طلآل < وخلآص
07-01-2007, 08:49 AM
صبحكمْ اللّـه بآلخيّــر يآ جمآعة الربع والربعآت << تسنه دآخلن آسترآحة شلة شبآب وبيديـّه نفرين بُخآري وكيس فصفص لعشة الحمآم اللي فوُق السطح ( هذآ اللي بآلإسترآحة ماهوُب في بيتْهم )
يوم من أيَّامي :
صحيت على قولة الله أكبر الفجر الوكاد إلا اثنين من أخواني واقفين عند دورة المياه وكلن مدنقن رويسه ويديه في نص بطنه وينططون ( يزعم كلن يقول لي أنزلع الحين سراي أنا جيت قبلك ) .. وأنا أجيك أصف معاهم سرى وأقعد أقول لأخوي : ممكن أصير قدامك عندي معاملة لازم أخلصها بدري والسرى صراحة متعب ما تحملنا نمسك سرى عند وزارة الصرف الصحي عشان نسدد فواتير نجي نمسك عند دورات المياه << هماني اقرفتكم في دورة المياه وش أنتم متشيمنن من ورى قولة الصرف الصحي خذالله هالروس
وهو يخمني أخوي بقفا يمناه إلا وخشتي لازقتن في صرصور كان يتمرن تمارين سويدية ( ترى ما أقصد مهمد نور لاهب الإتهاد -- بليز اللي بينطق نور ينطقها وهو مادن بوزه شبرين لقدام زي التكارنة )
وعقب عاد ما جبت ديتول وقمت بإخلاء النمل من على خشمي أصدرت قرار ينُص على أن منع تجول الصراصير والخنافس والنمامل ( على وزن خنافس ) من عقب صلاة الأخير << بزعم الشيبان أنهم يبون يتهنوصون بالحتسي .. طيب قولو صلاة العشاء وقضينا .. الوكاد مالكم بالطويلة .. خلونا من هرج القرف هذا وخلوني أقولكم عن سالفتي مع الحضرية!
أي حضري ممنوع ترى يقرأ تسلامي هـذا ..!! :78:
دخلت بيوم من الأيام على ميمتي وبيبتي إلا شوي وأسلم عليهم شلونكم شخباركم يوبيييه ( بزعمه جويتي ويمون على بابتو ومامتو ) وأشوفهم مبتسمين بخشتي تسن الشايب ربحان بأسهم المواشي المكيرش وصايرن من قوم الربرب!
وقفة صامتة تستدعي إهتمامي مع الربرب!
الربرب سلمكم الله هذا ما يطلع إلا عند أهل الذات وأهل الذات ذولي الله يسلمهم ويطول لنا بأعمارهم .. بإختصار في لحظة إحتضار الحروف .. الربرب هو الشيء المنتفخ اللي يطلع في الحلق من زود البطرة ( النعمة )
واللي ما عرف وش يطلع الربرب .. تراني بشد شوشتي وبشك أني مولودن في بيت شعر تسني خواجة ماحدن يفهم حتسيي << خييير! :)
الوكاد قلت للشايب عسى خير وش اللي مخليك تبتسم وشاقن خشتك أنت والعجيز!
قال الشايب أبد يا وليدي نبيك بموضوعن خاصن يخصك أنت وخشتك << بدت الميانة عاد
على طاري الميانة بين الشايب وعياله يقول لكم الباحث ( أفلاطون ) : دلل بقرتك تحصل على زبدة هشة ذات مذاق رائع .. جلي جلي ناس ناس
<< لاحدن يقولي كل تبن تراني متبري من نفسي
رديت على الشايب قلت هات من الآخر وش هالموضوع الخاص واللي شق خشتك عشرين بوصة!
قال نبي نخطب لك بنت حلال عشان تتزوج ونشوف عيالك!
أنا تفاجأت وقلت : الله يبه يعني أبي أصير زيك عندي عيال وعندي وحدة أضحك عليها وألعب عليها!
وشوي إلا شريط حجاب بن نحيت ( طرقت باب الهوى ) جايني يسابق الريح من العجيز!
وشوي قلت يبه أنا توني صغير على الزواج وما أحس أني قد المسئولية ومثلك خابر الزواج مسئولية ويبيله مصاريف ( الرخمة رخمة ) وأنا على قد حالي ووظيفتي ماعم بتساعدني وما عنَّي مصاري منشان أشوز << يالربع تراني شطحت بالسوري والمصري ميكس أعذروني توني متعشي أورتيلا مدري تورتيلا من هرفي << يناظر في القوطي ويقول تمهل يا بُني فالطريقُ إلى روما قد أصبح مُغلغاً وليس كُلُ طريقٍ سيؤدي إلى بقعاء!
الشايب عاد أنتفخ علي وقال كل هوا ولا تشيل هم المصاريف كلها بيتكفلون فيها أخوانك وأنت ما عليك إلا تدخل على المرة ليلة عرسك وبس!
قلت طيب وبعد ما أدخل عليها وش بسوي؟! :78:
سؤال محيرني صراحة لاحدن يزعل ولا يمد لي بوزه شبرين لأني متعقد من زمان من هالشيء وودي صراحة أعرف! :(
شوي قالي الشايب أبد تلعبون زقطة وعقبها دبج بس أنتبه من أكة الهاص تراها منحوسة!
وقلت وبعدين! << مسوي مندمج :78: !
قال أبد تاكل هوا وكل شينن يبي يحله ربك ولا عاد تنشدني نشدتك هذي لا وقسمن أعضك! توني دريت أني من فصيلة غير فصيلة البشر << يا قاسي!
قلت طيب من بتخطبون لي؟!
قال أبد شف من تبي أنت وحنا نخطب لك!
قلت لو هي على من أبي .. تسان قلت أبي كاريس بشار مير ماهي حاصلتن لي! ياويح قلبي منها قد قتلت في النساء الروعة والجمال!
قال منهي كاريس بشار قلت هذي وحدتن حلوتن والكل يبيها مثل ما كنتو أول أنتم تبون سميرة توفيق << وين مش مش عني ..؟
وهو يناظر فيني يومني أطريت سميرة ويقول : ياطـلآل لا تفتق جروحي تراها عذبتني زمان أول!
شوي ويجيني ماعون لونه أصفر ( عاد تعال دور لك ماعون لونه أصفر ) وعقبه كاسة بادريق لاصقن بها السكر من العجيز!
قلت شف يا يوووباااه أبيك تخطب لي على ذوقك!
قال كل هوا شايفني خطابة ولا أعرف الزين والشين بين الحريم .. هذي مهمة ميمتك أنا مالي شغل!
لا والله إلا رحنا وطي دامني بتزوج على ذوق أمي .. يا بتخطب لي بنت أخوها عشانها تعرف تطبخ ولا ما تعرف ترد على التلفون ( << وش قصدك يا تسلب ) ! ولا بتخب لي .. بنت اختها .. [/color[color=#00008B]]< عشان تفكها من العنووسه على حسابي :(
الوكاد خطبو لي وحدتن من الجيران وطلعت حضرية ولاحدن يحط على كلمة حضرية خطوط حمراء!
المهم عقب ما خطبتها وملكت عليها قلت لأبوي : يوباااه أبي أشوفها وأقابلها وش رأيك؟!
قال ما تعقب وتخسى تشوف بنت الناس!
قلت والله ما يعقب إلا أنت لا تغلط على زوجتي هذي حرمتي على سنة الله ورسوله ( صلى الله عليه وسلم ) مهيب على قولتك بنت ناس!
ويرد علي قائِلاً << وش يبي يتفيصح؟! : أقطع وأخس مامن شوفات إلا بليلة العرس! :78:
قلت أمري لله مالي إلا أروح أكلم أبوها ولا أخوها!
وكلمت أبوها قلت يا أبو حرمتي تراني متزوجن بنتك على سنة الله ورسوله وما باقي كم يوم على زواجنا!
قال أخلص هات من الأخير وش تبي؟!
قلت أبد أبي أقابلها وأجلس معها وأسولف معها!
وقال أبوها : ما عندك غير هالسالفة؟!
قلت أبدن سلامتك مامن شينن آخر! :)
قال : شربت شاهيك وقهوتك!
قلت أيه بس ياخي شاهيكم مكثرين الزعفران فيه!
قال : أقضب الباب ولا نشوف خشتك إلا بليلة العرس يالهيس الأربد!
قلت يابن الحلال بجلس معها ولو تبي تجي أنت عندنا عادي ترى سامحن لك بس حاول تلبس غشوة
إلا على دخلة أخوها ذاك الحنش اللي ما يدخل مع الباب!
ممداه دخل إلا وأنا عاضن طرف كم ثوبي وقلت الباب وينه بس!
ليلة العرس! :(
حشود من الناس تلتم إليَّ فتُقبلني تسعةً وتسعين قُبلة! حتى أني سويت صنفرة عقب العرس بيوم من زود ما الشنبات سوت لي حساسية في وجنتيّ << تخبرون متزوجن لي حضرية ولزوم الذرابة تستدعي هالحتسي!
دخلوني على حرمتي في ليلة العرس وأول ما دخلت قلت مرحبا ردت وقالت : هله [/color[color=#00008B]]<< من زود الترف عندها!
قلت وشو؟!
قالت : أيش؟!
قلت وشو اللي هله؟!
قالت أرد عليك يومك قلت مرحبا!
قلت : أهااا .. ويدي في قفا رأسي ومغمضن عين ومفتحن عين تسني أنتظرها تقولي تفضل أجلس!
قلت لها : وش رأيك حياتي .. نلعب زقطة؟! << وصية الشايب!
قالت : أيش؟!
قلت نلعب زقطة ماتعرفينها؟! وردت وقالت لا ما أعرفها أيش هيَّا! << هقوتي ان حرمتي بها عرق من عروق أهل جيدة!
قلت هذي لعبتن منا حليلها تخليتس بس تشاهقين وتمشين خشمتس بطرف كم الفستان! << يععععععععع
قالت : طيب كيف نلعبها! قلت أبد نكصم رجول السرير هذا ولتس وحدتن من الرجول ولي ثنتين << هماهم يقولون الرجال عن حرمتين؟!
وقالت طيب وبعدين؟!
قلت ولا أبلين نتهاوش فيهم!
وهي تبخها ضحك وتقول : يااااااااااي دمك خفيف!
وأنا أرد عليها وأقول : وشووووووووووووووووووو؟
قالت دمك دمك دمك دمك دمك دمك دمك شربات! ( ياااالهوتي طلعت متزوجن مصرية )
قلت شرابات وشو شراباته؟ خابرن أني جدعت الشرابات بقصر الأفراح ولا عاد لبستهن طلعن ضيقاتن علي!
ههه يالربع شرابات وضيقات كيف تجي ذي ههه لحد يقول لي كل تبن مرتن ثانيه تراني توني مفطر تبن اخضر << على باله جرجير ههه والله وأعلم شكلي بلبس شرابات براسي يقولون ان الشرابات تخفي بعض ملامح كبر البلاجم والخشوم وما اقصد بـكلامي كلمتن ولو كصم خاطر وفاقد خبيبي ههه بس تهقون ان لبس الشراب بالراس يغدي موضة السنه؟
<< تسنه شطح عن موضوعه!
المهم قلت لها اخبر اني جدعت شراباتي بالقصر طلعن ضيقاتن عليّ ويعورن اصابع رجولي ياربيه بس حر حر حر
وهي ترد علي وتقول وااااااااااااااااااااااااااااااااو حموت من الدحك اسكت خلاص!
ياناس هي قالت ( الدحك) .. وانا سعابيلي مالها والي مدري وش يصير فيني احس بشعور اني اعرق كثير كثير ووجهي يغدي احمر وقلبي يقوم يتضارب ههه يتمرد وينزل للمصارين ويتضارب معاهم يومنها تقول دحك!
رديت وقلت : يا عل تموت قملتن في وسط علابيتس وش يضحتستس؟! << مزدين بهالدُعاء ماهيييييك؟
قالت : أيش أيش أيش هادي اللي قلتها!
قلت : وشو وشو قلت أنا ما قلت كلام خواجة تراني عربي من ظهر عربي!
عربي ههه سنقفُ هُنا وقفةُ صمت والحداد على روح العربي الذي ماتت مع موت ذلك الشايب! << مادري وش تبي الكلمه هذي :(
وهي تقعد تساتسي وتقول : لا هادي اللي قلتها تستس! << يالربع احد يسمع صوت كفر ينسم؟ والا هو راسي نسم من كلمة ( دحك ) على شانها تقول تس تس
وأنا أقوم لكم أتفدغ من الضحك وقلت لاااااا هذي لهجتنا حنا يالبدو ننطق ونقلب الكاف وبعض الحروف بلغة التس! يعني الحروف العربيه غدت 29 حرف يا اننا مُبتكرين ومُخترعين حنا يالبدو بس ماش محد معطينا فيس
وهي تضحك وترد وتقول : الله حيييلووووة عيدها عيدها مرة تانية! يالربع وهي تقول هالجملة ذي وانا الطم على خدي ماني قايلن لكم ليه الطم وقفت الطم وحفر الآبار الأرتوازية ورفعت حاجب ونزلت حاجب
وقلت عادت لغاليغتس قولي آمين!
وهي تقعد تردد وتقول : لغالي لغالي لغاليس لغاليتس .. وهي تظبطها بنت الأيييه .. ممداني قلتها وهي تظبطها على المود لااا ومن اللكاعة برأسها تقعد تقولي كلمات نهايتها حرف الكاف وتقولي أنطقها!
ورديت عليها وقلت الظاهر أنتس متزوجتن ببغاء عشان يردد كلامتس!
قالت : أنتس أنتس كلامتس كلامتس .. الله حيييلووووة مااااراااة حيييلووووة!
الوكاد عقب الزواج بأسبوع طلعنا لسيدني ( ترى مهوب شهر عسل روحتنا لسيدني .. رحنا عشان نشتري نعجات أستراليات .. يمدحون نعجاتهم ) على طاري النعجات شخباركن يا بنات مراجيج ..؟
أول ما وصلنا هناك أخذنا فندغ( ق ) سسسسسسسسسسسست ميييييييييييييييية نجمة
وعقبها بثاني يوم طلعنا نبي نروح نركب الترفلك مدري وشو اسمه هذاك اللي بالطايف يركبونه (حشى صار بعير والا حصان على شان يركبونه والا سيكل ) .. ويمشون بين الجبال << أيييه هذا هو اسمه الترفلك مير أنطم!
وأول ما ركبناه ركب معنا واحد أسترالي ومعاه حرمته وماسكها بيدها ويقاصيها مدري وش يقول لها بس جاني أحساس أنهم يحشون فيني لأني كنت لابسن سروال سنة صغير وفنيلة علاقي وفوق رأسي شماغ العقل << هماه موضة الأيام هذي تسذا ( يوووه ماني قادر أوصف لكم وش كثر كنت معجب فيني وعلى ذوقي اللهم لا حسد تف تف تف عليكم )
المهم دغدغتني لقافتي من حيثُ لا أدري وأنا أقعد أقرب من أذان زوجتي أبي أقاصيها .. وهي كل مالها تبعد عني .. وشوي وأنا أجرها مع أذنها اليسار وأقولها تعالي بقاصيتس .. وهي تقعد تضحك يوم قلت بقاصيتس .. وتقول تس تس تس .. قلت لعنبو حيتس بقاصيتس أص فضحتينا أنتي وخشتس تقل ذبانتن تحوم على فضلة أكل باكستانية .. بقولتس شينن يقرقع بصدري من زمان ( توني متزوج مو صح؟ ) وشوي وهي تقرب أذنها لي وأنا أقولها : أحبتس يا بنت الكلب << يالربع هو أنا قلت هالكلمتين .. الله يجيركم تسني صاعطها بكرهب ميتين وشعرين ( الله يرحم مدرسنا ويذكره بالخير يومه كان يقول أربع وشعرين ساعة مواصل .. دا كان راقل ولا كول الستات << << مير الله يرحمك ما تشوفني موتك وأنت حي ..؟!
الوكاد البنت يوم شافتني قلت لها تسذا طاحت علينا بالترفلك وأنا أقعد أنادي الاسترالي وحرمته وأقولهم بليز بليز أبك سوو لنا هلب نبي نجدع هالحرمة عند أقرب كلينك << موستوصف .. ويقعد يناظر فيني الأسترالي بنظرة غريبة .. قلت أبك يا ملعون الصلايب حرمتي وقعت تعال ساعدني ولا تقوم تبحرلي هيج << ميكس لوغات صح؟ .. وأشوا عقب صياح ونياح ونُباح ( هاو هاو ) يالله الحرمة كسرنا خاطرها وقالت لزوجها تعال نهلبهم ( نساعدهم ) .. المهم وهو يطلع الأسترالي من جيبه عطر كلونيا وهو يمرمره من عند خشم زوجتي وأنا اخمه على خشته قلت يا ملعون الجدف هذي حررررمتي أبك أنت تفهم وش معنى حرمتي .. ( متى يحسون فينا الغرب ويراعون شعور المواطن العربي ومدى غيرته على زوجته متى متى متى؟ )
وشوي وأنا أخذ الكلونيا منه وأفك العلبة كلها وأرشها على خشة زوجتي إلا هي قابعتن وصاقعتن سقف الترفلك .. عاد تعال حلها .. نص العلبة دخلت داخل المعدة .. وهي تسكر الحرمة .. ويوم سكرت وهي تقعد تعلق على كلمة تس تس تس .. وهي تناظر في حرمة الأسترالي وتقعد تناظر لها وتقول لها أنتي تسه أنتي نملة أنتي طز طز .. أنتي تسه مانا زينتس .. أنتي تستن مالها بين تسات العالم مثيلا [/color[color=#FF0000]]<< يالربع ترى زوجتي طلعت تحب نزار غباني!
الوكاد صكيتها بقس وخليتها تقول للعنز يا خاله على قولة الشهير ولد جارنا .. يقول (تخيل ياطلال اني جد ابوي .. صك الناقه بوكس خلاها تموت )!
في هذه الأثناء << توني متابعن قناة الجزيرة وسمعت مراسل يقول هالكلمة >> دقيتها علاقة مع خوينا الأسترالي وصرنا كننا نعرف بعض من سنة السبلة .. على طاري سنة السبلة .. الحين وش الفرق بين الدرويش والأبضاي؟ .. المهم عقب ما دقيتها علاقة معاه وأقعد أناظر في حرمتي إلا نفس الشيء داقتها علاقة مع الاسترالية حرمة خويي .. وأنا أعزم الاسترالي على مأدبة عشاء << هذي نهاية اللي ما ينام إلا وهو متابع خطاب سمو الامير >> هو وحرمته .. بيني وبينكم تراني الله حق أني عزمت حرمته قبل أعزمه ( مو يقولون لامنك حليت بديرتن أمش على سلمها ) بس حرمتي من الغيرة راحت وعزمت زوجها ..!
بس ماش بنفس يوم المأدبة لقيت خويي الأسترالي وأعتذر أنه ما يجي للمأدبة العشائية .. قلت ماهي مشكلة يابعد حيي ( بس ترجمتها بالأنقلش له وقلت : no problem after my all friends .. ) بس إذا تقدر تسمح لحرمتك تخليها تجي على المأدبة ( ياليل المأدبة اللي قالها طلال وعنّط فيها ) رد وقال نو وي << يزعم تبطي عظم عقب الترجمة .. قلت الله وأكبر عاد ميتينن عليك انت وحرمتك لا بارك الله فيكم أثنينكم كنكم جوز بعير وبعير << طرّاها علي يومني قلت لأبوي ذاك اليوم أبي أشتري بعير جي أس أل موديل السنة .. الوكاد مالكم بالطويلة قلت لحرمتي زهبي أغراضتس نبي ننكس لديرتنا باتسر .. وعاد تعال ترجم لها معنى كلمة ننكس؟! موعاناة شعب كامل ذيك الليلة عانيتها عشان أترجمها لها!
قلت اسمعي يا حرمة .. الليلة آخر ليلتن لنا بسيدني ونبي نهيص بهالليلة ونخربها نبي كل دراهمنا نطشرها بسيدني ونعيش أحلى ليلة بعمرنا وش رأيتس وهي تقول أبشر اللي تبيه سوه أنت بعلي العزيز وما أقدر اخالف رأيك .. ياحياة الشقا يومها قالت هالكلميتن هذولن .. حسيت أني زي أبوي فعلاً متزوج << عنده نقص ذاتي في إشباع المكنونات الداخلية التي يتقمصها في دور الرجولة .. هماني عربي من ظهر عربي؟!
بيني وبينكم يومها قالت بعلي العزيز تذكرت لي سالفتن ما تنقال
<< إلا اللي مخلوجن ظهره ولا حوله فازلين وش دواه ياعرب؟
على طاري خلجة الظهر والفازلين .. أنا واحدن من الناس ظهري يوجعن دايم الدوم وعنديلي خالتن ما شاء الله كل ما تشوفني تقول تعال أدهن ظهرك بالويزلين
وما غير تفغص ظهري بهالويزلين وهاتك يا طلال من وين ما يوجعك .. الله يجيركم عليها يدين تف تف تف ما شاء الله لا يشوفنا ولدها ويرفع علينا دعوى تظلم على أمه .. عليها يدين تسنها رافعة بلاط ورخام .. الوكاد بيومن من الأيام كنت أشتكي ظهري وظهري يشتكيني << مهوب تسني سمعت حمارتن تغنيها وتقول أشكي همي وهمي أشتكاني؟!
الوكاد وهي تدهنن بالويزلين وأقوم لكم مثل الحصان ما غير أزابد وأرافس << ليتك ما قلت هالسالفة مير أحلالك
يالربع على طاري الويزلين ياخي مدري ليه مستحيل تلاقي بنت سعودية تفكر << ما يدق ابد ابد ابد
ياخي مدري ليه تفكيرها محدود في السوق أو السفر أو الأكل .. وش فيها لو فكرت في الكورة والا الشيشة مثلاً ( وجه يناظر فووق :78:
.. :$
والغصه .. مفهومه :$
:)
يوم من أيَّامي :
صحيت على قولة الله أكبر الفجر الوكاد إلا اثنين من أخواني واقفين عند دورة المياه وكلن مدنقن رويسه ويديه في نص بطنه وينططون ( يزعم كلن يقول لي أنزلع الحين سراي أنا جيت قبلك ) .. وأنا أجيك أصف معاهم سرى وأقعد أقول لأخوي : ممكن أصير قدامك عندي معاملة لازم أخلصها بدري والسرى صراحة متعب ما تحملنا نمسك سرى عند وزارة الصرف الصحي عشان نسدد فواتير نجي نمسك عند دورات المياه << هماني اقرفتكم في دورة المياه وش أنتم متشيمنن من ورى قولة الصرف الصحي خذالله هالروس
وهو يخمني أخوي بقفا يمناه إلا وخشتي لازقتن في صرصور كان يتمرن تمارين سويدية ( ترى ما أقصد مهمد نور لاهب الإتهاد -- بليز اللي بينطق نور ينطقها وهو مادن بوزه شبرين لقدام زي التكارنة )
وعقب عاد ما جبت ديتول وقمت بإخلاء النمل من على خشمي أصدرت قرار ينُص على أن منع تجول الصراصير والخنافس والنمامل ( على وزن خنافس ) من عقب صلاة الأخير << بزعم الشيبان أنهم يبون يتهنوصون بالحتسي .. طيب قولو صلاة العشاء وقضينا .. الوكاد مالكم بالطويلة .. خلونا من هرج القرف هذا وخلوني أقولكم عن سالفتي مع الحضرية!
أي حضري ممنوع ترى يقرأ تسلامي هـذا ..!! :78:
دخلت بيوم من الأيام على ميمتي وبيبتي إلا شوي وأسلم عليهم شلونكم شخباركم يوبيييه ( بزعمه جويتي ويمون على بابتو ومامتو ) وأشوفهم مبتسمين بخشتي تسن الشايب ربحان بأسهم المواشي المكيرش وصايرن من قوم الربرب!
وقفة صامتة تستدعي إهتمامي مع الربرب!
الربرب سلمكم الله هذا ما يطلع إلا عند أهل الذات وأهل الذات ذولي الله يسلمهم ويطول لنا بأعمارهم .. بإختصار في لحظة إحتضار الحروف .. الربرب هو الشيء المنتفخ اللي يطلع في الحلق من زود البطرة ( النعمة )
واللي ما عرف وش يطلع الربرب .. تراني بشد شوشتي وبشك أني مولودن في بيت شعر تسني خواجة ماحدن يفهم حتسيي << خييير! :)
الوكاد قلت للشايب عسى خير وش اللي مخليك تبتسم وشاقن خشتك أنت والعجيز!
قال الشايب أبد يا وليدي نبيك بموضوعن خاصن يخصك أنت وخشتك << بدت الميانة عاد
على طاري الميانة بين الشايب وعياله يقول لكم الباحث ( أفلاطون ) : دلل بقرتك تحصل على زبدة هشة ذات مذاق رائع .. جلي جلي ناس ناس
<< لاحدن يقولي كل تبن تراني متبري من نفسي
رديت على الشايب قلت هات من الآخر وش هالموضوع الخاص واللي شق خشتك عشرين بوصة!
قال نبي نخطب لك بنت حلال عشان تتزوج ونشوف عيالك!
أنا تفاجأت وقلت : الله يبه يعني أبي أصير زيك عندي عيال وعندي وحدة أضحك عليها وألعب عليها!
وشوي إلا شريط حجاب بن نحيت ( طرقت باب الهوى ) جايني يسابق الريح من العجيز!
وشوي قلت يبه أنا توني صغير على الزواج وما أحس أني قد المسئولية ومثلك خابر الزواج مسئولية ويبيله مصاريف ( الرخمة رخمة ) وأنا على قد حالي ووظيفتي ماعم بتساعدني وما عنَّي مصاري منشان أشوز << يالربع تراني شطحت بالسوري والمصري ميكس أعذروني توني متعشي أورتيلا مدري تورتيلا من هرفي << يناظر في القوطي ويقول تمهل يا بُني فالطريقُ إلى روما قد أصبح مُغلغاً وليس كُلُ طريقٍ سيؤدي إلى بقعاء!
الشايب عاد أنتفخ علي وقال كل هوا ولا تشيل هم المصاريف كلها بيتكفلون فيها أخوانك وأنت ما عليك إلا تدخل على المرة ليلة عرسك وبس!
قلت طيب وبعد ما أدخل عليها وش بسوي؟! :78:
سؤال محيرني صراحة لاحدن يزعل ولا يمد لي بوزه شبرين لأني متعقد من زمان من هالشيء وودي صراحة أعرف! :(
شوي قالي الشايب أبد تلعبون زقطة وعقبها دبج بس أنتبه من أكة الهاص تراها منحوسة!
وقلت وبعدين! << مسوي مندمج :78: !
قال أبد تاكل هوا وكل شينن يبي يحله ربك ولا عاد تنشدني نشدتك هذي لا وقسمن أعضك! توني دريت أني من فصيلة غير فصيلة البشر << يا قاسي!
قلت طيب من بتخطبون لي؟!
قال أبد شف من تبي أنت وحنا نخطب لك!
قلت لو هي على من أبي .. تسان قلت أبي كاريس بشار مير ماهي حاصلتن لي! ياويح قلبي منها قد قتلت في النساء الروعة والجمال!
قال منهي كاريس بشار قلت هذي وحدتن حلوتن والكل يبيها مثل ما كنتو أول أنتم تبون سميرة توفيق << وين مش مش عني ..؟
وهو يناظر فيني يومني أطريت سميرة ويقول : ياطـلآل لا تفتق جروحي تراها عذبتني زمان أول!
شوي ويجيني ماعون لونه أصفر ( عاد تعال دور لك ماعون لونه أصفر ) وعقبه كاسة بادريق لاصقن بها السكر من العجيز!
قلت شف يا يوووباااه أبيك تخطب لي على ذوقك!
قال كل هوا شايفني خطابة ولا أعرف الزين والشين بين الحريم .. هذي مهمة ميمتك أنا مالي شغل!
لا والله إلا رحنا وطي دامني بتزوج على ذوق أمي .. يا بتخطب لي بنت أخوها عشانها تعرف تطبخ ولا ما تعرف ترد على التلفون ( << وش قصدك يا تسلب ) ! ولا بتخب لي .. بنت اختها .. [/color[color=#00008B]]< عشان تفكها من العنووسه على حسابي :(
الوكاد خطبو لي وحدتن من الجيران وطلعت حضرية ولاحدن يحط على كلمة حضرية خطوط حمراء!
المهم عقب ما خطبتها وملكت عليها قلت لأبوي : يوباااه أبي أشوفها وأقابلها وش رأيك؟!
قال ما تعقب وتخسى تشوف بنت الناس!
قلت والله ما يعقب إلا أنت لا تغلط على زوجتي هذي حرمتي على سنة الله ورسوله ( صلى الله عليه وسلم ) مهيب على قولتك بنت ناس!
ويرد علي قائِلاً << وش يبي يتفيصح؟! : أقطع وأخس مامن شوفات إلا بليلة العرس! :78:
قلت أمري لله مالي إلا أروح أكلم أبوها ولا أخوها!
وكلمت أبوها قلت يا أبو حرمتي تراني متزوجن بنتك على سنة الله ورسوله وما باقي كم يوم على زواجنا!
قال أخلص هات من الأخير وش تبي؟!
قلت أبد أبي أقابلها وأجلس معها وأسولف معها!
وقال أبوها : ما عندك غير هالسالفة؟!
قلت أبدن سلامتك مامن شينن آخر! :)
قال : شربت شاهيك وقهوتك!
قلت أيه بس ياخي شاهيكم مكثرين الزعفران فيه!
قال : أقضب الباب ولا نشوف خشتك إلا بليلة العرس يالهيس الأربد!
قلت يابن الحلال بجلس معها ولو تبي تجي أنت عندنا عادي ترى سامحن لك بس حاول تلبس غشوة
إلا على دخلة أخوها ذاك الحنش اللي ما يدخل مع الباب!
ممداه دخل إلا وأنا عاضن طرف كم ثوبي وقلت الباب وينه بس!
ليلة العرس! :(
حشود من الناس تلتم إليَّ فتُقبلني تسعةً وتسعين قُبلة! حتى أني سويت صنفرة عقب العرس بيوم من زود ما الشنبات سوت لي حساسية في وجنتيّ << تخبرون متزوجن لي حضرية ولزوم الذرابة تستدعي هالحتسي!
دخلوني على حرمتي في ليلة العرس وأول ما دخلت قلت مرحبا ردت وقالت : هله [/color[color=#00008B]]<< من زود الترف عندها!
قلت وشو؟!
قالت : أيش؟!
قلت وشو اللي هله؟!
قالت أرد عليك يومك قلت مرحبا!
قلت : أهااا .. ويدي في قفا رأسي ومغمضن عين ومفتحن عين تسني أنتظرها تقولي تفضل أجلس!
قلت لها : وش رأيك حياتي .. نلعب زقطة؟! << وصية الشايب!
قالت : أيش؟!
قلت نلعب زقطة ماتعرفينها؟! وردت وقالت لا ما أعرفها أيش هيَّا! << هقوتي ان حرمتي بها عرق من عروق أهل جيدة!
قلت هذي لعبتن منا حليلها تخليتس بس تشاهقين وتمشين خشمتس بطرف كم الفستان! << يععععععععع
قالت : طيب كيف نلعبها! قلت أبد نكصم رجول السرير هذا ولتس وحدتن من الرجول ولي ثنتين << هماهم يقولون الرجال عن حرمتين؟!
وقالت طيب وبعدين؟!
قلت ولا أبلين نتهاوش فيهم!
وهي تبخها ضحك وتقول : يااااااااااي دمك خفيف!
وأنا أرد عليها وأقول : وشووووووووووووووووووو؟
قالت دمك دمك دمك دمك دمك دمك دمك شربات! ( ياااالهوتي طلعت متزوجن مصرية )
قلت شرابات وشو شراباته؟ خابرن أني جدعت الشرابات بقصر الأفراح ولا عاد لبستهن طلعن ضيقاتن علي!
ههه يالربع شرابات وضيقات كيف تجي ذي ههه لحد يقول لي كل تبن مرتن ثانيه تراني توني مفطر تبن اخضر << على باله جرجير ههه والله وأعلم شكلي بلبس شرابات براسي يقولون ان الشرابات تخفي بعض ملامح كبر البلاجم والخشوم وما اقصد بـكلامي كلمتن ولو كصم خاطر وفاقد خبيبي ههه بس تهقون ان لبس الشراب بالراس يغدي موضة السنه؟
<< تسنه شطح عن موضوعه!
المهم قلت لها اخبر اني جدعت شراباتي بالقصر طلعن ضيقاتن عليّ ويعورن اصابع رجولي ياربيه بس حر حر حر
وهي ترد علي وتقول وااااااااااااااااااااااااااااااااو حموت من الدحك اسكت خلاص!
ياناس هي قالت ( الدحك) .. وانا سعابيلي مالها والي مدري وش يصير فيني احس بشعور اني اعرق كثير كثير ووجهي يغدي احمر وقلبي يقوم يتضارب ههه يتمرد وينزل للمصارين ويتضارب معاهم يومنها تقول دحك!
رديت وقلت : يا عل تموت قملتن في وسط علابيتس وش يضحتستس؟! << مزدين بهالدُعاء ماهيييييك؟
قالت : أيش أيش أيش هادي اللي قلتها!
قلت : وشو وشو قلت أنا ما قلت كلام خواجة تراني عربي من ظهر عربي!
عربي ههه سنقفُ هُنا وقفةُ صمت والحداد على روح العربي الذي ماتت مع موت ذلك الشايب! << مادري وش تبي الكلمه هذي :(
وهي تقعد تساتسي وتقول : لا هادي اللي قلتها تستس! << يالربع احد يسمع صوت كفر ينسم؟ والا هو راسي نسم من كلمة ( دحك ) على شانها تقول تس تس
وأنا أقوم لكم أتفدغ من الضحك وقلت لاااااا هذي لهجتنا حنا يالبدو ننطق ونقلب الكاف وبعض الحروف بلغة التس! يعني الحروف العربيه غدت 29 حرف يا اننا مُبتكرين ومُخترعين حنا يالبدو بس ماش محد معطينا فيس
وهي تضحك وترد وتقول : الله حيييلووووة عيدها عيدها مرة تانية! يالربع وهي تقول هالجملة ذي وانا الطم على خدي ماني قايلن لكم ليه الطم وقفت الطم وحفر الآبار الأرتوازية ورفعت حاجب ونزلت حاجب
وقلت عادت لغاليغتس قولي آمين!
وهي تقعد تردد وتقول : لغالي لغالي لغاليس لغاليتس .. وهي تظبطها بنت الأيييه .. ممداني قلتها وهي تظبطها على المود لااا ومن اللكاعة برأسها تقعد تقولي كلمات نهايتها حرف الكاف وتقولي أنطقها!
ورديت عليها وقلت الظاهر أنتس متزوجتن ببغاء عشان يردد كلامتس!
قالت : أنتس أنتس كلامتس كلامتس .. الله حيييلووووة مااااراااة حيييلووووة!
الوكاد عقب الزواج بأسبوع طلعنا لسيدني ( ترى مهوب شهر عسل روحتنا لسيدني .. رحنا عشان نشتري نعجات أستراليات .. يمدحون نعجاتهم ) على طاري النعجات شخباركن يا بنات مراجيج ..؟
أول ما وصلنا هناك أخذنا فندغ( ق ) سسسسسسسسسسسست ميييييييييييييييية نجمة
وعقبها بثاني يوم طلعنا نبي نروح نركب الترفلك مدري وشو اسمه هذاك اللي بالطايف يركبونه (حشى صار بعير والا حصان على شان يركبونه والا سيكل ) .. ويمشون بين الجبال << أيييه هذا هو اسمه الترفلك مير أنطم!
وأول ما ركبناه ركب معنا واحد أسترالي ومعاه حرمته وماسكها بيدها ويقاصيها مدري وش يقول لها بس جاني أحساس أنهم يحشون فيني لأني كنت لابسن سروال سنة صغير وفنيلة علاقي وفوق رأسي شماغ العقل << هماه موضة الأيام هذي تسذا ( يوووه ماني قادر أوصف لكم وش كثر كنت معجب فيني وعلى ذوقي اللهم لا حسد تف تف تف عليكم )
المهم دغدغتني لقافتي من حيثُ لا أدري وأنا أقعد أقرب من أذان زوجتي أبي أقاصيها .. وهي كل مالها تبعد عني .. وشوي وأنا أجرها مع أذنها اليسار وأقولها تعالي بقاصيتس .. وهي تقعد تضحك يوم قلت بقاصيتس .. وتقول تس تس تس .. قلت لعنبو حيتس بقاصيتس أص فضحتينا أنتي وخشتس تقل ذبانتن تحوم على فضلة أكل باكستانية .. بقولتس شينن يقرقع بصدري من زمان ( توني متزوج مو صح؟ ) وشوي وهي تقرب أذنها لي وأنا أقولها : أحبتس يا بنت الكلب << يالربع هو أنا قلت هالكلمتين .. الله يجيركم تسني صاعطها بكرهب ميتين وشعرين ( الله يرحم مدرسنا ويذكره بالخير يومه كان يقول أربع وشعرين ساعة مواصل .. دا كان راقل ولا كول الستات << << مير الله يرحمك ما تشوفني موتك وأنت حي ..؟!
الوكاد البنت يوم شافتني قلت لها تسذا طاحت علينا بالترفلك وأنا أقعد أنادي الاسترالي وحرمته وأقولهم بليز بليز أبك سوو لنا هلب نبي نجدع هالحرمة عند أقرب كلينك << موستوصف .. ويقعد يناظر فيني الأسترالي بنظرة غريبة .. قلت أبك يا ملعون الصلايب حرمتي وقعت تعال ساعدني ولا تقوم تبحرلي هيج << ميكس لوغات صح؟ .. وأشوا عقب صياح ونياح ونُباح ( هاو هاو ) يالله الحرمة كسرنا خاطرها وقالت لزوجها تعال نهلبهم ( نساعدهم ) .. المهم وهو يطلع الأسترالي من جيبه عطر كلونيا وهو يمرمره من عند خشم زوجتي وأنا اخمه على خشته قلت يا ملعون الجدف هذي حررررمتي أبك أنت تفهم وش معنى حرمتي .. ( متى يحسون فينا الغرب ويراعون شعور المواطن العربي ومدى غيرته على زوجته متى متى متى؟ )
وشوي وأنا أخذ الكلونيا منه وأفك العلبة كلها وأرشها على خشة زوجتي إلا هي قابعتن وصاقعتن سقف الترفلك .. عاد تعال حلها .. نص العلبة دخلت داخل المعدة .. وهي تسكر الحرمة .. ويوم سكرت وهي تقعد تعلق على كلمة تس تس تس .. وهي تناظر في حرمة الأسترالي وتقعد تناظر لها وتقول لها أنتي تسه أنتي نملة أنتي طز طز .. أنتي تسه مانا زينتس .. أنتي تستن مالها بين تسات العالم مثيلا [/color[color=#FF0000]]<< يالربع ترى زوجتي طلعت تحب نزار غباني!
الوكاد صكيتها بقس وخليتها تقول للعنز يا خاله على قولة الشهير ولد جارنا .. يقول (تخيل ياطلال اني جد ابوي .. صك الناقه بوكس خلاها تموت )!
في هذه الأثناء << توني متابعن قناة الجزيرة وسمعت مراسل يقول هالكلمة >> دقيتها علاقة مع خوينا الأسترالي وصرنا كننا نعرف بعض من سنة السبلة .. على طاري سنة السبلة .. الحين وش الفرق بين الدرويش والأبضاي؟ .. المهم عقب ما دقيتها علاقة معاه وأقعد أناظر في حرمتي إلا نفس الشيء داقتها علاقة مع الاسترالية حرمة خويي .. وأنا أعزم الاسترالي على مأدبة عشاء << هذي نهاية اللي ما ينام إلا وهو متابع خطاب سمو الامير >> هو وحرمته .. بيني وبينكم تراني الله حق أني عزمت حرمته قبل أعزمه ( مو يقولون لامنك حليت بديرتن أمش على سلمها ) بس حرمتي من الغيرة راحت وعزمت زوجها ..!
بس ماش بنفس يوم المأدبة لقيت خويي الأسترالي وأعتذر أنه ما يجي للمأدبة العشائية .. قلت ماهي مشكلة يابعد حيي ( بس ترجمتها بالأنقلش له وقلت : no problem after my all friends .. ) بس إذا تقدر تسمح لحرمتك تخليها تجي على المأدبة ( ياليل المأدبة اللي قالها طلال وعنّط فيها ) رد وقال نو وي << يزعم تبطي عظم عقب الترجمة .. قلت الله وأكبر عاد ميتينن عليك انت وحرمتك لا بارك الله فيكم أثنينكم كنكم جوز بعير وبعير << طرّاها علي يومني قلت لأبوي ذاك اليوم أبي أشتري بعير جي أس أل موديل السنة .. الوكاد مالكم بالطويلة قلت لحرمتي زهبي أغراضتس نبي ننكس لديرتنا باتسر .. وعاد تعال ترجم لها معنى كلمة ننكس؟! موعاناة شعب كامل ذيك الليلة عانيتها عشان أترجمها لها!
قلت اسمعي يا حرمة .. الليلة آخر ليلتن لنا بسيدني ونبي نهيص بهالليلة ونخربها نبي كل دراهمنا نطشرها بسيدني ونعيش أحلى ليلة بعمرنا وش رأيتس وهي تقول أبشر اللي تبيه سوه أنت بعلي العزيز وما أقدر اخالف رأيك .. ياحياة الشقا يومها قالت هالكلميتن هذولن .. حسيت أني زي أبوي فعلاً متزوج << عنده نقص ذاتي في إشباع المكنونات الداخلية التي يتقمصها في دور الرجولة .. هماني عربي من ظهر عربي؟!
بيني وبينكم يومها قالت بعلي العزيز تذكرت لي سالفتن ما تنقال
<< إلا اللي مخلوجن ظهره ولا حوله فازلين وش دواه ياعرب؟
على طاري خلجة الظهر والفازلين .. أنا واحدن من الناس ظهري يوجعن دايم الدوم وعنديلي خالتن ما شاء الله كل ما تشوفني تقول تعال أدهن ظهرك بالويزلين
وما غير تفغص ظهري بهالويزلين وهاتك يا طلال من وين ما يوجعك .. الله يجيركم عليها يدين تف تف تف ما شاء الله لا يشوفنا ولدها ويرفع علينا دعوى تظلم على أمه .. عليها يدين تسنها رافعة بلاط ورخام .. الوكاد بيومن من الأيام كنت أشتكي ظهري وظهري يشتكيني << مهوب تسني سمعت حمارتن تغنيها وتقول أشكي همي وهمي أشتكاني؟!
الوكاد وهي تدهنن بالويزلين وأقوم لكم مثل الحصان ما غير أزابد وأرافس << ليتك ما قلت هالسالفة مير أحلالك
يالربع على طاري الويزلين ياخي مدري ليه مستحيل تلاقي بنت سعودية تفكر << ما يدق ابد ابد ابد
ياخي مدري ليه تفكيرها محدود في السوق أو السفر أو الأكل .. وش فيها لو فكرت في الكورة والا الشيشة مثلاً ( وجه يناظر فووق :78:
.. :$
والغصه .. مفهومه :$
:)