تعال وضحك [الأرشيف] - ديوانية مراجيج ©

بنت كاش

10-09-2007, 06:13 PM

هذا الله مير يسلكم ويخليكم في يومن من الايام

وانا جالس منجطلن فالبيت واناظر الـ TV

وكل ماروح لـ قناه الا دماديم << جمع دم ههههههههههههه

وناس تبكي وناسن تهاوش وناس تعيط

وانا اللي يضيق خلقي من هالقنوات ومن هالمشاكل وهالبلاوي

المهم واطفي الـ TV واطس انخمممد قلت اصرف لي من اللي اشوفه

رحت نمت وانا نايم وافكر < هذي غريزه بالعائلة التفكير قبل النوم ههههههه

الموهيم

واقول لين متى وحنا تسذا بس اكل ومرعى وقلة صنعى

وانا اللي اقوم اركب السيكل حقي واخذ معي كم بطانيه < اهم شي عنده النوم ههههههه

وادعسسسس سلمكم الله على وين

قولو على وين

على وين

على

امــــــــــــــــــــريكـــــــــــــــــــــا

قلت بروح لـ بوش واشوف وش عنده من خاتمه

المهم وانا في طريقي وامر على اليابان قليلين الخيره

قلت بسوي صيانه لسيكلي عشان لايعطل والا شي

تدرون وراي خط وباقي الطريق طويل

ترى لاتحسبون سيكلي مثل اللي على خبركم لا

سيكل مقعدتين فيها نظام الملاحه العالمي

وفيها نظام ادعس زين امشي بسرعه <

انظمه واجد بس ضيعت الكتالوج هـع هـع

المهم واحرك من اليابان ودعسه وحده لين قلت لامريكا سلام

وانا اللي ادخل بسيكلي لين ماوقفت الا في المقلط حق القصر الابيض

وكان بوش متكي يكلم 902 عندهم يقول ليه فاصلين جوالي

المهم ويوم شافني وهو اللي يقوم واقف ويقول هلا والله ابو عزوز << قوي

يالله حيه والله وزارتنا البركه وانا اللي اقوله اقطع واخس يامروح

اي بركه تجي من هالوجه واي خير من شاف وجهك ماشاف ولاخير

وهو اللي يجي ويبي يسلم على راسي وانا اللي انتفه بكف بغيت اعدم وجهه

قال وش فيك ابو عزوز قلت انت نسيت وين تسلم قال ايه صح وهو اللي ينزل

ويحب n3ole وانتو بالكرامه

ما علينا مشي مشي

المهم وانا اناظر كذا الا فلم على تو وانا اللي اصفط بوش على جنب

قلت انثبر لين يخلص هالفلم واتفاهم معك

كان الفلم لـ توم كروز يوم ينط من البيت على السيارة < اممممممممممممش

فلم لسع مانزل عندنا بعد سنتين يوصلنا

المهم وانا اللي اتابع الفلم لين خلص وانا اقول لبوش قم طس جب لي التلفون

ويجيب لي التلفون وادق على مطعم بخاري بامريكا

ويرد علي ذاك الافغاني

وانا اللي اقوله waht are you nem يعني وش عندكم عشا

وهو يقول (( دجاج شوايه .. ع الفحم كلوو حق اليوم ))

قلت اجل جب لي نص حبه سفري وكثر البصل وارسلها ع القصر الاسود < قويه

الا بوش يقولي كثر ياخي ترى مايكفي وانا اللي ارفسه بركبتي الذهبيه

واقول انزلع وراك الحين بيجي الاكل واكل انا واملي بطني

والباقي بحطه للـ كـلاب اللي عند القصر وانت رح اكل معهم [ وانتو بالكرامه أيظن ]

المهم هو شافني معصب وكل شوي وانا ارفسه قال وش فيك قالب علي

قلت شوف ياخي والله حركاتك مال امها داعي وش اللي كل شوي حرب وماحرب

يعني حنا ماعندنا احد غيرك مرة فلسطين ومرة العراق والحين لبنان يعني متى بتجينا

<< اهب يا وجهك

ياخي استح على وجهك والله هاذي فيها حق عند القبايل << وش عرفه بالقبايل

الا كان يقولي انا يابو عزوز مالي شغل هاذي اسرائيل

قلت انت وجه النكبه اللي تعبيهم علينا

قلت شوف الحين انا لو بغيت كان الحين دقيت خشمك في بيتك صح

الا قال صح انا ماصدقت واقول مره ثانيه بصوت عالي صــــح

قال ايه صح قلت لاكن انا استحي << اي هين

لكن انت وجهك مغسول بمرقه ماجي يعني اقعد كل شوي امسك خطوط

لين اوصلك وتقولي طيب طيب واخرتها تطلع كذاب ياليهودي

شف والله ان شفت دماديم مرتن ثانيه < سبق التعريف بها

ترى باجي اللعب في وجهك تنس

قالي ابشر وان شاء بتسمع كل علمن زين < تسذوب

انا عرفت ان ماعنده سالفه قلت خلني اصطره شوي عشان مايروح المشوار بلاش

وانا اللي احشره في زاوية المجلس حقه واناظر جنبي الا فيه سلك عماير الاحمر < قدييييم هالولد

ذاك وامغط فيه لين صغرت اذانيه طبعا القرد اذا خاف مافيه الا اذانيه

بعدين رحمته مع انه مايستاهل

واطلع من عنده وكنت قاصدا سيكلي الذهبيه ويوم وصلتها الا الكفر مبنشر

وانا اللي اطلع برى بيت هالتعبان واشوف بنشر جنب البيت

حتى كان اسمه (( بنشر الامانه ))

مادري انا اي امانه عندهم ..!!

واشوف ذاك اليماني فيه واقوله شف لي الكفرات ياعبدوو

ويقولي ابشر ياعم تبغى اغير لك السيفون < حتى بامريكا عندهم سيافين

قلت له غير بس انا ماني رايح بعيد

وانا ماشي فالطريق واتذكر السعوديه وانا اللي اطق ابو نوره

وهو يقول (( ياسلامي عليكم يالسعوديه )) << لاحد يلومه الخط دوخه

ادري مافهمتوا شي

بس للمعلوميه انا بعد مافهمت شي هههههههههههههههههههههه

عسى الله يحفظ لنا سعوديتنا ويحفظني لكم

لاتحرموني من ردودكم يالمراجيج