.. منسدح في تقآطعـ ..
07-22-2005, 01:27 AM
أنا عاد الآن أبي أرويلكم قصتي ذيك السنة يوم أنا أسوق سيارة
طبعا أنا سيارتي جمس أحمر بشكمانين على شان مااحد يلحقني (أتسذب عليكم سيارتي Bmw 2002 )وإلا بعد أنااااا بجلالة قدري أركب أي سيارة لا وإلا تبون صديقاتي يشوفني راكبة سيارة مقربعه
بس القهر ماللـbmw وجيه مثل الجوالات على شان أغير لونها على حسب الفستان تخيلوا ذيك المره لابسة فستان فوشي بأخضر ولون سيارتي كحلي (الله من زين الألوان تسني لوحة لدافنشي )
المهم أنا كنت مره طالعة بروح لوحدة من صديقاتي عاد هم مزرعتهم بعيدة ..صديقتي مسوية حفلة بمناسبة مرور 70 عام على وجود أبوها في بيتهم ..والله وأنا ألبس ذاك اللبس اللي يخلي الواحد يفتر ساعة من زينه تدرون وش لابسه لاتخافون بقولكم...كنت لابسه تنورة حمرا منقطة بأخضر وبلوزة صفرا مقلمة بتركواز ..وطبعا بدي عنابي ..والصندل ماغيره ذاك الذهبي حقي (ترى هالصندل شاريته أنا وطرطعانة من البطحا قبل العيد )
طبعا هذا غير المكياج اللي تسني طايحتن بكيس طحين لا والروميل اللي صاير كنه إشارة مرور صادمها شيروكي عنابي(عاد وش معنى شيروكي )المهم أنا طلعت من إذان العصر مع إن الحفلة ماتبدى إلا الساعة 7 المغرب..بس الطريق طويل من بيتنا لمزرعتهم ..وصلت محطة أبي أفلل سيارتي أخاف ينقطع على البنزين بالطريق وبعدين مشكلة بالذات عاد في ديرتنا لأن عيالنا عاقلين ولا تسنهم ماعمرهم شافوا بنات
يوم وصلت المحطة ووقفت سيارتي وإلى السيارات طالعه مع إذنها(إذن المحطة طبعا )قلت الله يعين شكل بيأذن المغرب وأنا ماعبيت بانزين بس بسم الله ماأمدى الهندي يشوف زول حرمه إلا جايني تقل صاروخ قال أيس يبغى ياهلو (لعنبو بليسهم حتى الهنود إنعدوا ) قلت لا يكثر وعبلي بثلاثه ريال (هذا تانكي وإلا علبة بيبسي ) قلت أبغى فل ...قال إنساء الله ..وبينما الهندي يعبيلي بنزين يوم التفت وإلى كل اللي بالمحطة قاعدين يناظروني واللي يغمز واللي يغني(عاد هذا أبد ماتذكرت مزعل فرحان يوم سمعت صوته) وإلى رازنلي رقمه بلوحة طولها 8 متر وعرضها 68 متر (لعنبو بليسهم اللي يشوفهم يقول يرقمون بنات من الصم والبكم )وش دخل الصم والبكم بالموضوع يوم خلص الهندي قلت كم الحساب؟..قال والله ماتدفعين …الحساب علي حتى الهنود وصلهم هالطبع قلت أقول أنت ماعمر أحد فتح في وجهك مطار لنيودلهي علمني الحساب أخلص
وبعد نقاش دام أكثر من دقيقتين ..دفعت الحساب وفحطت في وجه الهندي ومشيت في طريقي ويوم صارت الساعة 7 وإلى هذي عمشوه تلبق سيارتها في مزرعة صديقتها يوم نزلت وإلى يوم قامن البنات يصارخن ويصفقن من أناقتي الفاحشة وبعد ماخلصن من اسئلتهن المعتادة.من وين شريتي هاللبس ؟؟ والصندل من أي ولاية شاريته؟ والمكياج من اللي مسويه لتس ويوم أخذن غريفي قمنا عاد نتميلح وهات يارقص (عاد انا تسني رقص أمي يوم زواج أخوي) عاد تقل حاظرينه أنتم المهم يوم خلصت رحت بريح شوي ..مير يحلفن علي البنات إلا أرقص مره ثانية عاد أنا بي طبع زين ماأعرف أقول لآحد لا (إيه هين) والله وأنا أطلبهن أغنية ( الله يازين اللي حظرت غطت على كل الحضور) قالت اللي عند الإستريو …لا حرام التسذب..(وش قصده) المهم عاد أنا ماحطيت في بالي لهرجة..عاد هي حطتلي أغنية (وأخيرا نزلت للبحر تتحمم الحلوه) (وش قصده بأخيرا وبعدين الأغنية أنا ماأذكر أنه تسذا) يوم خلصنا مهسترات وضاحكات ومعلصات على بعض ..رحت لسيارتي على شان أرجع لبيتنا لأن وراي طريق ومثلكم عارفين أنا لحالي وبهالبران الله يستر بس يوم شغلت سيارتي وأنا أجيب طبلون السيارة من الذله طبعا مشغلة أم كلثوم (أفرض مسلا مسلا يعني إني خصمتك يوم)
وإلى يوم قامت السيارة تعرج وجع وش جاها ذي بعد والله وأنا أسفط على جنب وأنزل ..مير القى الكفر مبنشر والله مشكله هالحين وش بزين..وأنا بهالمقطعه والله وأنا أشوف سيارة مقبله من بعيد..مير تقوم ركبي يتصافقن من الذله قلت هالحين وش بسوي ..وأنا التفت والله وأشوف ثوب أخوي وإشماغة أثري جايبتهن له من المغسلة ونسيت أنزلهن وأنا أقوم وألبس ثوبه وشماغة..وأطلع من شنطتي قلم أسود(الكحل الأسود القديم ) وأنا أشخط ذيك السكسوكه اللي لو تشوفن أن تقول أميتا باتشان
والله وتوقف السيارة وينزلون أربعة عيال قالوا خير يابو الشباب عسى ماشر (هالحين وشلون بهرج انا ) وأنا أقوم أأشر على الكفر (يعنني أطرم ) قال واحد يوووه شكله أطرم المسكين..قال الثاني ولا يهمك هالحين بنسويه لك...أنت معك سبير؟ (وشو سبير هذا ) وأنا أهز راسي يعني مادري..والله وهو يقوم واحد منهم ويفتح الشنطة وينزل الكفر ويغيرونه يوم جو يخلصون ..وهو يدق جوالي ..قال واحد...أطرم ومعك جوال؟ قال الثاني ياحليلك والله تحكي وهو يضربني على كتفي (على باله يمزح) وأنا أطيح بالأرض ...قال أووه الأخ خكري ..(لعنبو بليسك أي خكري يالدفش ) وأنا أقوم وأمسك الشماغ خفت يطيح ويطلع شعري ..والله وأنا أركب السيارة وأشغلها ..مير يشتغل المسجل ..وإلاهي أم كلثوم ..قال خويهم الرابع..والله هالولد مادخل مزاجي...أطرم يعني أكيد مايسمع وشلون يشغل المسجل
يوم سمعت هالهرجة وأناأشخط في وجيههم يوم أبعدت وأنا أفتح الدريشه قلت ميرسي لإلكن
<--- أشكالهم
وأنا أوصل البيت ولا بي ولا نقطة دم من الخوف تخيلوا لوهم عارفين إني بنت
بنت أبوها منكن تقول خلونا نسوق سيارات والله لا أتوطى في حوض بطنها تفهمن وإلا لآ
لالا
طبعا أنا سيارتي جمس أحمر بشكمانين على شان مااحد يلحقني (أتسذب عليكم سيارتي Bmw 2002 )وإلا بعد أنااااا بجلالة قدري أركب أي سيارة لا وإلا تبون صديقاتي يشوفني راكبة سيارة مقربعه
بس القهر ماللـbmw وجيه مثل الجوالات على شان أغير لونها على حسب الفستان تخيلوا ذيك المره لابسة فستان فوشي بأخضر ولون سيارتي كحلي (الله من زين الألوان تسني لوحة لدافنشي )
المهم أنا كنت مره طالعة بروح لوحدة من صديقاتي عاد هم مزرعتهم بعيدة ..صديقتي مسوية حفلة بمناسبة مرور 70 عام على وجود أبوها في بيتهم ..والله وأنا ألبس ذاك اللبس اللي يخلي الواحد يفتر ساعة من زينه تدرون وش لابسه لاتخافون بقولكم...كنت لابسه تنورة حمرا منقطة بأخضر وبلوزة صفرا مقلمة بتركواز ..وطبعا بدي عنابي ..والصندل ماغيره ذاك الذهبي حقي (ترى هالصندل شاريته أنا وطرطعانة من البطحا قبل العيد )
طبعا هذا غير المكياج اللي تسني طايحتن بكيس طحين لا والروميل اللي صاير كنه إشارة مرور صادمها شيروكي عنابي(عاد وش معنى شيروكي )المهم أنا طلعت من إذان العصر مع إن الحفلة ماتبدى إلا الساعة 7 المغرب..بس الطريق طويل من بيتنا لمزرعتهم ..وصلت محطة أبي أفلل سيارتي أخاف ينقطع على البنزين بالطريق وبعدين مشكلة بالذات عاد في ديرتنا لأن عيالنا عاقلين ولا تسنهم ماعمرهم شافوا بنات
يوم وصلت المحطة ووقفت سيارتي وإلى السيارات طالعه مع إذنها(إذن المحطة طبعا )قلت الله يعين شكل بيأذن المغرب وأنا ماعبيت بانزين بس بسم الله ماأمدى الهندي يشوف زول حرمه إلا جايني تقل صاروخ قال أيس يبغى ياهلو (لعنبو بليسهم حتى الهنود إنعدوا ) قلت لا يكثر وعبلي بثلاثه ريال (هذا تانكي وإلا علبة بيبسي ) قلت أبغى فل ...قال إنساء الله ..وبينما الهندي يعبيلي بنزين يوم التفت وإلى كل اللي بالمحطة قاعدين يناظروني واللي يغمز واللي يغني(عاد هذا أبد ماتذكرت مزعل فرحان يوم سمعت صوته) وإلى رازنلي رقمه بلوحة طولها 8 متر وعرضها 68 متر (لعنبو بليسهم اللي يشوفهم يقول يرقمون بنات من الصم والبكم )وش دخل الصم والبكم بالموضوع يوم خلص الهندي قلت كم الحساب؟..قال والله ماتدفعين …الحساب علي حتى الهنود وصلهم هالطبع قلت أقول أنت ماعمر أحد فتح في وجهك مطار لنيودلهي علمني الحساب أخلص
وبعد نقاش دام أكثر من دقيقتين ..دفعت الحساب وفحطت في وجه الهندي ومشيت في طريقي ويوم صارت الساعة 7 وإلى هذي عمشوه تلبق سيارتها في مزرعة صديقتها يوم نزلت وإلى يوم قامن البنات يصارخن ويصفقن من أناقتي الفاحشة وبعد ماخلصن من اسئلتهن المعتادة.من وين شريتي هاللبس ؟؟ والصندل من أي ولاية شاريته؟ والمكياج من اللي مسويه لتس ويوم أخذن غريفي قمنا عاد نتميلح وهات يارقص (عاد انا تسني رقص أمي يوم زواج أخوي) عاد تقل حاظرينه أنتم المهم يوم خلصت رحت بريح شوي ..مير يحلفن علي البنات إلا أرقص مره ثانية عاد أنا بي طبع زين ماأعرف أقول لآحد لا (إيه هين) والله وأنا أطلبهن أغنية ( الله يازين اللي حظرت غطت على كل الحضور) قالت اللي عند الإستريو …لا حرام التسذب..(وش قصده) المهم عاد أنا ماحطيت في بالي لهرجة..عاد هي حطتلي أغنية (وأخيرا نزلت للبحر تتحمم الحلوه) (وش قصده بأخيرا وبعدين الأغنية أنا ماأذكر أنه تسذا) يوم خلصنا مهسترات وضاحكات ومعلصات على بعض ..رحت لسيارتي على شان أرجع لبيتنا لأن وراي طريق ومثلكم عارفين أنا لحالي وبهالبران الله يستر بس يوم شغلت سيارتي وأنا أجيب طبلون السيارة من الذله طبعا مشغلة أم كلثوم (أفرض مسلا مسلا يعني إني خصمتك يوم)
وإلى يوم قامت السيارة تعرج وجع وش جاها ذي بعد والله وأنا أسفط على جنب وأنزل ..مير القى الكفر مبنشر والله مشكله هالحين وش بزين..وأنا بهالمقطعه والله وأنا أشوف سيارة مقبله من بعيد..مير تقوم ركبي يتصافقن من الذله قلت هالحين وش بسوي ..وأنا التفت والله وأشوف ثوب أخوي وإشماغة أثري جايبتهن له من المغسلة ونسيت أنزلهن وأنا أقوم وألبس ثوبه وشماغة..وأطلع من شنطتي قلم أسود(الكحل الأسود القديم ) وأنا أشخط ذيك السكسوكه اللي لو تشوفن أن تقول أميتا باتشان
والله وتوقف السيارة وينزلون أربعة عيال قالوا خير يابو الشباب عسى ماشر (هالحين وشلون بهرج انا ) وأنا أقوم أأشر على الكفر (يعنني أطرم ) قال واحد يوووه شكله أطرم المسكين..قال الثاني ولا يهمك هالحين بنسويه لك...أنت معك سبير؟ (وشو سبير هذا ) وأنا أهز راسي يعني مادري..والله وهو يقوم واحد منهم ويفتح الشنطة وينزل الكفر ويغيرونه يوم جو يخلصون ..وهو يدق جوالي ..قال واحد...أطرم ومعك جوال؟ قال الثاني ياحليلك والله تحكي وهو يضربني على كتفي (على باله يمزح) وأنا أطيح بالأرض ...قال أووه الأخ خكري ..(لعنبو بليسك أي خكري يالدفش ) وأنا أقوم وأمسك الشماغ خفت يطيح ويطلع شعري ..والله وأنا أركب السيارة وأشغلها ..مير يشتغل المسجل ..وإلاهي أم كلثوم ..قال خويهم الرابع..والله هالولد مادخل مزاجي...أطرم يعني أكيد مايسمع وشلون يشغل المسجل
يوم سمعت هالهرجة وأناأشخط في وجيههم يوم أبعدت وأنا أفتح الدريشه قلت ميرسي لإلكن
<--- أشكالهم
وأنا أوصل البيت ولا بي ولا نقطة دم من الخوف تخيلوا لوهم عارفين إني بنت
بنت أبوها منكن تقول خلونا نسوق سيارات والله لا أتوطى في حوض بطنها تفهمن وإلا لآ
لالا