راكـــــــــان عّ المجهرٍ

[أميـ الورد ـرة]

السلام عليكم ورحمة الله وبركاته

مساؤكم\ صباحكم .. عذوبة حس على أرصفة الأوراق :)

.

راكـــــــــان عّ المجهرٍ


.

أميـ الورد ـرة

[.. [ ماتهاب ] ..]

أحم أحم :$ ..

.. سـؤال في بـالي في الاول وبعدين برجع ببأقـي الاسئلـة :158: ..

1 .. أول قصيـدهـ كتبتها أو او ابياات كتبتها [ كم كان عمرك ؟! وفي منـاسبة او بدوون مناسبـة ؟! ] ..

.. لـي بآك سطآم :$ ..

[راكـــــــــان]

ان شاء الله اكون عند حسن ظنكم


واللي وده يسأل ... يسأل بس لا يكثر

شكرا لك اميرة الورد

[راكـــــــــان]

مرحبا بك " ام حمد "

بجاوب على سؤالك في انتظار ما يلي ..
//

أول قصيـدهـ كتبتها أو او ابياات كتبتها [ كم كان عمرك ؟! وفي منـاسبة او بدوون مناسبـة ؟! ] ..


ابيات بسيطه ثم ارتقت حتى اصبحت قصيده يعني يقال لها قصيده ترى ولا تراها رايحه في امها لا وزن ولا قافيه وتقريبا هالكلام يوم كان عمري في الخمسينات <- اوخص يالعود خخخخ .. لا تقريبا حول الـ 16 توني يومها ورع ومبسوط ما بقى خوي الا واعلمه ان عندي قصيده وابي اسمعها اياه .. وللاسف حينها ماحط عطاني وجه ولاحد تبناني وتشوفيني ذا الحين ما حولي الا رجه ..الله يبارك بقسم الشعر


//


الشعر وليد لحظه بأي وقت ياتيك ... سواء كانت فيه مناسبه او مافيه ... لكن كأول قصيده لي كانت بمناسبه .. ومن النوع العاطفي ... اللي فيها حب وفراق ومن علوم المراهقه الشي القليل .

..


وبس الله يرضى عليك


...


وهلا بك وبسألتك

[[ مطنشّـة ! ]]

السلآم عليـــكم

كيــف حآلك رآكان ؟!

قريت كلمـــة رآكان ع المجهر وجآ في بآلي سؤآل عالسريع ونفسي أسئلك إياه ,

-- قصيــده أو أبيآت حقـد كتبتها في أحد ،، في مين كتبتها .. وليه ؟! ولو تحط لنا منها شوي ,, يصير أكوس وأكوس :$

عآد لآ تقول ما قد صآرت وتفشّـل سؤآلي :166:


يالله ,, بالتوفيق مـع الأسئلـه ,, مع إني دآريه إنها كلهآ بتجيــك شعريــه ,, الله يعينك بس :158:

طنطشـ ,,

[!Ξعـ•الاطبآ’ع•ـذبةΞ!]

السلام عليكم ورحمه الله وبركاته

حياك اللة والمجهر تشرف بوجودك ويا ويلك من اسئلتي:)


بما انك شاعر راح تكون اسئلتى فى مجال الشعر:)

1-س:بدايتك مع الشعر ،،متى ؟وابيات من أول قصيدة كتبتها؟
2-س:هل تعتقد بان الموهبه فقط تصنع شاعرا حتى لو لم يكن متخصصا او ذو ثقافة جيدة؟

3-س هل أستطاع القلم النسائي أن يشق طريقه وسط هذا الزخم الهائل مما يطرح من قبل الرجال؟
4س_لو لم تكن تكتب الشعر فماهي المجالات الأخري التي تجد قلمك قريبا منها ؟
5س_بكل صدق وصراحه ابي رأيك بدون مجامله في الاسماء الاتيه:
1سعود بن عبدالله
2_بدر بن عبد المحسن
3_نايف صقر
4_بشاير الشيبانى
من حيث الشعر طبعا.




6_التلفزيون السعودي ماهي الأسباب التي تجعله لايهتم بالشعراء :)
7_اى مرحله دراسيه وصلت:)

من هو شاعرك المفضل

وان شاء الله تكون اسئلتى خفيفه موثقيله


والله يعينك على البقيه:)

فلفت روز

[راكـــــــــان]

مرحبا بك وحييتي " مطنشه "


انا الحمد لله بخير وسعيد بسؤالك


//


قصيــده أو أبيآت حقـد كتبتها في أحد ،، في مين كتبتها .. وليه ؟! ولو تحط لنا منها شوي




ما من رجا ولا رجاجيلنا ماش = بعضه تبع شور " المره " ما تبعنا
وبعضه تبع هرج الخوادم والاوباش = حسبي عليهم ضيعونا وضعنا
ياما نصحته ياما ياما ويا ماش = عيّا على بعض النصايح وردنا
مثله يساوي شوي من ساسه اللاش = وكفوه كما " كلب " به العام صدنا

واحد رفع ضغطي وكتبتها فيه ... وأسبابها تبقى بين الرجاجيل



وبس الله يرضى عليك


..


حياك مرتن اخرى انتي واسألتك .. واتمنى حقيقه ان لاتكون كلها في الشعر



لا هنتي

[راكـــــــــان]

مرحبا بك !Velvet Rose!

تو قبل شوي اقول ما ودي تصير بالشعر بس دامها منك وانتي عمده خلاص بنجاوب عليها


..


1-س:بدايتك مع الشعر ،،متى ؟وابيات من أول قصيدة كتبتها؟

قد طرح علي هالسؤال .. وجاوبت عليه ولا يمنع اني اجاوبك عليه ذا الحين .. لكن لا عاد تعودينها

بدايتي بالشعر كانت في سن الـ 16 ... وبصراحه انا صرت شاعر بالخطأ ومن هذا الخطأ اصبحت شاعر .. وتطلبيني ابيات من اول قصيده والله ما اذكر منها بيت وحتى لو ذكرت مانيب قايل لك لانها تفشل بصراحه كبداية لأي شاعر ..


2-س:هل تعتقد بان الموهبه فقط تصنع شاعرا حتى لو لم يكن متخصصا او ذو ثقافة جيدة؟

الموهبه .. أساسيه بالشعر .. ولا بد منها .. اما التخصص والثقافه تآتي بعدين ... وحاليا الشعراء في كثره .. وكلهم عندهم الموهبه في الكتابه .. ولكن ما يميز هذا عن هذا .. هي " الثقافه " في النصوص المكتوبه ... ولا يشترط العمر او السن في هذي القضيه " فأذكر الشاعر " محمد بن عبد الوهاب الفيحاني " شاعر توفى وعمره 29 سنه على حسب ما اذكروه الرواه ولكن عندما تقرأ احدى نصوصه فهي مليئه بالثقافه والتاريخ ولقصائده مذاق وطعم مختلف عن باقي الشعراء السابقين .

واما التخصص .. فهو جيد بصراحه نظرا لكثرة اللي يسون نفسهم نقاد فيقعد ع الصادر والوارد ينتقدك فلابد تكون عندك درايه لو بسيطه بما هو " البحر اللي انت تكتب عليه " ووشلون طرقه وحلو اذا عرفت " تفعيلته " .. هذا يحسب في رصيدك ويزيدك خبرة ودرايه بعلوم وفنون الشعر .

3-س هل أستطاع القلم النسائي أن يشق طريقه وسط هذا الزخم الهائل مما يطرح من قبل الرجال؟


جيل " موضي البرازيه " و " بخوت المريه " ما اظنه يعود

من حيث الاستطاعه مافيه شي يستحيل .. هناك اقلام جميله بصراحه قرأت لها كثير .. لكن يعيبها زحفها نحو الحداثه والانتهاج الجديد في الشعر .. بل وأسرافها في هذا النهج حتى انك قد ترين شاعره قد تفقوت على شاعر في كتابة القصيده على النهج الحديث .

وانا تعجبني قصائد " الراسيه " كثير لوضوحوها وللجماليات الموجوده في قصائدها .

4س_لو لم تكن تكتب الشعر فماهي المجالات الأخري التي تجد قلمك قريبا منها ؟

لا اجد نفسي جيد في شيء .


5س_بكل صدق وصراحه ابي رأيك بدون مجامله في الاسماء الاتيه:من حيث الشعر طبعا.


1سعود بن عبدالله

شاعر جميل .. يبحث عن الجمال في تركيبة البيت ويمتاز بعذوبة قصائده ولا يحبها من يقرأ على عجاله ... وله نوعية من الجمهور خاصه فيه وكأنه " ذائقه منفرده "


_بدر بن عبد المحسن

في زمانه كان شاعر عصره ..


3_نايف صقر

يمتلك خيال عملاق

4_بشاير الشيبانى

اخق لا شفتها خخخ




6_التلفزيون السعودي ماهي الأسباب التي تجعله لايهتم بالشعراء

يابنت الحلال مو التلفزيون السعودي بس .. الاعلام كله من صحف ومجلات ماحولك احد .. تلقين شعرائنا ينشرون بدول الخليج ثم يجونك هنا ...اما الاسباب كثيره بصراحه لو اعدها ما خلصت .. بس اهمها واقواها وقع ع النفوس .. ان الاذاعه ملكية لا تبث سوى اخبار الملوك .

7_اى مرحله دراسيه وصلت

السنه الرابعه في الجامعه

من هو شاعرك المفضل


ضيدان بن قضعان


وبس يا بطله


..


اسألتك خفيفه لا هنتي

واعذريني ع القصور

[لبـღqłвeeღـى]

"السلام عليكم "

انا بعد لمن شفت اسم راكـــــــــــان طرا على بالي كم سؤال.....,

انا قريت بعض الاسئله الي كنت بطرحها عليك

وشفت الاجابات يعطيك العافيه _ بس! ابي اسألك كم سؤال

ابيات بسيطه ثم ارتقت حتى اصبحت قصيده يعني يقال لها قصيده ترى ولا تراها رايحه في امها لا وزن ولا قافيه وتقريبا هالكلام يوم كان عمري في الخمسينات <- اوخص يالعود خخخخ .. لا تقريبا حول الـ 16 توني يومها ورع ومبسوط ما بقى خوي الا واعلمه ان عندي قصيده وابي اسمعها اياه .. وللاسف حينها ماحط عطاني وجه ولاحد تبناني وتشوفيني ذا الحين ما حولي الا رجه ..الله يبارك بقسم الشعر

طيب بما انها ماكانت لها وزن ولا قافيه كيف طورتها ؟ وهل في احد قام بالمساعده؟ ( ولا انت من نفسك)

وثاني والسؤال: اللي يقرقع في قلبي

انت تكتب في حد معين؟ يعني ( تحب) .................. وجة يطالع في راكـــان ويقول يؤ يؤ






اذا ماودكـ لاترد بس اهم شي لاتفشلن "!"

[راكـــــــــان]

مرحبا بك " لبى قلبي "

سؤالك جميل ويعني انك فاهمه بهالامور وانا باعلمك


//


بما انها ماكانت لها وزن ولا قافيه كيف طورتها ؟ وهل في احد قام بالمساعده؟ ( ولا انت من نفسك)

شوفي " اللقافه زينه " انت اذا جلست بمجلس شعراء وتستحي يكفيك الاستماع ومنه تتعلم .. انا ما سألت احد عن القوافي ولا الاوزان انا " استرقت السمع " ثم تعلمت .. وانا الى الحين امارس هذي الهوايه والى الآن اتعلم منها .

//

واذا على سؤالك هل اكتب قصايدي عن " حب " او لا .. بكون مع صريح

لولا الحب بأعتقادي لم اكن شاعر



/


وبس الله يبارك فيك


هلا بك مرتن اخرى ان كان لك باك

[شليــويح كفــوري]

أنا وغيري نشحذ العلم راكـان // ولي الفخر لاقلت بشحذ عويني
أنا أتنومس يومني شفت عنوان // راكان ع المجهر عفيف الجبيني
راكان في قافـه كنوزاً ومرجـان // قافـاً بتبطي ماتخطـّـه يميـنـي
راكان إي والله وإذا قلت راكــان // أستحضر الإبداع وأصبح رزيني
,
.
أربع أبيات أنا أشوفها أربع أبيات بوضعها الطبيعي .. لكن إذا قستها بقدرك الله يرفع قدرنا وقدرك يمكنّها ماتجي شطر أو حرفين بوسط شطر .. الأبيات أقل من متواضعـه إعتبرها خــُـلاصه أقدمها لك على طبق من الودّ والمحبّه .. وإذا ماجازلك كلامي .. همّشها وإعتبرها محاوله .


إخـوي / راكان .. عندي كذى سؤال يمكن إني ماظفرت بالإجابه منك عليها واقعياً ولامانع إني ألتمس إجابتها نتيـّـاً



س / ما مدى تأثير الجمهـور على الشاعر أو القصيده وماهي الأبعاد بين الشاعر والمتلقي خاصه إذا الشاعر غير مشهـور بما فيه الكفايه يعني شهرته محدوده مثلك أنت وغيرك من الإخوان هل يأثر ذلك في مباديء الشاعر في نسجه ووزنيته لقصايده .. أو إنه يترجم مكنون مشاعره ومايجول في خاطره بالقصيده ولو ماكان هناك متلقـّـي أساساً ؟!




س/ ممكن ناخذ معك جولـه مبسـّـطه وشرح سهل عن بحـور الشعـر وتفعيلاتـه .. والطريقه التقليديه (الطرق) .. وياريت يصير فيه إشاره للبحر الهلالي وطريقة طرقـه .. إذا كان له طريقه مختلفه .. على أساس إن الشعار نادراً مايتطرقون لكتابته وهو من البحور القديمه المتداوله في ساحة عصر الشعر الذهبي السابق وعلى أساس إنه معقد ويَصاغ على قافيه واحده ؟!



س/ المعروف إن الشعار (( يقولون مالا يفعلون )) .. من هذا المنطلق هل أستطيع الجزم إن الشعار (( إخذ وخلّ )) !! .. وهل يعني ذلك إن الشعار عندهم تنازل عن مبادئهم لمجرد إفراز البيت حتى يصل لمسمع المتلقي بأجمل صوره والحصول على أكبر عدد من الأيدي المصفقه وصدا التصفير وتعالي أصوات المدح والثناء والتلميع وحتى لو كان إللي يقوله يناقض أفعالـه وإنطباعاته ؟!


س / شاعر المليون .. وخاصتاً بعـد الشبهات والأخبار إللي شاعـة حول البرنامج .. والتلاعب .. ووضع لجنة التحكيم .. ودي لو ناخذ جوله عن البرنامج بإسهاب




س / سطام أعرفك عن قرب .. بإطلاعك وثقافتك وحبك للإرتقاء بنفسك شعرياً والتعمـّـق والتعرف أكثر وأكثر .. ألا ترى أنك إكتفيت إكتساب مايمنحك كرت عبور منفذ الشهـره ؟! .. طموحك كـ موهبـه متميـّـزه ؟!




إزدان المجهـر بتشريفك يا إبو وسمي .. والسموحـه على الإطاله :)

[!ܓغـالـޢـي الأثمـޢـانܓ!]

السلام عليكم

اختيار في محله اميرهـ

راكان بما انو الاغلبيه سألوك عن الشعر

بتجه اتجاه ثاني

اول سؤال_هل تعتقد انو المنتدى او النت بشكل عام اضاف لشخصيتك شي ؟

السؤال الثاني_قدوتك في الحياهـ،من العصر الحديث ،مو في مجال الشعر

كشخصيه اقصد ؟

السؤال الثالث :سطرين توصف فيهم ماتكره فيني

وسطرين توصف فيهم ماتحب فيني

وسلامتك يابعدهم :)

وائــــــــل000

[ملك القلوب]

السلام عليكم ورحمة الله وبركاته

هلا وغلا بالغالي راكان

ماعندي اسئله بس اردت

ان اسجل تحياتي واحترامي

لك وبالتوفيق تحياتي لك من

اخوك / ملك القلوب

[أميـ الورد ـرة]

السلام عليكم ورحمة الله وبركاته

مسائك حضور في مسرح جمال :)

.

خمسة أسئلة .. في رصيدي و بستنفذهم مرة وحدة ..


السؤال الأول :

كثير أمور يشوفها الواحد ويعارضها ولكن يكون في وضع التقييد اللي ربما يسبب هيجانه أكثر أو رضوخه السلبي يعني كلن و شخصيته .. انت لما تكون ضد شيء لكنك غير قادر على تغييره لأسباب معينه وش تكون ردة فعلك ولو أعطيتك فرصة التغيير في االمجالات التالية وش بتغير ..


الحياة الاجتماعية

السياسة والاقتصاد

التعليم

و مجال آخر تركت لك الحرية فاختياره ..


السؤال الثاني :

البحر و البر ملجئين للكثير منا .. انت أيهم تعتبره أقرب لأن يكون ملجألك البر ولا البحر ؟؟

أبيك تختارلي خمسة أشياء من ملجأك الخاص ( البر أو البحر ) و تهدي كل شيء لشخص في حياتك سواء خارج النت أو داخله لك كامل الحرية ..


السؤال الثالث :

من حوار سابق دار بينا عن الرسم أحس إن لك ميول فني .. ودي لو ترسم شي بسيط و تنزله لنا .. أي خربوشة تقدر عليها بشرط أن تحكي لنا جوك الآن ..


السؤال الرابع :

كلمة لأ و نعم " بشكل قطعي" .. أعطني خمسة حالات لكل واحدة .. حيث ينطقها بن وسمي بثقة غير قابلة للجدال ؟؟


السؤال الخامس :

كثير ما نسمع إن الحياة فالسابق كانت أجمل و الآن تغيرت بشكل سلبي .. البعض مع هالرأي و البعض ضد إنت مع أي الرأيين .. ولو طلبت منك تسويلي خليط بين الحياتين وش بتختار تاخذ من كل حياة ؟؟



.

أتمنى تكون الأسئلة على الكيف و السموحة من شخصك خي :)

أختك

أميـ الورد ـرة

[تسبير النصابين]

[size=4]بسم الله الرحمن الرحيم

اخي الكريم والغالي سطام

السلام عليك ورحمة الله وبركاته

واسعد الله اوقاتك بكل خير

احيي من قام باختيارك والسماح لنا بمحاورة اخاً عزيزاً علينا

وهنا ليست المحاورة بالشعر ولكن بطرح بعض الاسئله التي لم يأتي مجال للبعض لكِ يتعرف على من خلف هذا النك خلف هذه الشخصيه المتمثله باسماً مستعار وعبر ابياته التي تبهرنا عندما تستمتع اعيننا بقراتها وتطرب لها مسامعنا..
عندما رائته للمرة الاولى بالموقع القديم وتشرفت بمعرفته ورائية اسلوبه بالمحادثه ايقنت انه شخص صعب المزاج ومتقلب المزاج شخص يتحدى النقاش ويحبه وذو ثقافه عاليه وعندما تشرفت بمقابلة للمرة الاولى شاهدت شخص اخر ليس من عرفته عبر النت شخص خجول قليل الكلام شخص يجبرك على احترامه ...


----------------------------------

اخي سطام
انت طلبت في احد الردود الابتعاد عن الشعر وانا سوف تكون اسئلتي بعيده عن الشعر

----------------------------

1.بالمجتمع الشرقي الرجل يعتبر شايل عيبه لماذا المراءة تحاسب عندما تخطئي والرجل لا يحاسب مع العلم ان الخطاء اين كان شرعا لايفرق بين رجل وامراءة الزاني او السارق او رجل خرج من السجن وهنا يجد العالم يستقبله اما المراءة فتكون منبوذه من المجتمع....
سؤالي هل تعتبر هذه الشي حظاري ام شي تربينا عليه؟؟؟اتمنى ان اجد منك مداخله بهذا الخصوص وعدم الاكتفا بكلمة نعم او لا


2.هل تؤيدالحب او الصداقه بين الرجل والمراءة او الولد والبنت اين كانت طريقة المعرفة بالنت او خارج النت ....
مع العلم ان هناك شخص اعرفه وتعرفونه جيد بالموقع القديم احب وتزوج عن طريق الشات الصوتي والان لدية ولد وبنت توئم ...


3.اعذرني اخي سطام سوف ارجع ورا قليلاً علما انني قلت ببعد عن الشعر مع العلم انه ليس سوا استفسار وهو بالاساس سؤال بخاطري من زمان وحبيت اسئلك عنه بس ما حصل فرصه اني اواجهك... وسؤالي هو.. قصيده قديمه قلتهامن دون ذكر ماهوا اسمها ..ودون التطرق لاسبابها او مناسبتها .... هل كتبتها وقت انفعال ؟؟؟ واذا كانت الاجابه نعم.. هل ندمت بعد كتابتها... علما انني لا اعلم هل كتبت بعدها اعتذار او انتهى الموضوع بينك وبين الشخص ... لانني من زمان لم ادخل هنا ولكن علمة عن طريق شخص انك لهذا الاسبوع ...
مثل ماكنت منقطع وعلمة سابقا ان محمد على المجهر من قبل شخص عبر الماسنجر ...


اكتفي بهذا القدر وان شاء الله وطرا ببالي اي سؤال سوف اعود

اخي الكريم سطام اتمنى ان تواجدي واسئلتي حفيفه على قلبك لانك والله بعيداً من العين قريباً للقلب

تحياتي لك
اخوك ابوسديم


/size]

[راكـــــــــان]

أنا وغيري نشحذ العلم راكـان // ولي الفخر لاقلت بشحذ عويني
أنا أتنومس يومني شفت عنوان // راكان ع المجهر عفيف الجبيني
راكان في قافـه كنوزاً ومرجـان // قافـاً بتبطي ماتخطـّـه يميـنـي
راكان إي والله وإذا قلت راكــان // أستحضر الإبداع وأصبح رزيني


ابدعت وصح الله لسانك


آقول



يا مرحبا حييت يا ذرب الايمان = حييت يا نسل الكرام السميني
قبل امس ما كن لك مع الشعر سلطان = واليوم اشوف ابيات شعرك تجيني
قاف ٍ على معنى ومبنى وميزان = وأبيات جزله شدها يهتويني
سبحان من علمه وسع علم الانسان = وسبحان من بأمره تخط لك يديني
يا بو سعد للشعر سور ٍ وعمدان = واخشى عليك اتطيح وتقول ويني
يا بو سعد وش لك وموترك سيدان = والشعر بر طعوسها تشتكيني


^

^

آخر بيتين تحدي ههههه



هلا " عزوز " يسعدني تواجدك ويعني لي الكثير الكثير ... لا هنت يا رجل


//


ما مدى تأثير الجمهـور على الشاعر أو القصيده وماهي الأبعاد بين الشاعر والمتلقي خاصه إذا الشاعر غير مشهـور بما فيه الكفايه يعني شهرته محدوده مثلك أنت وغيرك من الإخوان هل يأثر ذلك في مباديء الشاعر في نسجه ووزنيته لقصايده .. أو إنه يترجم مكنون مشاعره ومايجول في خاطره بالقصيده ولو ماكان هناك متلقـّـي أساساً ؟!


شف " عزوز " سؤالك هذا جميل جدا بصراحه ويدل على شدة قربك من الشعراء اللي حولك كثير خصوصا الغير معروفين ..

بتكلم لك عن مبادئه في البدايه ... تكون المبادئ عند الشاعر ام موروثه او مكتسبه .. موروثه يعني وشو " ابوه شاعر وجده شاعر وبني عمه شعراء وجماعته كلهم شعرا .. فهو ياخذ نهجم ويستدل به في الشعر ..

اما الشاعر اللي يكتسب مبادئه مثلي .. ابوي ماهوب شاعر ولا عندي من جماعتي من يشار له بالبنان في شعره .. لكني اخذ هذي المبادئ واكتسبها من البيئه اللي انا فيها وكأني اول من ينهج هذي المبادئ في سلالته ... وطبعا هالشي صعب جدا ويتحمل فيه الشاعر عبئ ثقيل عكس من تاتيه وراثه فهو رتاح ولا يحتاج يفكر بأي نهج يسلك او مبادئ يلتزم فيها .


..


تأثير الجمهور على الشاعر .. من وجهة نظري بأعطيك اياها بمثال يقرب لك الصوره اكثر ..


انا طبعا ما قد " طبيت شروره " وهذي ديرة على حدود الامارات ..

لو جيتني وسألتني كم المسافه اللي بين الحسا وشروره ووشهي المخاطر اللي تواجه السواقين بهالخط .. بقول لك مدري .. لاني ما مريتها اساسا ولا خضت تجربت الوصول لها ..


فـ ذلك تأثير الجمهور على الشاعر انا ما اعرفه متى وكيف .. لاني ما جربت اكون في هذا الوضع حتى اعلم ماهي الفوارق هذا للامانه لكن اذا كنت تبي اجابه تقليديه بقول لك : ان التأثير احتمال يكون سلبي واحتمال يكون ايجابي .. لكن من خلال ما أراه انا ارى للجمهور فايده وحده بصراحه .. وحلو تواجدها في الشاعر .. انو الجمهور يكون له دور وتأثير كبير في نشاط الشاعر وكتاباته .. بدال ما يكتب كل اربع شهور قصيده .. بتصير كل شهرين وكل ما واجه ضغط اكثر بتصير في اقل .. لانه مضطر .. وعندما تكون مضطر تبدأ بالاختراع .


آخر جزئيه بسؤالك بصراحه اعجبتني كثير وانا أنتمي لها ..


الشاعر عندما يشعر ان ما حوله احد يبدأ يكتب ما يشبع ذائقته وما يراه مناسب .. هذا ما حصل معي .. جمهوري اعضاء رجه واتشرف فيهم .. //


س/ ممكن ناخذ معك جولـه مبسـّـطه وشرح سهل عن بحـور الشعـر وتفعيلاتـه .. والطريقه التقليديه (الطرق) .. وياريت يصير فيه إشاره للبحر الهلالي وطريقة طرقـه .. إذا كان له طريقه مختلفه .. على أساس إن الشعار نادراً مايتطرقون لكتابته وهو من البحور القديمه المتداوله في ساحة عصر الشعر الذهبي السابق وعلى أساس إنه معقد ويَصاغ على قافيه واحده ؟!

سؤالك هذا رايق ..


فيه كتاب اسمه " كيف تنظم قصيده " للأستاذ فلاح المنصور .. الى رحت جرير بتلقاه وانا عندي منه نسخه احتفظ فيها للافاده والاطلاع ..


وانا ما عندي علم كثير فيها ... لكن اللي اعرفه ان بحور الشعر النبطي .." 9 " اخذت تفعيلاتها من الشعر الفصيح ومن مزايا معرفتك لها .. انك تعرف شي واحد وهو مهم " ان القران الكريم ليس بشعر "


انا عادة اطرق ع المسحوب وتفعيلته " مستفعلن مستفعلن فاعلاتن " كبدايات ماعرف وش هي التفاعيل ولا حتى البحور لكن مع كثر استخدامي لهذا البحر في كتاباتي " الفضول جعلني ابدأ في معرفة ودراسة البحر اللي انا اكتب عليه "

..

اكثر الشعراء حاليا يطرقون ع " المسحوب " .. وانت في ابياتك اللي ابدعت بسؤالك .. كانت ع المسحوب ..هذي الطريقه الاولى في معرفة وزن ابياتك ... اما الطريقه الثانيه .. فهي انك ... تختار لحن معين .. وتبدا تطرق عليه القصيده وهذا هو الطرق " القديم " وكانو يستخدموونه شيابنا ... انا اذكر ابوي يطرق بهالاسلوب لاحد شعراء جيله "" فكان يستخدم " لحن معين " للمسحوب " وللصخري " وللفراقي " وللهلالي " ..كثير اسمعها منه لكني ما اتقنتها لصعوبتها شوي .. ويمكن تذكر .. خليل الشبرمي التميمي ... الي جا بتصفيات شاعر المليون .. اعتقد انه طرقها بالنهج القديم والكل سمعها .. فهو مثال حي لموضوع الطرق " القديم "


البحر " الهلالي "

سمي بهذا الاسم " نسبة الى قوم بني هلال " وبصراحه ما اظن احد من جيلنا هذا يعرف وش هي قصة " بني هلال "

لكن موضوعنا البحر وهو مسمي عليهم لكثرة استخدامهم له ونقلهم للروايات حتى في الكتب اللي وصلتنا لم تكن على شكل اقصوصه ما حدث لهم وانما كانت على شكل قصائد بـ 100 وبـ 200 بيت وانا عندي نسخه قديمه جدا من هذا الكتاب تحوي تقريبا على 600 صفحه .

..

اصبح ضعيف جدا استخدامه مع انه سهل ويقال انه صعب .. وهو يزيد عن المسحوب بحرف واحد بس في كل شطر

قل استخدامه بصراحه في اعتقادي لان الغالب ما عندهم وعي الشاعر المتمكن والعارف بجميع بحور الشعر او ع الاقل بأهم بحوره .

اعترف بتقصيري على اجابتي لسؤالك في البحور فأنا لست مختص فيها .



س/ المعروف إن الشعار (( يقولون مالا يفعلون )) .. من هذا المنطلق هل أستطيع الجزم إن الشعار (( إخذ وخلّ )) !! .. وهل يعني ذلك إن الشعار عندهم تنازل عن مبادئهم لمجرد إفراز البيت حتى يصل لمسمع المتلقي بأجمل صوره والحصول على أكبر عدد من الأيدي المصفقه وصدا التصفير وتعالي أصوات المدح والثناء والتلميع وحتى لو كان إللي يقوله يناقض أفعالـه وإنطباعاته ؟!

تقريبا اصبح فيه وعي بهالنقطه عند الشعراء الكبار والمعروفين .. لكن هذي النقطه تثير جدل عند اللي توهم يطلعون ع الساحه

فيه كتاب اسمه " قصائد قتلت اصحابها " للشيخ " عائض القرني "

اذا فرفرت فيه تعرف ان الشعراء كانو مرتزقه يبحثون عن لقمة العيش لان هذا يعمل بديل عن ايديهم ومنه ياكلون عيش .. بالنسبه لي انا ما اشوف هالشي غريب لاني اراه من عصور قديمه ..

الشاعر لابد ان يجعل الله امام " عينيه " ويعلم ان الله سيحاسبه على ما يقول .. اذا وجد الوعي هذا عند جميع الشعراء راح تخف الظاهره هذي .

والشاعر اللي يكتب بيت او قصيده فيها عكس مبادئه هذا شاعر ما يستحق احترام نفسه .


//

شاعر المليون .. وخاصتاً بعـد الشبهات والأخبار إللي شاعـة حول البرنامج .. والتلاعب .. ووضع لجنة التحكيم .. ودي لو ناخذ جوله عن البرنامج بإسهاب


ثمرة هالبرنامج .. اكتشاف الشاعر " محمد بن فطيس " اما السنه هذي لا تحسب لها حساب دور للي بعدها ...

لجنة التحكيم .. ثلثينها ماهوب يم الشعر ... غسان والعميمي اكثر اثنين عندهم درايه ومع ذلك لا ينصفون بعض الاحيان

والبرنامج فقد مصداقيته خلال الحلقات الاولى .



سطام أعرفك عن قرب .. بإطلاعك وثقافتك وحبك للإرتقاء بنفسك شعرياً والتعمـّـق والتعرف أكثر وأكثر .. ألا ترى أنك إكتفيت إكتساب مايمنحك كرت عبور منفذ الشهـره ؟! .. طموحك كـ موهبـه متميـّـزه ؟!

في الحقيقه انا اخر همي الشعر ... اكتب متى ما حسيت بالنقص ... ماهوب تزلف ولا نفاق .. بصراحه لا توني ما بعد اشوف نفسي كفو ومحل اني اكون ظاهر ع الاعيان .. ثانيا انا عاجبني جمهوري في رجه ولا ابي شي زود
وعلى قول ابن فطيس في بيته .. المليان

تظهر من الشاعر تنهـات وابيـات واللي مهو شاعـر يظهـر مناديـل


//

بو سعد لا عاد اشوف وجهك قسم بالله تعبتني بأسألتك


اتمنى اني وفقت بأجابتي عليك يا القرم


وسامحني ع القصور ... لو عندك تعليق ولا شي على الاجابات معطيك الضوء الاخضر بأمكانك التواجد مرتن اخرى


وبس الله يبارك فيك

[راكـــــــــان]

اهلين " وائل " هلا بالطيب ذكره هلا بالغالي


..

وائل انا اذا شفتك اشعر بالسكينه ياخي شوفتك مسكن ومضاد حيوي .



//



اول سؤال_هل تعتقد انو المنتدى او النت بشكل عام اضاف لشخصيتك شي ؟


لا يا رجل المنتدى " دريشة مقصف " ياخذ ريالين ويعطيك سندويش وعصير ... " الغايه " بقدر ما يأخذ منك فهو يعطيك عاد شف وش تاخذ وشف وش تعطي اذا زين انت وزانت علومك بتاخذ وتعطي طيب ... واذا شين انت وشانت علومك بتاخذ وتعطي ردى ... وانت ماشي ...


//


السؤال الثاني_قدوتك في الحياهـ،من العصر الحديث ،مو في مجال الشعر

كشخصيه اقصد ؟

من محمد " عقيدته " ... ومن يعقوب " صبره " ... ومن ابوي " زوجاته " <- ابوي متزوج اكثر من وحده وانا ودي اسلك نهجه ههههه



سطرين توصف فيهم ماتكره فيني

استماعك الزائد للاغاني وانا من حبي لك ودي انك تخفف منه بصراحه ماراح تفيدك شي .
وزود على هذا مع كل حرف سيئه بعكس القران وتخيل باليوم كم سيئه تجيك من وراها
انت في غنى عنها صدقني " والله يهديك "

وسطرين توصف فيهم ماتحب فيني

ياخي ذوقك .. انت شخص عجيب وبصراحه شخصية نادره واجهتها بالنت .. ثانيا تملك نسبة كبيره من " الحكمه " ان لم تكن كامله لكنها لا توجد في احد عادة بنسبة كبيره حتى تصبح 100% .. الله يحفظك .


//


وائل انت كأنت حضورك لطيف جدا وخفيف لم اشعر بثقل اسألتك

لو عندك شي تقدر تعود

وبس بارك الله فيك وحماك

[راكـــــــــان]

ملك القلوب

لا هنت يا بطل

تواجدك يزيد الموضوع رونق


شكرا لك حتى تشبع

[قلبي لمن؟]

السلام عليكم ورحمة الله وبركاته..



لم استطع منع نفسي انـآ أحظى بشرف التواجد وسؤال عضو يملك من الثقافه والحكمة والفكر الناضج.

مع اني عضوة جديدة لكني حاولت قدر المستطـآع أخذ فكرة عن الموضوع..وبنفس الوقت عن العضوراكان

واخواني الاعضاء ماشاءالله لم يقصروا بأسئلتهم..


كم سؤال يحضرني الآن .بعيد عن محيط الشعر تلبية لطلبك..:)



1_ الانسان المسلم يخرج من مواقف الحياة بالفوائد !! ... ما هي العبر والفوائد التي لا زالت في ذاكرة راكان ؟؟


2_اخي العزيز هل انت مع الصراحه الزائدة؟أم الجرأه الزائده؟ ولمـآذآ.؟





لي باك اذا سمحت لي اخي الفاضل..

[$ جيفارا $]

السلام عليكم ورحمة الله وبركاته ,,,

كيفك اخوي راكان ,, حبيت اتواجد في هذا المنبر ببعض الاسئله,, واتمني ماتكون ثقيله عليك اخوي العزيز ,,

اكيد اخواني وخواتي اللي قبل ماقصرو معاك ,, في الاسئله الشعريه ولكن ماعليهم لوم ,, لانهم امام انسان ينثر

الابداع ويجيد صياغة الكلمات في اروع حلة ,, ومثقف من الدرجه الاولي ويملك احساس شعري رائع الي ابعد الحدود,,


عندي لك كم سؤال علي الطاير ,, وراح ارجع لكــ اذا سنحت الفرصه مره ثانيه,,,


س/ اين انت من الظهور الاعلامي , وهل سبق ان نشرت احدى قصائدك في المطبوعات الشعريه ؟

س/ رائيكــ في هذه الاسماء الشعريه :

سعد بن جدلان ,, سلطان الهاجري ,, سعد علوش ,, مانع بن شلحاط ,,


س/ موقف طريف مر عليك ولازال عالق في ذهنكـــ ؟


س/ في اي جامعه تدرس ,, و شنهو تخصصكــ ؟


س/ انتشار القنوات الشعريه وسلبياتها واجابياتها في نظرك ,, وهل هي خدمت الشعر ام اظرت به ؟


والباقي لاحقين عليه ,, بعد مانخلص اختبارتنا ,,,

اتمني لكــ التوفيق في حياتك الشخصيه ,,

اخوكــ $ جيفارا $

[ليـــلي ألم]

راكان , وش حالك يابعدي .

إسمح لي أحجز هالمكان , لين ارجع بإذن الله واسألك .

[راكـــــــــان]

وعليكم السلام


/

هلا وسهلين " اميره " .. ومرحبا بك وبتساؤلاتك


/

ما اخفيك يا اميره اني ما اداني النوع هذا من الاسأله .. وانا من ثلاث ايام مع اسألتك " فر و كر " كل ما روقت جيت اقرى اسألتك ودي اعرف وش زبدته واذا دخت " رحت لقسم الالعاب العب مع " قلبي لمن " خخخ .. ترى استيعابي بطيء..و ان شاء الله اتوفق في الاجابه .. ان اصبت فمن الله .. وان أخطأت فمن نفسي والشيطان .

//


انت لما تكون ضد شيء لكنك غير قادر على تغييره لأسباب معينه وش تكون ردة فعلك ولو أعطيتك فرصة التغيير في االمجالات التالية وش بتغير ..


الحياة الاجتماعية

السياسة والاقتصاد

التعليم

و مجال آخر تركت لك الحرية فاختياره ..

سؤالك هذا " سؤال مخبى داخل سؤال " .. وانا اشوفه " جزأيتين " باتطرق لك عن الجزئيه الاولى ثم انتقل للثانيه ..

..

أبوي الله يحفظه اذا تضايق من امي .. بالليل .. طلع ينام " بالملحق " وترى هالشي ما يسبب لي احراج لذلك اخذته كأستشهاد ..

وش هالفعل اللي يخلي رجل " بنظري " حكيم في تصرفاته وذكي جدا وجامع ثروه " يتصرف هذا التصرف " ..اذا رآى من زوجته شي يكرهه يدعها ويطلع خارج المكان اللي هي فيه ...

اكيد انه بتحصل كارثه لو استمر بقائه . .. " لذلك من الحكمه ابتعادك عن امور ترى انك من الصعب اجراء تعديل عليها" ولمصلحتك اولا ... ثم لمن حولك ... هذا الشي ما يعتبر ضعف في نظري .. واذكر على اثرها نبينا " يونس عليه السلام " حينما ترك قومه غضبان ودون ان يأذن له الله " فخرج من دياره وقرر يسافر ثم ركب السفينه " ثم " غرق وألتقمه الحوت ..والجميع يعرف قصة النبي يونس عليه السلام ... كذلك " محمد عليه الصلاة والسلام " حينما اعتكف في المسجد شهر " وأتاه عمر بن الخطاب يقول له " هل طلقت نسائك يا رسول الله " وكان جواب الرسول عليه الصلاة والسلام " انه لم يطلقهن ولكنه تضايق من شكواهم وحديثهم معه بكون ان بيوت الرسول ليس بها نار توقد ولا طعام ... ثم اتى القرآن شاهد على فعله وكانت الأية في نصها
قال تعالى " يا أيها النبي قل لأزواجك إن كنتن تردن الحياة الدنيا وزينتها فتعالين أمتعكن و أسرحكن سراحا جميلا وإن كنتن تردن الله ورسوله والدار الآخرة فإن الله أعد للمحسنات منكن أجرا عظيما " والآيه من سورة الاحزاب ..

اي ان يا نساء النبي لكم خيارين يا انه يطلقكم ويرزقكم الله ازواج آخرين وتتمتعون بالدنيا وما فيها ... او تصبرين وتكون لكم الجنه ... وطبعا كان اختيار زوجاته هو البقاء ... واللي يقرى الايه ويتتبع تفسيرها يلقى معاني اشمل وتفسير مفصل للآيه .


ابوي بفعله هذا فهو يقتدي بهم ما استطاع .. وانا على نهجه ونهج اسلافه .


ومن وجهة نظري " القاصره " ان الشخص لا يسعى كثير ويحب دائما تغير من حوله بشكل مستمر ويترك عنه ذا العادهـ لانها " تملل " المسلمين وتنحشهم منه ... ويسعى كثر لتغير نفسه بدال ما يقعد يبلش العالم بأيش يحب وبأيش ما يحب ... والكلام فيها يطول ... " انتهى "


" التغيير في الحياة الاجتماعيه "

والله ما عندي ملاحظات عليها .. لكن به شي ودي انه يصير .." أن العالم لا تلبس ثوب ماهوب ثوبها " الحضري " يتبدون " والبدو و " تحضرو " وش له هالعالم ترجع لورى ... خلو كل واحد على ملبوسه ابرك " .. والكلام وده انه يكون بيناا



" التغيير في السياسه والاقتصاد "

انا اللي اعرفه ان السياسه علم حديث " واذكر ان شخصية " مياكفيللي " هي الشخصية الناجحه في السياسه وهي الشخصيه الرائده والسائده في العالم حاليا وكانت شخصية " ميكافيللي " تعتمد على نفي الاخلاق والمبادئ في السياسه انه ما دام الامر يقتضي مصلحة عام فلا حاجه للوفاء بالعهود والوعود ويمكن للقائد والسياسي التنازل عنه وتراه حلال " ما اخنزه ذا الكافر " .. يحلل ويحرم على كيفه " السياسه هذي مورمتن " تسبدي " ودي انها ما تنوجد .

اما الاقتصاد " تؤخذ نسبة سنوية قابله للزياده من ارباح البنوك ويتم استخدامها لخدمة الحياه والمجتمع السعودي " لانهم انهبونا ولا حولك احد ولان حنا " مطانيخ " ودلوخ وهذا هو اللي مخلي ربحهم في العام اللي مضى يوصل 34 مليار ريال سعودي في سنه وحده .

..

" اما التغيير في التعليم "


" يبدأ التخصص من الثانويه " مو اذا دخلنا الجامعه .... لان بصراحه اشوف ان دراسة الجامعه مختلفه تماما عن ما تعلمناه في الثانويه فليش مضيعة هالوقت ..تدريجيا نتخصص ثم نوصل مراحل متقدمه وبكذا البلد يستفيد موارد بشريه طاقتها الانتاجيه جباره وحنا نستفيد باستقطاع جزء كبير من الوقت المأخوذ هدر .


//


السؤال الثاني :


( البر او البحر )

البر

أبيك تختارلي خمسة أشياء من ملجأك الخاص ( البر أو البحر ) و تهدي كل شيء لشخص في حياتك سواء خارج النت أو داخله لك كامل الحرية ..




" عسجده وعرفجه وزهوره "

لمن راحت


" ذيابته "

اقول لها يكفيك ابو سلطان


" اضحويته وصبوحه "


لأبوي ولأمي

"


" غبوقه "


لشليويح ولا يسلط وبو عبد الله <- شافه بالمجلس ولا يعرفه للحين ويقولون انه من شباب رجه هههه


" عشايرها وخلفاتها "


طبعا لي .. <- خذ السمينه ههههه
السؤال الثالث :

من حوار سابق دار بينا عن الرسم أحس إن لك ميول فني .. ودي لو ترسم شي بسيط و تنزله لنا .. أي خربوشة تقدر عليها بشرط أن تحكي لنا جوك الآن ..


اما انا ارسم .. ما ينفع ارسم مالي بالرسومات ... صحيح دار بينا حديث عن الرسومات وقلت لك ما اعرف لها وودي اتعلم .. بس للحين ماحد " تبناني " وانا والله ما عرف ارسم الا " نخلتين يشكلون ثنائي قدام طعس .. وش جاب النخلتين يم ذا الطعس مدري خابر انها في المزارع بس لله في خلقه شؤون ... وتعلمتها من يومي بـ 3 ابتدائي .. ومن حظي كل سنه ياتي مدرس " فنية جديد " واذا قال لي ارسم رسمت له ذا النخلتين واحيان اسوي له طعس واحيان انسى الطعس وارسم طيور " نورس " فوق نخلتين " وطعس " وطيور نورس " <- جامع المخلوقات في مكان واحد ههههه .. ألين تخرجت من الثانويه .. واذا طوّرت له بالرسمه " رسمت " عذق تمر " واحيان " رطب "


تظنين اني امزح تراي والله صادق باللي قلته ماعرف ارسم الا هم ... ولا تفكرين مره ثانيه راعي فنون اخرى ههههه




//


كلمة لأ و نعم " بشكل قطعي" .. أعطني خمسة حالات لكل واحدة .. حيث ينطقها بن وسمي بثقة غير قابلة للجدال


بأغير سؤالك وباختار بس " نعم " وماراح اذكر شي من " لا " لانها بتكون عكس ما تريده " نعم "


..


" نعم "

لـ آل سعود



" نعم "

لـ شاعر المليون


" نعم "

لأرتباط الريال بالدولار


" نعم "

لـ رجه


" نعم "


لتعدد الزوجات <- هذي اهم شي خخخ


//


كثير ما نسمع إن الحياة فالسابق كانت أجمل و الآن تغيرت بشكل سلبي .. البعض مع هالرأي و البعض ضد إنت مع أي الرأيين .. ولو طلبت منك تسويلي خليط بين الحياتين وش بتختار تاخذ من كل حياة

الى رحت يم شايب ونشدته عن هالكلام .. يقول لك هالحين افضل " لما فيه من تقدم وتطور من اول مافيه الا الجوع "
ولكن يبدا حنينه للماضي وهذا شي معقول وبنظري طبيعي جدا ولا ارى بالماضي ايت فروق ثانيا حنا كأجيال لهذا الزمان لابد نفخر بزماننا .. لان بيأتون اجيال من بعدنا فلابد نهتم بالامر هذا ونبدأ نورث لهم كما كانو اسلافنا يورثون لنا وقبل كل هذا لابد نغير من تفكيرنا ونجعله كما كانو يفكرون بأن الحياة لا تبقى على حال " في نظري .. اجيالنا سوف تأتي وتاخذ موروثها لمن كانو قبلنا وتتركنا لشدة اعتقادنا ان حنا ما نملك شي " بالعكس الحمد لله على ما حن فيه " ولا بد تتوحد الالسن والقلوب على حمد الله وشكره والثناء عليه على ما انعم علينا بهذا الزمان .. والكلام يطول في هالنقطه .


//


اميرة الورد


اسألتك دوختني والله

وبس بارك الله فيك

[S A R A]

1- هل تعتبر المرأه عضو فعال بالمجتمع ام بقاءها في بيتها وعدم وجود استقلاليه في حياتها العمليه ؟


2- كثير من ردودك احس انك منحاز للرجل اكثر هل هالشي صح والا الشوف شجر عندي :) ؟


3- (مايهذري المهذري الا من حر الصخونه ) << في حياتك هل مر عليك موقف حسيت هالمثل ينطبق عليك ؟


وبانتظار اجوبتك على تسبير النصابين لان فيه اسئله مابي اكررها انا وذكرت من قبله :)

[أميـ الورد ـرة]

بن وسمي بيض الله وجهك كفيت ووفيت :)

والسموحة إن كان غثيتك بالأسئلة

[راكـــــــــان]

يا مرحبا " بو سديم "







..

1.بالمجتمع الشرقي الرجل يعتبر شايل عيبه لماذا المراءة تحاسب عندما تخطئي والرجل لا يحاسب مع العلم ان الخطاء اين كان شرعا لايفرق بين رجل وامراءة

سؤالي هل تعتبر هذه الشي حظاري ام شي تربينا عليه

بو سديم .. الدين جا ورتب كل شي وحط الامور في محلها "دقها " وجلها " كبيرها وصغيرها " ولا اعتقد ان الاسلام ترك هذي الامور " تحكمها " العادات والتقاليد " لأهميتها ولخطورتها " وليست كباقي الاعراف السائده في المجتمعات الشرقيه والعربيه بالتحديد " جزيرة العرب " .. وليه ان نظرة المجتمع " للانثى عندما تخطئ " فهي " تحسب " ونظرته " للرجل " لا تحسب " الشرع لم يعترف بهذي الامور وبدأ بمسااوة الرجل مع المرأه .. هذا شرعا في احكام الدين والاسلام بما يتعلق بالزنا والسرقه .. هذا الشرع ولا احد يختلف عليه ونقول ان الشرع جا محايد ومناصف لكلا الجنسين .. وانا اقول لك هذا ماهوب تحضر .. وحنا تربينا على هالشي .


اما اذا جات عند الاعراف والعادات .. فأسمح لي هنا اوقف في وجهك ... وليعذرني الجميع على الالفاظ اللي بأستخدمها .

حتى تعلم اخي ان هناك فرق حقيقي وخلقي بين الرجل والمرأه من هذي الناحيه .. البكر اذا انفضت .. ما ترجع بكر .. لكن الرجل يبقى حتى وان كان "زاني " فهو رجل "

للرجل اربع " نسوه " ولها " رجل واحد " ... هنا حتى العاقل تتضارب عنده كريات دمه ببعضها ويثور الى درى انه بياخذ " امرأه " قد عاشرت رجل " قبله عن طريق الحرام ""

المجتمع هنا رجعي " حال هذي كحال " المطلقه " ما ياخذها الا مجبر ولا لوضعه سبيل " حل مشكلة المطلقات بالاول بعدين فكر تحل " مشكلة " الزواني بالمجتمع "



//


2.هل تؤيدالحب او الصداقه بين الرجل والمراءة او الولد والبنت اين كانت طريقة المعرفة بالنت او خارج النت ....
مع العلم ان هناك شخص اعرفه وتعرفونه جيد بالموقع القديم احب وتزوج عن طريق الشات الصوتي والان لدية ولد وبنت توئم ...

بو سديم ورى اسألتك كذا ..


طبعا انا ما " أأيدها " لكنها حاصله ذا الحين.. واتمنى زوالها " لانها في النهايه " تعني تدريجيا " فساد المجتمع "

واللي تقول عنه " اعرس وخذ له بنت كانت معه بالشات الصوتي " انا ما اعرفه "

//


اعذرني اخي سطام سوف ارجع ورا قليلاً علما انني قلت ببعد عن الشعر مع العلم انه ليس سوا استفسار وهو بالاساس سؤال بخاطري من زمان وحبيت اسئلك عنه بس ما حصل فرصه اني اواجهك... وسؤالي هو.. قصيده قديمه قلتهامن دون ذكر ماهوا اسمها ..ودون التطرق لاسبابها او مناسبتها .... هل كتبتها وقت انفعال ؟ واذا كانت الاجابه نعم.. هل ندمت بعد كتابتها... علما انني لا اعلم هل كتبت بعدها اعتذار او انتهى الموضوع بينك وبين الشخص ... لانني من زمان لم ادخل هنا ولكن علمة عن طريق شخص انك لهذا الاسبوع ...
مثل ماكنت منقطع وعلمة سابقا ان محمد على المجهر من قبل شخص عبر الماسنجر

لا بالعكس اشعر بالفخر اني قلتها ... والمقصود ما يستحق اعتذار عشان اعتذر له ..وبالعكس اشوف انها هجدته شوي .



//


وبس الله يبارك فيك


حياك الله بو سديم

[راكـــــــــان]

" قلبي لمن "


هلا وسهلا بك


//


الانسان المسلم يخرج من مواقف الحياة بالفوائد !! ... ما هي العبر والفوائد التي لا زالت في ذاكرة راكان

كل مسلم وعلى حسب تجربته في الحياه .. انا تقريبا قليله تجربتي فيها وسؤالك هذا كبير علي المفروض يسأل لرجل كبير في السن ومعاصر ومرت عليه اشياء كثيرة على عكسي .. نظرا لصغر سني .. ولو حكيت لك بالعبر والفوائد فهي لا تشكل ولا تبني معلومه مفيده في نظري .. لكني اكتفي بآيه أعلم بها نفسي كل يوم حتى لا اكون ممن تشملهم "

( قل هل ننبئكم بالاخسرين اعمالا ... الذين ظل سعيهم في الحياة الدنيا وهم يحسبون انهم يحسنون صنعا ) في آخر سورة الكهف ..


//


_اخي العزيز هل انت مع الصراحه الزائدة؟أم الجرأه الزائده؟ ولمـآذآ.؟


انا مع الصراحه . والجرأه .. لكن الزايده لا .. والله يغفر ويرحم للي قال " كل شي زاد عن حده انقلب ضده " الصراحه والجرأه .. العلاقه بينهم طرديه ويتخاون كل ما ارتفع شي منهم زاد الاخر ... لكن اللي بيكون صريح وجريء لا يهتم لكون تواجدها في شخصيته .. اكثر من اهتمامه في متى يتم استخدامهم .. وهم يعتبرون سلاح من الاسلحه المفيده " بالمجتمع " اذا كانت متواجده عند رجل " فيه من الحكمه " الشي البسيط .



وبس الله يرضى عليك


شكرا لك على مقدمتك الجميله ولا هنتي

[شليــويح كفــوري]

برايفت أميرة الـتعقيد :158:

يابنت الحـلال عضـّـي شحمـه بسّ .. وش عقبه بسّ عقب ما إنبعج الرجال وطلع له فتاق فوق فخذه اليمين جايه تقولين له إسمح لي ومدري وشهو لوتشوفينه موب قادر يمشي وتحودب ظهره صار كأنّه عروة بيالة شاهـي (بادريق) :158: .. هذا غير آلام الركبه والمفاصل ويقول الدكتـور لازم يركبون له صيخ في ذراعه اليمين لإن لقو عنده خلع في كتفه الأيمن إللي هي تسند الذراع .. طبعاً المستشفى إللي في ديرة إبن وسمي " الله بالخير " وعلى البركه ويوم جو يركبون الصيخ لقو إن الأصياخ خلصت .. ما إكتشفو هذا إلا وسط العمليه بعد مافتحو ذراعه يعني مايقدرون يسوون شي فـ إظطر الدكتور المصري إللي مسوي لسطام العمليه إنه يضحـّـي وقال مافيه إلا حل واحد إنكم تفكّون عامود الشكمان حق سيارتي الكورلا الـ92 الحمـرا إللي مافيها مفتاح ويشغلونها بنتافه الشعر حقة النسوان إللي يستخدمونها بعض النسوان إللي يظهر لهم شعيرات دقن بسيطه :158: .. وفعلاً هذا إلي حصل فكّو عامود الشكمان وركبّوه في ذراع إبن وسمي .. وهو ألحين شابك والشكمان وسط يده .. حتى لو تلاحظين ردوده فيها ريح زيت شل سوبر بلاس .. وعلى فكرهالدكتور عقب العمليه وصف له علاج ليده وقال إذا تبي كتفك يجبر بأسرع وقت ونشيل الشكمان منك لازم تواضب على شرب بنزين 91 ممتاز يومياً عقب الفطور ولا بتخيس يدك وبتكربن وبتيعها على تشاليح الصناعية حقة السيارات :158: .. وهذا كله من تحت راس أسألتس أنتي وأسألـتس .. أسألتس هذي لو أجاوب عليها وأسوي برنت سكرين لها وأحطها في ملف وأرسلها لجامعـة هارفارد الأمريكيه بيقبلوني مــُـعيد ولا مــُـحاضر فيها :158: .. الله يرج إبليـسـتس مستضيفين إبن خلدون على المجهـر حنـّـا ؟ ههههههههههههههههههههههههههههههههههههههههههههههه .. إبو وسمـي وضعك وحالتك بعد الجهد الجهيد عقب ماجاوبت على أسألـة أميرة وكأني بلسان حالك يقول لو إني مسوّي ظغط جسم 200 مرّه وماخذ فرّتين جري على الديره أهون .. ياخي أنا بالنسبه لي لو يخيروني أتسـّـلق برج إيفل وأنزل مرّتين وبين أسألتها أكيد إني بختار أسألتها وأنا ماكل تبن مانيب متفلسف في ذي عاد مابقى إلا برج إيفل بعد ؟ :158:


/
,
.

سطـّـام أجوبتك علي أمتعتني تاره ولم تشبعني تاره .. لكن معذور أنت جاوبت على إللي تعرف تجاوب عليه وماتفلسفت علي وضيعتني وضيعت إخوانا المشاهدين من خلف الشاشات :158: .. وبالمناسبه أحب أرحب بإختي ساره وأقولها من تغلـّـى تخلـّـى ياخوتس ترى السلام بدون رسوم :158: يعني علشانتس صرتي مذيعـه في قناة إقرأ ووكلوتس على تغطية برنامج " خطر العنوسه " يعني ؟ :158: .. وش علومتس ياخيـّـتي عساتس بخير بسّ ؟ .. والله مانبي منتس شي ووجع مانبي إلا علومتس يامنسمه .. وبالمناسبه برضو أحب أرحب بخالي إبو سديم .. وأقوله ماكبرت سديم ؟ (( صورة مأذون متأبـّـط بشته )) !!

,
.
/

خطمـه /

يا بو سعد للشعر سـور ٍ وعمـدان
واخشى عليك اتطيح وتقـول وينـي
الله يرجك صاير مقاول يا إبو وسمي .. ببني عماره أنا ؟ :158: .. وبعدين أنت خلّيتني مشفوح .. ترى كلّها أربع أبيات على الطاير .. ولو أفكـّـر في الشعـر .. شلتك وشلته وشلت السور و العمدان معكم (( موب بس أنت إللي تعرف تتحدى يا إبن وسمي )) خخخخخخخخخخخخخ


يا بو سعد وش لك وموترك سيـدان
والشعـر بـر طعوسهـا تشتكينـي
السيدان إذا نسّمت تايره مشا معك ولا أنا غلطان ؟



,
.
,
لا أقول وداعاً ولكن أقول إلى لقاءاً قريب إنشالله <---- والله الناشب خلاص أسألتك وخلصت شتبي بعد ؟

[راكـــــــــان]

هلا بـ " جيفارا "



//


س/ اين انت من الظهور الاعلامي , وهل سبق ان نشرت احدى قصائدك في المطبوعات الشعريه ؟

اذا انت تسألني هذا السؤال يعني انك تشوفني كفو "وهذا مدح غير مباشر " ... اولا انا ضعيف همه .. ولا اتحمس للامور .. لكن ان شاء الله اذا شفت نفسي مستعد ومتهيأ راح اسعى للاعلام ..


اما عن النشر بصراحه ما سبق ان نشرت بمجله .. لكن اذكر لك فعل ومكرمة اخوي " وائل " بنشره لاحد قصايدي وهي المره الثانيه اللي تنشر لي بها قصيده كانت الاولى قبل 3 سنوات تقريبا كمحاوله وكانت بسيطه جدا واعتبر الثانيه هي الافضل والاجمل في ظهوري في الشعر .


//


س/ رائيكــ في هذه الاسماء الشعريه :

اللي انت ذكرتهم " اعلام " و رايي فيهم بيضيع

سعد بن جدلان

الاول في الشعر




,, سلطان الهاجري

بسيط المفرده لكنه قوي التعبير


,, سعد علوش

يقلدونه ناس واجد


,, مانع بن شلحاط

شاعر لكنه فاهم الاتيكيت غلط ههههه



س/ موقف طريف مر عليك ولازال عالق في ذهنكـــ ؟

والله المواقف تاكل بعضها من كثرتها .. لكن باذكر لك موقف حصل لي مع " شليويح "

//

في صباح طلعنا نتمشى .. عقب ما افطرنا ورحنا سوق الابل والغنم " بدو ونحب ريحتها " .. المهم وحنا طالعين .. مرينا على " سوق البقر " العالم تبيع وتشتري .. وبو سعد على كل شي في الحياه له عليه " اعتراض " يعني فيه صفه يحب يناكف ويفتي وهو ما بعد يتوضى .. " قال لي " ياخي انا ما اداني البقر مدري وش فايدتها " من " منطلق " اسمه " معرفه " حبيت افيده " وقلت له حن عندنا بقر ونشرب لبنها ويجينا منها " سمن " هو ما يدري انها تدر خير ثم سكتنا ومشينا شوي .. بو سعد يسوق وانا بجنبه .. كان عندنا موتر اخوه ذيك الايام ... وحنا بالخط .. ونشوف بقره في وسط الشارع ونشوف العالم " تحاشاها " المهم تجاوزناها .. وتعديناها بعشره كيلو.. بو سعد مدري وش روح الفزعات اللي جاته وقال وش رايك نرجع لها .. قلت له دامها في خاطرك ارجع .. " يو تيرن " ورجعنا لقينا شايب " يسعى وراها في ذا الخط " شاريها من السوق ورايح فيها الله العالم فرحان . وطاحت من سيارته " وهو والله. زين يشيل نفسه " المهم فزعنا مع اللي افزعو " واللي فزعو كلهم بدو " يعني تخصصهم " ابل " فقط " .. والله انها بقره نشيطه تعبتنا وحنا نطارد نبي نمسكها " وبو سعد " يسعى وراها ويقول " هش هش " <- هو يمكن يشوف لها ريش واسمها " مايا " وراعيها شاريها من القطيف )) المهم .. طردنا وراها اثنين كيلو " الين مسكناها من ذيلها والله انها داست على رجلي و اشتكيت حرتها يومين.


وبس هذي السالفه " وانا قلت لشيلويح يدخل يعلمك بالسالفه بدالي عشان تستمتع اكثر بتعليقاته بس قال لي اقلب وجهك "


//


س/ في اي جامعه تدرس ,, و شنهو تخصصكــ ؟

بجامعة الملك فيصل ... علوم اداريه " محاسبة "


//


س/ انتشار القنوات الشعريه وسلبياتها واجابياتها في نظرك ,, وهل هي خدمت الشعر ام اظرت به ؟


السلبيات كثيره لكن ابرزها " القبليه " الموجوده بالقنوات هذي

والايجابيات ابرزها " وجودها كبديل عن القنوات الغنائيه "


//

جيفارا


وبس بارك الله فيك


اشكرك على مقدمتك وثنائك الجميل ولا هنت يا بطل

[أميـ الورد ـرة]

لو سمحت ياشليويح الدكة من هناك :)




































ورب البيت فاطسة انا سويت ثقل مع بن وسمي حتى يوم رد و رماله كم تعليق ضحكوني بس قلت اركدي يا مشرفة العام << بالمناسة اقول لمشاري راجعتلك بكرة والله لو ما يرجع لوني اسود بطلع من هنا وانا ذابة عليك في كل موضوع فالمنتدى و قد اعذرت اميرة


ترا لسا ما رديت برجع ارد .. الان عقلي نايم و اخاف اصابيعي تنود عالكيبورد واجيب العيد << تقول يا رب ما يشوف هالرد عبقرينو بطيح من عينة :1:


.


برايفت عزوز زين اني شفتك يا عيون ماما والله انتظرك تدخل من اجل الموادع بالمرة وانت هنا مر على موضوع افتح رسامك اللي فالصور في سربرايز لك و لذاك وشسمه محمد :1:

[راكـــــــــان]

راكان , وش حالك يابعدي .

إسمح لي أحجز هالمكان , لين ارجع بإذن الله واسألك .


محمد متى ما جيت حياك

[راكـــــــــان]

ساره هلاا بك


//

1- هل تعتبر المرأه عضو فعال بالمجتمع ام بقاءها في بيتها وعدم وجود استقلاليه في حياتها العمليه

المرأه عضو " فعال " في المجتمع " فعلا " اذا لم تستخدم لسانها



..



2- كثير من ردودك احس انك منحاز للرجل اكثر هل هالشي صح والا الشوف شجر عندي

ايه صحيح



..


3- (مايهذري المهذري الا من حر الصخونه ) << في حياتك هل مر عليك موقف حسيت هالمثل ينطبق عليك ؟

لا ما بعد


//



ساره

//


" اسألتك تعني ان ثقافتك جدا عاليه "

//

يا هلا فيك

[راكـــــــــان]

بن وسمي بيض الله وجهك كفيت ووفيت :)

والسموحة إن كان غثيتك بالأسئلة


وجهك ابيض



حياك

[شليــويح كفــوري]

محمـد / مشاري :)

أرجوكم صرّحولي أجيب مترجم من ربع أميره من كشمير على حسابي يشرحلي وش قاعـده تقول هالكشميريه (أميرة التعقيد) :158: .. الفيزه والسكن والمؤنـه لاتشيلون همّها كلـّـها على حسابي مدامنا بنسوّي صيانه لقسم الدكّه فمافيه مانع إننا نزين لـه غرفه فوق على راس القسم .. منها يترجم لنا وش تقول (أميرة التعقيد) ومنها يحرس القسم عن ضعاف الأنفس لايسرقون منه شي منا ولا منا .. بس أهم شي يشرح لنا ويترجم وش قاعده تقول :166:


,
.

برايفت عزوز زين اني شفتك يا عيون ماما والله انتظرك تدخل من اجل الموادع بالمرة وانت هنا مر على موضوع افتح رسامح اللي فالصور في سربرايز لك و لذاك وشسمه محمد
والله مافهمت :166:

[!

مٍعكٍـّ صٍَّرٍفًَُّّ 50

!]

مرٍآحٍــبّ

اقوٍلّ اليّ رٍآدّ فوقيّ يمٍـآلّ التنسيمّ بسّ لكّ وٍحشٍـهّ يخرٍبّ بيتكّ :160:

والله مافهمت

تقصدّ لكّ تـوٍكلّ لـ قسمّ الصـوٍرٍّ وٍتبطحّ بمـوٍضـوٍعّ افتحّ رٍسآمكّ وٍامسكّ مرٍسٍـآمكّ مسـوٍيهّ لكّ مفـٍآجئــهّ :158:

تسجيلّ دخوٍلّ متـوٍآضعّ اللهّ يعينكّ عليهمّ يرآٍعيّ المجهرٍّ :158:


مـشـٍآ’رٍيّ


:87:

[قلبي لمن؟]

السلام عليكم ورحمة الله وبركـآته..


ان شـآءالله تكون بصحه وسـلآمه ..

اسمحلي اخي العزيز ..أسـألك مايحضرني الآن ..لأني بصراحه استمتعت واستفدت الى حد كبير

من اجاباتك على اخواني الاعضـآء ..


1_نرى أخطاء كبيرة في نهج الكثير من الأعضاء في أغلب المنتديات بالأمر بالمعروف و النهي عن المنكر , فينصحون بالشدة وليس باللين و يزيدون الطين بلة.برأي راكان كيف ممكن ان تحل هذة المشكلة ؟ ..


متى يغضب راكـآن؟ومتى تكون الدمعه قريبه لعينه؟



أجمل مافي الحياة؟ وأسوء مافيها؟من منظور راكان.؟؟




والسموحة منك على الاطـآله..

[راكـــــــــان]

مرحبا " ان شاء الله ان قلبك لي "


خخ


//


1_نرى أخطاء كبيرة في نهج الكثير من الأعضاء في أغلب المنتديات بالأمر بالمعروف و النهي عن المنكر , فينصحون بالشدة وليس باللين و يزيدون الطين بلة.برأي راكان كيف ممكن ان تحل هذة المشكلة ؟ ..

والله سؤالك صعب " ما يكفي انا اجاوب عليه يحتاج لاراء واكثر من شخص "

المنتدى جزء تافه من كيان عظيم " هناك الشارع هناك البيت هناك الحي هناك السوق وهناك وهناك " اماكن كثيره .. احتمال قوي جدا .. انك تلقى واحد اسلوبه دفش في اي شارع ينصحك بدال ما تكف شرك تزيده .. ومهما كان حجم وكبر وعظم اسلوب هذا الناصح فهو يبقى دائما على حق والحق في صفه .. لانه يحمل رايه وهدف سامي ..وحلول هذي المشكلة اعجازيه بصراحه لكن ابرز حلولها واقواها في نظري فعاليه " انه لا يرى ما يغضبه حتى لا يبدأ بالنصيحه "


//


متى يغضب راكـآن؟ومتى تكون الدمعه قريبه لعينه؟

الحمد لله انا مانيب من النوع اللي يعصب واذا عصبت مره كل ست شهور وأحيان تعدي وما حصل الا كل خير


..


وقبل امس بكيت لان واحد جرحني


//


أجمل مافي الحياة؟

أنها فانيه



وأسوء مافيها؟

تقــلباتها



//


لمن قلبي


وبس الله يرضى عليك

[أميـ الورد ـرة]

السلام عليكم ورحمة الله وبركاته


بيض الله وجهك يا بن وسمي .. ما قصرت كفيت ووفيت و أمتعتنا :)

.

أميـ الورد ـرة