر عالنعمه ولله الحمد والشكر على كل شي

مسموع صووتك " يعلم الجهر وما اخفى "

وجزاك الله خير أخوي بجد يعني شي الواحد مايفكر فيه .. عالعموم ..

أشكرك عالموضوع الرائع وأنا أسجل أعجابي

بهذه الصفحه الرائعه كروعة صاحب الموضوع

هذي شكــرا لك من " الموضوع " ومن " صاحب الموضوع " يســلمو عليك


وألف شكر لك أخوي

وعسانا ماننحرم منك ولا من أبداعاتك يارب


ولا منك .. يسلمو ع جميل .. اطلالتك


’,


" لا خلا "

[شليــويح كفــوري]

عقب الفو لسطوب أكتفي الحمد والشكر لله عدد كل ماكان .. ومن ثمّ أشكرك جزيل الشكر على التحفه إللي تصفحتها .. كما عهدتك .. سطـّـام إبن وسمي إستاذي دوماً :)