هل مهر الفتاة دليل على قيمتها ؟

[الملسووونه]

الفتاة في نظر اهلها جوهره غاليه لاتقدر بثمن ولكن هل هذا عذر او سبب في غلاء المهور

ظاهرة تفشت في مجتمعنا وتحتاج لمناقشة الأسباب التي جعلت هذه الظاهره تزداد يوماً بعد يوم

احببت ان اطرحها في منتدانا ونناقشها سوياً للبحث عن الأسباب وماهي الحلول من وجهة نظركم ؟؟


لا شك ان المهر له حكمة إلهيه وهي تعبير خاص عن مكانة الحياة الزوجيه ورفعة شأن الفتاة

وإيماء برغبة الشاب الزواج منها قال الرسول صلى الله عليه وسلم (خير الصداق ايسره)

ولكن مانلاحظه في هذا الزمان يصل مهر الفتاة لأرقام خيالية وخارجه عن المألوف وتكاد لاتصدق !!



فـ هل مهر الفتاة دليل على قيمتها او على قيمة غلاوتها عند اهلها او لمن يتزوجها ؟؟

او انها مجرد تقاليد لا معنى لها وجدت في زمن يطغى عليه المظاهر والبذخ والمفاخره بين الناس ؟؟


سؤال يبحث معظم الشباب عن اجابه له دوماً


ما الذي يحدد قيمة المهر ؟

هل هو مستوى جمال الفتاة او اصلها او المستوى التعليمي او المادي ... الخ

ومن المسؤول عن هذا الأمر هل هو ظلم الأب وجشعه وطمعه لبناته كسلع للمتاجرة بها او بيعها

او عدم بيعها ابداً في حالة ان تكون موظفه لأنه يراها كبنك متنقل !!

او ان هذا الموضوع يرجع الى الفتاة نفسها لانه يصبح مصدراً للمفاخرة بين بنات جنسها

واعتقاد بانها ستتميز عنهن كلما زاد قيمة مهرها http://www.y1y1.com/u/upload/wh_131792069.gif !!




كيف ينظر الزوج او الناس للفتاة التي ترضى بمهر بسيط ومتواضع :


هل المهر القليل في نظرهم يقلل من مكانة الزوجة وكرامتها بين الناس ؟

هل المهر القليل في نظر الزوج يجعله لا يحترم الزوجة وينظر لها نظرة قليلة المستوى

وبأنها يوم قبلت بالقليل فهذا يعنى ان بها عيب ؟

هل المهر القليل يساهم في بناء وإنجاح الزواج والحصول على التقدير والاحترام من الزوج ؟



وفي المقابل كيف ينظر للفتاة التي تشترط مهر كبير يعجز معظم الشباب عن دفعه :


هل المهر الكثير يساهم ويجعل البنت محترمة وكبيرة في نظر الناس ؟

هل المهر الكثير يجعل الزوج يحترم ويقدس الزوجة بحكم انه دفع فيها مهر كبير ؟

هل المهر الكبير يساهم في إنجاح الزواج وضمان ان الرجال ما يلعب بذيله على قولتنا !!




فهذا رجل عندما تقدم لخطبة احدى الفتيات قال له والد الزوجه : المهر ريال وشيمة رجال

وبعد ان تم الزواج أصبح يعاير زوجته بمهرها ويناديها ( بـ أم ريال )

حتى تركته زوجته واخبرت اباها بذلك فعندما طلب الزوج عودتها

قال له والدها : اذا اردت ان ترجع لك زوجتك ادفع مهر آخر ( مائة الف ريال )

فدفعها الزوج مجبور (كان منحوس هالزوج لانه حاسد نفسه )



قال الرسول عليه الصلاة والسلام (اكثرهن بركة ايسرهن مؤونه)

قضية غلاء المهور جزء بسيط من عدة قضايا تعرقل الزواج وتصعب الأمر على الشباب


اسئله محيره تراود الشباب وتختلف اسبابها لدى الفتيات احببت طرحها ومناقشتها معكم

اتمنى اجوبه صادقه من البنات ومن الشباب للوصول الى نتيجه او حل


اترككم في النهاية مع رسم كاريكاتوري يتحدث بلسان حال معظم الشباب :)


http://www.y1y1.com/u/upload/wh_690061868.jpg




اختكـــــــــم :

مس مس

[شوكولاين]

اهلين مسموسه نرجع لمحور حديثنا


انتي تقولين المهر وما المهر وهل وهل

انا بقولك رايي ان المهر حق للمراه والله سبحانه وتعالى كفل لها هذا المهر دليل تقدير لها وكرامه

بس انه يكون في حدود المعقول

انا مااقول لك قليل مرره ولا كثييير مره يعني يكون باستطاعة الشاب يوفره والله ينرحمون الشباب يعني منين يجيب ويجيب ويحط واخرتها ما يدري يتوفق والا لا بعد

اللي ابي اوصله ان المبالغه مالها داعي انتي تقولين 150000 و200000 هذا شي مهوول صراحه كيف يستطيع الشاب يوفره في الظروف اللي نعيشه وتدهور اقتصادنا والشاب ماله الا الله ثم هالراتب اللي يحتريه كل اخر شهر تشوفينهم متررزين عند الصرافات


لكن ابد مو المهر اللي يحدده شكل او مستوى اجتماعي او تعليم المهر اللي يحدده الاب اللي يبي يستر بنته او الام اللي تبي تكشخ وتقول والله جانا وجانا طيب هذا الشي يضمن سعادة بنتك طبعا لا


زبدة كلامي المهر شي مهم للبنت ويضمن لها حقوقها ولوياخذك واحد بدون مهر عمره ماراح يحترمك زي اوم ريال

بس زي ماقلت لا تكثروون على الشباب



والله يوفقتس ويزوجتس يا مس مس على موضوعتس التووووحفه

[!

مٍعكٍـّ صـٍرٍفًَُّّ 50

!]

مـرٍحبـآّّ

مـسّ مـسّ صـرٍآحهّ يستحـقّ النقآشّ فيـهّ


بقـوٍلّ كلّ شيّ عنـديّ


فـ هل مهر الفتاة دليل على قيمتها او على قيمة غلاوتها عند اهلها او لمن يتزوجها ؟؟

بنـظٍرٍّ بعـضّ النآسّ : )


ما الذي يحدد قيمة المهر ؟

مآفيّ شيـّ محددّ يحدّ قيمةّ المهـّرًًًٍٍََّ : )



هل المهر القليل في نظرهم يقلل من مكانة الزوجة وكرامتها بين الناس ؟


فيّ بعـضّ العٍوٍآئـــلّ ،، : )



هل المهر القليل في نظر الزوج يجعله لا يحترم الزوجة وينظر لها نظرة قليلة المستوى

وبأنها يوم قبلت بالقليل فهذا يعنى ان بها عيب ؟

لآءّ

انّآ اشـوٍوٍفّ اليّ يقـوٍلّ كـذآ لـ ٍزوٍجـهّ

مـرٍيـضّ ، : )



هل المهر القليل يساهم في بناء وإنجاح الزواج والحصول على التقدير والاحترام من الزوج ؟

يآمآّ نآسّ دفعتّ مهـرٍّ خيآليّ وٍلآ نجـحّ الزٍوٍآجّ

ويآمآّ نآسّ اخذتّ مهـٍرٍ قليلّ ،،، وٍعآشـوّ احلىّ حيآهـّ



هل المهر الكثير يساهم ويجعل البنت محترمة وكبيرة في نظر الناس ؟

لآءّ

موٍّ آلفلـوٍّسّ الي ّ تكبرٍّ النآسّ ،،ّ وٍموٍّ الفلوٍّسّ الي تخليّ الوٍآحدّ محــتـرٍمـّ : )




هل المهر الكثير يجعل الزوج يحترم ويقدس الزوجة بحكم انه دفع فيها مهر كبير ؟

لآلآلآءّ





يـعـطـيـكّ رٍبيّ آلعآفيـهّ

مـشّ مـشّ

[¨°o.O[ Princess ] O.o°¨]

برجع بعد شوي

برب

[ms6ool]

بقول لك يا الملسونه بمختصر الكلام
الاب لما يقول المهر كذا وكذا يبي بنته تطلع بافضل حاله لان المهر غالبا تصرفه العروسه لشراء حاجاتها الشخصيه ومثلك يعرف ان الملابس النسائيه تكلف شئ وشويات وماهي رخيصه :)
والسبب المهم علشان الشاب اللى بطنه ريح ويبي يلعب ببنات خلق الله يعرف انه يبي يدفع مبلغ وقدره اذا انت مانت قد الزواج لاتسوي نفسك رجال وتتمرجل على بنات الناس :)
انا اتوقع ان المهر العادل هو بين 30 الف و40 الف اذا زاد فهو مبالغ فيه واذا نقص فهو مبالغ بالنزول

_
_
_
كل اب يبي الستر لبنته والستر لولده علشان كذا ماتوقع فيه ناس تتشرط بالزواجات وبالمهور الغاليه

[شليــويح كفــوري]

لـي رجعـة :)

[S A R A]

هلا وغلا بمس مس اخبارك وعلومك والله موضوعتس وش زينه اسمعي ياوخيتي

انا في نظري المهر لازم يكون قدره وسط مثل ماقال اخوي مسطول من 30- 50 وهذا اكثر الناس تدفعه

وهذا اللي نعرفه( هل المهر القليل في نظر الزوج يجعله لا يحترم الزوجة وينظر لها نظرة قليلة المستوى

وبأنها يوم قبلت بالقليل فهذا يعنى ان بها عيب ؟)

اللي يقول تسذا انا اشهد انه مريض موب معناته البنت رضت بمهر قليل انه فيها شي لا والله تلقينها راحمته بس وين الناس اللي تقدر <<<<<قلبت عليه :54:



هل المهر الكثير يساهم ويجعل البنت محترمة وكبيرة في نظر الناس ؟

<<<<<<<<< لا موب شرط اذا صار المهر غالي انها تكون محترمه لا

يكون غالي ويدفعه الرجل عشان مستوى عايله البنت مثلا او يكون عاده عند اهل المعرس انهم يدفعون مهور غاليه او تكون البنت مشترطه يكون مهرها غالي <<< خقاقه زايده


ونا في رايي ان التوسط في كل الامور زين والطمع مايمدحونه

يعطيتس العافيه ياقلبي على هالحتسي وخلينا نشوفتس تراتس تغطسين ياكافي غطسه قشرى ومشتاقتلس يااادوووبه

[شليــويح كفــوري]

واللـّـه يآخوتس يآبعض هآلشيبآن أعوذ بآللـه .. مدري من إللي تسآذباً عليـة وقآيلـّـة إنّ بنتـة أحلى من نورهـ إخـت بوسي وأثقـل من سولآف وأكشخ من عبيـر أحمـد وفيهـآ من الفكر والدين مثل مآعنـد مريم مرآد هذيكـ حقـّـت إقرأ إللي حجآبهـآ فيـة عشرين بطآنـة :158:


أعوذ بآلله لآتقدير ولآ مرآعآهـ لظروف ومقتدرآت بعض الشبآب إللي توّهـم نآضجيـن ويبون العرس .. لآورآهـ ولآدونـة وأهلـة تلقينهـم على قدّ حآلهـم .. ويصلخـة بهذآكـ المهر .. تسنـّـة بآيع علية عمآرهـ :166:


مس مس .. المهـر مآيحدد قيمـة الفتآهـ بأي شكل من الأشكآل .. لآ من تقدير ولآ من حشمـة ولآ من إحترآم ومعآملـة لآ في نقصة ولآ في كثرتـة .. هو أنآ بتزوّج البنت ولآ بكشخ بهـآ !! .. والمهر مآيحددهـ جمآل ولآ مستوى تعليمي ولآ أخلآق .. بـسّ تقدرين تقولين سلوم وتقآليد وعآدآت أقدر أقول عنهـآ نآئيـة وفيهـآ من الجهل والإنحطـآط شيئاً مآ .. وبعض الشيبآن يحسب بنتـة نآقـة ولآسيآرهـ يزآيدون عليهـآ ويسآومون ويطلـّـع من ورآهـآ خير .. مآنآقص إلآ يسوي عليهـآ إعلآن ويطرحهـآ مسآهمـة في السوق !!


والله يآكم وحدتاً حطـّـو في بطنهـآ 150 و200 وهـي مآتسوى التآليـة من الغنـم .. لآمن أخلآق ولآ من رزآنـة وعقل وديـن ولآ من جمآل (( شوف عيـني يآنآس )) !!




مس مس .. موضوعكـ إبدآع ووآقعـي .. وبصرآحـة لو بتعمـّـق فيـة مآنيب خآلص .. علشآن تسذآ جبتهـآ من قآصرهـآ وإختصرت كلآمـي يآبعـدي .. اللـّـه لآيهيـنـتس .. ولآتحرميـنـآ من هآلزيـن يآبعـدي :)

[المطيوره]

السلام عليكم

موضوع روعه وقمه

اولاً انا اشوف ان المهر عباره عن هديه يقدمها الشاب لخطيبته او زوجة المستقبل

والهديه اكيد ماراح يكون فيها شروط او قيود

وانا احس ان مافيه شاب يرضى يقدم هديه اقل من 30 الف حتى لو كان ميسور الحال

اما عن الغلا فوالله ان اعظم البنات قنوعات بس يجي من يخرب عليهم ويقول لازم تطلبين

وتقولين وتسوين خلوها هي تختار كيف تبدا حياتها مع شريكها

والبنت العاقله هي اللي ماتتشرط على الشاب لانه هو وماله بكبره لها بس تصير عنده

والستر ازين مهر للبنت

الله يرزق كل بنت على نياتها

تسلمين ملسونه على الموضوع لاهنتي يابعدهم

تشاوووو

[غلا الدنيا]

و الللة بصراحة عمر المهر ما كان شي مهم للدرجة ايل انشوفها هالايام




البنت ما تنباع للزوج بسعر او قيمة




و اذا الللة و رسولة شرعو المهر فهو بس علشان تعتبر بقيمة هدية تقديرا للزوجة



و لكن للاسف الحين يغالون في المهر و كانة قيمة للبنت او بيعة لها




و لكن الرجال يتري بسمعتة الطيبة و البنت بحشمتها ودينها مهو بالفلوس



و هذا رايي وبس



تحيااااتي

[قلـب بـيـبـي]

بسم الله الرحمن الرحيم
السلام عليكم ورحمة الله وبركاتهـ
اشكرك اختي على هذا الطرح وتقريبا ً
ألممتي بجميع جوانب الموضوع
.،.
أشكر الجميع على ابداء رأيهم بصراحة
.،.المهر :هي عادة قديمة وليست جديدة.،.
والمقصد منها توضيح للرجل وتهيأته اقتصاديا ً هذا برأيي
وهي أيضا ً هديه تقدم للمرأة
.،.
ولكن غلاء المهور يختلف باختلاف القبائل المعتقدات والتفكير والمستويات الاجتماعية
فكثير ما نجد ان بعض الاغنياء يطالبون بمهور عاليه فقط كي يشعروا بقيمة ابنتهم وهذا نقص وغباء اجتماعي
وبعض الفقراء يستغل فرصة زواج ابنته ظنا منه ان ابنته كسهم وقد حان وقت بيعه للأسف هذا الوآقع
وسمعنا عن الكثير من القصص منهم من دفع دينه بمهر ابنته الخ الخ
.،.
دعونا ننتقل الآن للفتيات
فبعض الآباء يتركون حرية الرآي لبناتهم دونما ابداء رايهم في الموضوع
كقولهم ( كيفها بصرها .،. هي اللي بتعرس هب انا هي حره .،. خلوها تتدلع قصده تتطلب وتكسر ظهر الريال )
وهنا الفتاة تستغل هذا الشيء بشراء الماركات العالميه وماتخلي شي ماتتطلب



ومن المستحب الأكيد: تقليل المهر، وتسهيل رسوم الزواج، فقد قال رسول الله (صلى الله عليه وآله وسلم): (أفضل نساء أمتي.. اقلهن مهرا) .
.،.
ربما هناك شباب مقتدرين ولكن البعض الآخر لا يستطيع اي غير مقتدر ع دفع اطنان الاموال وطلبت العروس واهلها
.،.

و يعتبر غلاء المهور سبب في انحراف الشباب بل عزوفهم عن الزواج ( الحرام ارخص )
وهذا الوآقع ناهيك عن مايستبع من امراض او الخ الخ
سأكتفي بهذا القدر من الحديث
اشكرك اختي الكريمة
في آمان الله

[الملسووونه]

والله يآخيه شوفتتس اللي تدبل التسبد مير الشكوى لله :301:

شوكة فؤادي انتي غاليه وربي يانص مليون حرام فيتس انتي آلماصه
انت ياقوته انت شي غالي الثمن لايقدر وانا اختتس <<< يمديتس على هالهرج :170:

تدرين ليه شوكو :170: لاني مبطيتن منتس ماشفت خشاشتتس صرت استحي منتس يآختتس تصدقين :1:

يعني لاتستغربين اذا شفتيني اتغطى عنتس <<< فاهمه الحيا غلط خخخخآآي :301:

اقول لاتجيبين طاري الدكتوره فوزيه والا يكسرتس شليويح هماها خطيبته على سنة الله ورسوله :190:


ولتسم باتس شوكو بموضوعي ولي كذا تعليق على ردك :286:


والشاب ماله الا الله ثم هالراتب اللي يحتريه كل اخر شهر تشوفينهم متررزين عند الصرافات


تصدقين قبل كم يوم كل ما مرينا على صرافه تلقين العالم ماسكه طابور
او تلقين صرافه ماعندها احد بس تمرين عليها ما تحصلين شي بح :158:
تونا ياعالم مابعد دخلنا بالعشر الأواخر يهبوا :301:
<<< بيب بيب خط الخدمه ياهوووووه :190:


اللي يحدده الاب اللي يبي يستر بنته او الام اللي تبي تكشخ


والأغلب البنت :)
فعلاً صاروا بنات هاليومين غير قنوعات ومايرضيهم المهر اليسير :)



والله يوفقتس ويزوجتس يا مس مس على موضوعتس التووووحفه


خلاص بطلنا نحب ونتجوز :1:


شوكولاين تسلمين يالغاليه على الرد الحلو :286:
والله يوفقتس ويرزقتس ويخليتس لعينن ترجيتس <<< دعوات جدتي دايم امسيها بالخير انشاء الله تشوفني الحين خخخخ

[الملسووونه]

مش مش يعطيك العافيه ياخوي على الرد

وزي ماقلت مو الفلوس اللي تكبر الناس :286:

تسلم يادب على الرد :286:



****


برنسيسس

تيتوووو انتظر ردتس :286:

[الملسووونه]

مسطووووووول يامرحبا يامرحبا :286:

ياحليلك وانا اختك مره متواضع 30 ، 40 وين انت عايش مسطول الله يخليك بس :158:


هالحين الوحده اذا اخذت 40 ، 50 استعابت من هالمبلغ وماتعلم بمهرها !!

وانا يوم تكلمت عن غلاء المهور لاني لمست هالشي في بنات حولي اعرفهم

يعني اعرف وحده وما اعرفها :158: وش لك بالسالفه انت :158: المهم اني بعد ماتزوجت

عرفت ان مهرها 200 الف ريال لا والمؤخر نفس المهر 200 الف !!

وهذا واقع يعني انا اشوف ان المهر اللي متعارف عليه حالياً 60 ، 70 الف هاااه مو اقل من كذا


على العموم تظل قيمة الفتاة ليست في مهرها وانما في معدنها وتربيتها واخلاقها وهذا هو المهم :)

تشكر مسطووووول على الرد وان اخذنا من وقتك الثمين دقيزتين وخمس ثواني << حاسبتهم خخ :68:

[الملسووونه]

هلا بسوير بنت نوير :158: ياهلا ويامرحبن بتس بماضوعي :286:

واهم شي انه جاز لتس هذا اللي يسعدني ويوسع شدوقي ويمططها من الوناصه :158:


انا في نظري المهر لازم يكون قدره وسط مثل ماقال اخوي مسطول من 30- 50 وهذا اكثر الناس تدفعه


اتمنى هالكلام صحيح بس انا اشوف 30 شوي سارونا ولا وش قولتس :68:


ونا في رايي ان التوسط في كل الامور زين والطمع مايمدحونه


سوير بديت اشك ان لتس علاقه بالخطابات :158:
لاتكون وظيفتتس سابقاً خطابه يابنت :301:


ويعافيتس سارونا والله وش نسوي مشاغل الدنيا الله لايعاقبنا :1:
ومشكوره يالغاليه عالسؤال :286:

[الملسووونه]

هلا شليويح قريح مرحبن بم في موضوعي يالشين :286:
مير انت لاتحاول وانا اختك لو يقولون انك ولد الوليد ماحدن مزوجك :158:


بعض الشبآب إللي توّهـم نآضجيـن ويبون العرس

ياحرام وربي انك كسرت خاطري اجل ودك بالعرس شليويح
ولايهمك :158: اكلم لك خطابة ديوانيتنا سوير بنت نوير تدور لك واحدتن ترضى فيك :158:
بس على شرط ليلة الشوفه ندخل عليها زعبوط ترا من صالحك يالثور اسمعني :68:
وخذ بشوري وانا اختك هم لا تدبست البنيـّه فيك بترضى بالواقع وتصير حليلتن لك :158:
وتكاليف العرس مقدورن عليها من ناحية الطقاقه شوكولاين بتقوم بالواجب :301:
هاااااه وش قلت اكلم سوير تدور لك :301:


هو أنآ بتزوّج البنت ولآ بكشخ بهـآ !!


تقدر تقول مظاهر وشكليات صاروا العالم مايقدرون يستغنون عنها :)



مآنآقص إلآ يسوي عليهـآ إعلآن ويطرحهـآ مسآهمـة في السوق !!


تصدق انا ابوي دايم يقول تذكرني بسهم سيسكو :1:
شكله ناوين يطرحني في السوق اللي تقول عليه :158:
بس ماقلت لي فيه كوفي اهم شي ترا الكوفي بالسوق لزوم المخمخه وانا اختك :301:



والله يآكم وحدتاً حطـّـو في بطنهـآ 150 و200 وهـي مآتسوى التآليـة من الغنـم ..


ابووووووووووك يالطعس ماتهرج الا فـ الحلال والغنم :190:
التاليه من الغنم يعني كم رأس تقريباً خخخآآآآآآي :301:



شليويح الابداع هو مرورك وتزيين موضوعي بردك :286:
تسلم على المرور والرد وانشاء الله القادم احلى :286:
دام فيه ناس تقدر وترد وتحسسنا بأهمية أقلامنا وتهتم لما تخطه أناملنا من كلمات متواضعه :286:

[الملسووونه]

هلا غلاي :1: غلا الدنيا :286:



و لكن الرجال يتري بسمعتة الطيبة و البنت بحشمتها ودينها مهو بالفلوس


معاك بس مو معناها اذا البنت اخذت مهر باعت نفسها بمبلغ وقدره !!
هذا حقها الشرعي واللي امر فيه ربنا ولكن بدون المغالاة والمبالغه فيه


تسلمي يالغاليه على الرد :286:

[الملسووونه]

اختي قلب بيبي يابيبي انتي :170: :158:

تسلمي لي على الرد المرتب اختي وردك اضاف لموضوعي يالغاليه :286:


وسمعنا عن الكثير من القصص منهم من دفع دينه بمهر ابنته


وهذا من طيب اصل بنته والله :)
بس هذا حقها الشرعي ومايحق لأحد يأخذ منه شي :)



يعتبر غلاء المهور سبب في انحراف الشباب بل عزوفهم عن الزواج ( الحرام ارخص )


يمكن يعتبر سبب للأنحراف بس وش سبب الأنحراف لو كان متزوج :)
يعني مو المشكله في المهر المشكله في الشخص نفسه :)
يعني اذا كانت بنت الناس طيبه معك تستاهل تكرمها وماتهينها وتخذلها او تخونها :)
والله لايحد احد على الحرام


بيبي انتي تسلمين على الرد الرائع يادلبوووو وفعلاً ردك اضاف لموضوعي :286:

يسلمووو بيبي ولانحرمنا هالطله :286:

[الملسووونه]

اطنش العالم ولا اطنش مط موطتي والله :1:

مط مط يابعدهم انتي والله ان ردي سقط سهواً وما انتبهت اني مارديت عليك :158:

وبعدين انتي من أوائل الردود يعني ردك قديم لاتلوميني اذا نسيت ارد عليتس <<< هذي اللي بتكحلها وعمتها خخخ :190:

على العموم هذاني اختم ردودي بالرد عليتس ياطويلة الكراع واللسان :158:

واقتبس من ردك فدحدري معي لفوق :158:


وانا احس ان مافيه شاب يرضى يقدم هديه اقل من 30 الف حتى لو كان ميسور الحال


هو مايكون اقل من 40 ولا اكثر من 80 يعني هاااه بينهم :286:


اما عن الغلا فوالله ان اعظم البنات قنوعات بس يجي من يخرب عليهم ويقول لازم تطلبين


مدري وش حسيت يوم قريت هالسطر (وجهن يقول لاتعليدز) :11:



مط موطه على قولتس يابعدهم كلهم ياسراجي بينهم (لازم اقولها كامله :158:)
ازين مهر للبنت سترها :286:

بس اعجبني كلامتس يوم تقولين بكره هو وماله لها :158:
يآختتس اخاف اصير ميدالية لمفاتيحه ويحطني بمخباته قبل ماحطه خاتم بأصبعي خخخآآآي :301:


يسمنووووووووووووو مط مط على الرد وآسفة ردي سقط سهواً ياحوووبي :1:

[[»[السـassamerـامر]«]]

السلام عليكم ورحمة الله وبركاته

مشكـورهـ خيتـو الملسونـه على المـوضـوعـ الحلـو

واللـه تبـي الصدقـ المهــر واللـه أنأ عـن جهـتـي يكـون عـن شـي رمـزي مو يكـون شي تعجيـزي للعريـس

مثـل نأس يطلبون مليون ومليونين عشان بنااتهم ليـش النأس قاعديـن على مال قأرون وطبعأ المهـر

يخـتـلف من قبيلـه للثانيـه ومن عائلـه لأخرى وطبعأ المهـر ماهو دليل على غلآه البنـت أو لآ في قصص

كثيـرهـ نأس زوجـوا بنأتهم بريال يعنـي أنـهم رخيصأت أو شي لآ واللـه أهم شـي يكون الرجأل خلـوق

وبيحأفض على بنتـه ويعيشهأ بأحسن عيشه

تحيــــــأتــي لـــك

الســـــــــــأمــر

[مملـ الشرقيه ـلوح]

هلا مس مس
اللي ابي اقوله انا المهر المفروض مثل ماقالو الاخوان انا مايقل عن 40 تقريبا او30
انا عندي قصه انا في واحد راح يخطب طبعا وافق يوم الولد يسال ابو البنت كم المهر اللي تبونه قاله افتح البوك
وفتحهه ومافي الا خمسه رياااااااال تقريبا وخذاها الابو وقال هذا مهر بنتي وعاشو احلى عيشه
فا ابدا المهر ما يحدد قيمه المراءه
وقريت من اللي اكتبو وعلقو على الموضوع انا الشباب مساكين واللي جالسين عند البك من هذا الخرابيط انا ضدكم جدا والله مادامه كلف روحه انه يستلم مسأوليه يتحمل اللي يجيييييييييه
بس الموضوع طويل ويبيله كلام طويل تعالي البيت اشرح لك
خخخخخخخخخخخخ
مشكوره

[الملسووونه]

عليكم السلام ابو سمره :286:


مشكوره على ردك وكلامك عين الصواب :)


تسلم يادب على المرور والرد وآسفه على التأخير بالرد :1:

[الملسووونه]

هلا مملوح شـ <<< يمديك على الاختصار :158:


بس الموضوع طويل ويبيله كلام طويل تعالي البيت اشرح لك
خخخخخخخخخخخخ


اوووم الزولـــّـه ياشيخ :190: عجزان تكتب يادب :158:

على العموم ردك كفى ووصلنا رأيك بالموضوع :286:


مشكووووووووووور على الرد وآسفه على التأخير :286:

[المهموم]

لا المهر ليس هو قيمت المراه فلاسلام وصا بالمره فالمره ليس المهر هو ثمننها ثمننها هو الستر والحفاظ عليها

[سهم القلوب]

ولله الرجال يعرف قيمة المره والمهر كل ما قل زاد حب الرجل للمره

[بوداحم2005]

يعطيك العافية موضوع يبيلة طولة بال
لان المراءة ليسة سلعة تباع وتشترى
والمهر ليس بمهم كااهيمة الرجل نفسة
يمكن الرجال يدفع اعلى مهر في البنت
بس لايمكن يسعدها ويجيها رجال يدفع
مهر اقل ويسعدها ويكون الافضل من
ناحيت الاخلاق والدين باعكس الرجال
الي يدفع اكثر مهر يمكن يكون ماعنده
اخلاق ولاضمير ولايصلي جماعة في المسجد
وفي الاخير النتيجة الطلاق المحتم والكلام
الي قلتة في البعض من الناس
ارجواني اكون ماطولت عليكم
بوداحم2005

[مع مع]

السلام عليكم
بصراحه موضوع حلو ويستاهل النقاش بس بهدوء اعصاب :70:
انا بصراحه من وجهة نظري ان المهر يختلف على حسب العوايل او على حسب الآباء في بعضهم يطلبون مهر كثير علشان يكوش عليه :67:
بس مهر البنت هو الزوج الصالح اللي يتقدم لها :398:
بصراحه اللي يزيد المشكله اكثر ان بعض البنات يتفاخرون في المهر كل وحده تقول انا مهري كذا ومن هنا تبدأالبنت المسكينه تقول وش زودها علي علشان يكون مهرها اكثر مني :47:
بس هالايام بعض العوايل بدت تحط حد معين لكل مهر يدفع ان مايزيد عليه خصوصا كبير العايله يحط حد معين وعلى كل شباب العايله وبناتها الالتزام فيه وهذا بصراحه حل منطقي ويحل المشكله :308:
ما اقول غير الله يعينكم يالشاباب من جد تكسرون الخاطر :309:
تحياتي :127:

[الملسووونه]

المهموم تسلم على مرورك وردك :286:


والله لايجيب الهم انشاء الله :158:

[الملسووونه]

والمهر كل ما قل زاد حب الرجل للمره


نقول الله يجعله يارب :158:


تسلم سهم على المرور والرد اخوي :286:

[الملسووونه]

والمهر ليس بمهم كااهيمة الرجل نفسة



وهذا اللي كنا نبي نوصله من خلال موضوعنا اهم شي اخلاق الرجل مو كم بجيبه


تسلم بو داحم على المرور والرد :286:

[الملسووونه]

بس مهر البنت هو الزوج الصالح اللي يتقدم لها


هذا هو بس في زمنا هذا ماندور على الصالح وانا اختتس



بس هالايام بعض العوايل بدت تحط حد معين لكل مهر يدفع ان مايزيد عليه خصوصا كبير العايله يحط حد معين وعلى كل شباب العايله وبناتها الالتزام فيه وهذا بصراحه حل منطقي ويحل المشكله



فعلاً وقريتها بالجرايد .. لكن زي ماقلتي البعض :)

هالفكره تعد احد الحلول التي تقضي على غلاء المهور والعنوسه




مع مع مشكووووووووووره على مرورك الاكثر من رائع :286:
وردك الاحلى مشكووووووووووره يالدبه :286:

[*(¯عبقرينوღღرجه¯)*]

انا براي لأ المهر ما بدل على قيمتها في ناس بس بغلوا المهر هيك

عشان يفرجي انوا بنتوا وحده راقيه و من حل حكي وبالاخير ابتطلع وحده ما ابتستاهل

بصله

:54:


هل المهر القليل في نظر الزوج يجعله لا يحترم الزوجة وينظر لها نظرة قليلة المستوى

وبأنها يوم قبلت بالقليل فهذا يعنى ان بها عيب ؟

لأ بالعكس انا بشوف انوا الي بغلوا المهر همه الي فيهم العيب (( مش الكل طبعا ))

يعني بكونوا بدوروا على الفلوس هدا كل همهم

ليش ما يكون بالمعقول زي ما حكوا بعض الاخوان

يعني عمروا ما كان المهر بحدد قيمه المراء

الي بحدد قيمتها براي

كيف تربيتها و اخلاقه و تعاملها مع الناس

هدا الي بحدد قيمتها

و الي بخلي الرجل يحترمها


بعدين انا براي غلاء المهور اعاقه للزواج و ما بساعد عليه

يعني بالاول و الاخير الفلوس للزوجين فليش غلاء المهر


والله هالدنيه غريبه عجيبه

يلا

الله يزوج كل واحد الي في بالوا

:55:

و بالاخير هدا راي مع احترامي لباقي الاراء

:)

تسلمي اختي الملسونه على مواضيعك الرائعه



تحياتي
Mo0o0ody

[الملسووونه]

وتسلم مودي على المرور والأروع :286: