عطوني عيديتي عادة عليكم ويرحم والديكم [الأرشيف]

مشاهدة نسخة كاملة : عطوني عيديتي عادة عليكم ويرحم والديكم

المربوشه

10-14-2006, 04:27 AM

السلام عليكم ورحمة الله وبركاته

كيف حالكم ........ أدري أني مقصره كثييييير بحقكم وحبيت أنزل موضوع وقلت يابنت لازم

يكون بعد هالغيبه شي مميز وفكرت وفكرت وبالأخير قلت حنا على وجه عيد وكتبت هالمويضيع

::

::

::

كل عام وانتم بخير ماهي الا أيام وينقضي شهر الخير والبركه ونلبس ثوب

الفرحه ...... ..ماأجمل مظاهر العيد والأستعداد له

بصراحه تذكرت ايام العيد وفرحة الاطفال والموده والرحمه التي تغمر كل كبير وصغير

ويجتمع الأهل والأصدقاء وتزيل الأحقاد والأضغان وتصفى النفوس ......

تذكرت العيديه >>>>>>>> حنيت لأيام الطفوله وفرحتنا بما يأتينا من عيديه

>>>>>>> ( وجه ينسف دميعاته)

ويازين ايام اعيادنا أول كلها براءه وعفويه >>>>>>> تقول الحين كلن شايف عميره

>>>>>>>>>>>>>>( بنت شايله عصا بيدها )

من هذا المنطلق حبيت أفرح أطفالنا وأرسم البسمه واحسسهم ان الدنيا بخير وافرحهم بالعيد

فأتمنى من الكل ماينسون العيديه ولوبشي بسيط لتبقى ذكرى جميله على مدى الأجيال

تذكروا أبتسامة الاطفال ولعبهم وتقديرهم لما يقدم لهم

حبيت اذكركم بالعيديه عشان الي نسى يتذكر ومعه وقت يسويها يعني مو شرط تكون ماديه

بالنسبه لعيديه مـــــر مـــــــر للاطفال

( لعبه , مجموعة حلويات قديمه يعني تراثيه ,بطاقة معايده باسمي )

وكل هالاشياء وضعتها بقطعه من القماش مثل البقشه ههههه

المهم حبيت اعيد عليكم واقول كل عام وانتم بخير

وكل واحد متزوج لاينسى زوجته ترى هذا الشي فيه نوع من الألفه والمؤده

>>>>>>>>>>>>> ( تقول والله وجيهم ماوراها سالفه همه بطنه بس ههههه)

والزوجه بعد ترى يابنات فيه اشياء الليله شفتهم دلع وانتم عاد امهات الذوق وحسسي زوجك

انه على بالك دوما >>>>>>>>>>>>>>>>>>>> اخص تعرف تنصح

ترى العيديه مو للأطفال وبس حتى امك وابوك والعجايز >>>>>>>>>> تقول يالبى قلوبهن

عجايزنا مااحد معبرهن ( وجه مبرطم ميت شايبها وماأحد ذكرها )

ابشركم العجايز سويت لهن بقشه وحطيت فيها ( حناء , ديرم , مهفه صغنونه , حلاوه )

يالبا قلوبهن وربي هذي عندهن كني شايله الدنيا بكفي ومقدمتها لهن

ادري طولت عليكم بهذرتي>>>>>>>>>>>>> تحب تشوف الفرحه على مبسم الكل

بقلــــــــــــــــــــم
المربوووشه

!مٍعكٍـّ صـٍرٍفًَُّّ 50!

10-14-2006, 04:49 AM

الملسووونه

10-14-2006, 07:30 AM

غبتي نعم :158:

قطعتي نعمين :158:

حرمتينا من مواضيعتس ثلاث نعمات <<< توطى بطنتس اي والله خخخخ :190:

مرمر حرام عليتس حارمتنا كل هالمده من قلمتس (وجهن مبرطم)

لكن اللي يشفع لتس عودتس القويه يالدبه وسبقتي الكل وهنئتينا بقرب اطلالة العيد السعيد علينا

ومن العايدين ومن الفايزين اي والله ومن العايدين ومن الفايزين انشالله <<< حليلهم القناة الاولى ماعندهم غير هالاغنيه خخخخخخخخخخخخ

.

.

.

ايام قليله وينقضي شهر الخير شهر الرحمه والغفران شهر تنزّل الملائكه فيه
وفيه انزل كتاب الرحمن فهنيئاً لمن صام هذا الشهر الكريم كاملاً
ايماناً واحتساباً وغفر له ماتقدم من ذنبه وهنيئاً لمن حرص على ختم القرآن

لي رجعه على موضوعك مر مورتي :1: هذا رد سريعي لاني مستعجله بس حبيت
اسجل كلمة لو بسيطه في موضوعك وعوده قويه دبه :286:

لي باتس ليلة العيد خخخخخخخخخ :301:

على فكرة مثبت حتى ليلة العيد فلا تبخلون علينا بعيدياتكم :158:

S H 1 F T

10-14-2006, 08:00 PM

كل عام وانتي بخير المربوشه ..

وينعاد عليك سنين يا رب ..

انا عيديتي ريال :57: .. لاتستهينين بالريال ..

وجديد بعد .. << يقول حلات العيد بريالات جدد ..

بس تدرين .. الاطفال الحين مو مثل اول ..

اول تعطينه ريال ريالين .. ويبتسم ويروح عنك ..

اما الحين لا ..

:126:

الصغار تعطينهم ريال ريالين .. ينفخ عليك .. ويشوفك بنص عين ..

يبي خمسمية .. لاقين ناكل عشان نعطيه خمسمية ..

:86:

والا يبي 10 اسهم في الشركه الفلانية .. حتى الصغار تطوروا وصاروا يفهمون بها السوالف ..

:123:

عموما الله يعطيك العافيه مر مر على الموضوع ..

بس والله تو بدري على العيد ..

شكلك توك شاريه اغراض العيد .. وخلصتيهم كلهم .. وماتنتظرين الا العيد ..

وقلتي خلني انزل موضوع ههههههههههههه

الله لايحرمنا منك مر مر ..

تحاياى

S A R A

10-15-2006, 02:46 AM

كل عام وانتي بخير مربوشه واحلى باك لاحلى موضوع بصراحه ياوخيتي قنصتيها قنص ما شا الله عليتس

وانتي الصادقه نتحرى هالعيد متى يجي وتلقينا مدرعمين بالاسواق وشيل من هالملابس والهدايا

بس والله العيد يومنا صغار احلا شي لاني اصير مفلسه واذا طب العيد أصير كاش ووخري عن طريقي بس الحين يوم كبرت طلع العيد ماله طعم كلع ارتزي بهالعزايم وشقي هالخشه من كثر التبسم بس انا قررت شي بهالعيد ان شالله من يجي بسوي نفسي بزر عشان نحس بالعيد مثل اول خخخخخخخخخخخخخ

يعطيك الف عافيه ولايحرمنا من فيسك ومن مواضيعك التحفه

المربوشه

10-15-2006, 04:15 AM

مـرٍحبـآّ
يـآ هـلآ فيكّ يآلمرٍبوٍشـهّ
كلّ سنهّ وٍحنـآ طيبينّ
وٍعسآنـآّ منّ عـوٍآٍدهـّ
زيّ مّآ قلتيّ العيـدّ يـوٍمّ توٍوٍحفـهّ الدقيقهّ فيهّ لهآّ طعـــــــمّ
تكفيّ العيديآتّ والهديآتّ :55:
ونٍـآسـهّ زمـآنّ نعيـدّ عّ ألحآرٍهـّ كلهآّ ،، موّ مسألةّ حبّ ،، مسآلةّ قرٍنقـشّ :158: هههههههههههآآيّ
انّآ بالنسبهّ لـ عيدتيّ بقدمٍهـّآ انشآلـلـهّ
وهيّ عبـآرٍهّ عنّ ميدليـآتّ منحـوٍتـهّ لـ اغلبّ اخـوٍآنيّ<< جحدّ البآقيـنّ :158:
××××××
وبـسّ
مربـوٍشـهّ يعطيكّ ألعآفيهّ يالقطـوٍوٍعهّ
وكلّ سنهّ ونتيّ طيبهّ
مـشّ مـشّ

أرحب مشمش

وانت طيب ياولد الحاره >>>>>>>>>>>> حاره مراجيج (أباضيات)

ياحلو العيديه اي والله تيب وش رايك تصور لنا عيديتك

انا بعد مااخلص العيديه حقتي بصورها عشان كل واحد منكم يأخذ وحده هههه

مش مش لاتقول قطوعه والله الشغل والعيال والبيت اخذين وقتي ههههه >>>>>>تقول لاتصدق

ان شاء الله ماراح اقصر ازوركم بالافراح والاعياد والليالي الملاح

مشكور مش مش على المرور والشرطه

دمت بود

مرمر

u n k n o w n

10-15-2006, 12:16 PM

الـكوسـه بكــم :158:

احاسيس هادئة

10-15-2006, 02:38 PM

خلاص ابشري بالعيدية بس يوم العيد وتراها ماتزيد عن ريال

أحلام

10-15-2006, 03:17 PM

كل عااااااااااااااام وانت بخيريالمرررررررررررررررررربوشه
والعيددددددددددديه جايتك بالطرررررررريق
انتظريها,,,,,,,,,,
وشاكره لك اختي

غلا الدنيا

10-15-2006, 04:19 PM

هلا فيك اختي الغالية

و اكيييد العيد فرحتة ما توصف و يكفي انة بين الاهل و القرايب

و اللة اعودة علينا كل عام يارب

تحيااتي لج

المربوشه

10-15-2006, 05:08 PM

هلا وغلا بمديرة القوم هههههه أرحببببببببببي ياجده مسموسه

خشمتس يابنت عمي مستوحشتني حيييييييييييييل ( وجه محمره خديداته )

ولايهمتس تعرفين مشاغل الدنيا والله ماالقى فرصه احك خشتي ههههه بس ولايهمكم كل

مناسبه بجي احتفل معكم ...

نطمر والا توك تلبسين الحزام

1

2

3

هوبااااااااااااااااا

غبتي نعم
قطعتي نعمين :158:
حرمتينا من مواضيعتس ثلاث نعمات

هههههههههههه اي نعمات ياماما ده نعمات قالسه بتأكل فراخ مع متولي ( وجه ماد لسانه)

ومن العايدين ومن الفايزين اي والله ومن العايدين ومن الفايزين انشالله <<< حليلهم القناة الاولى ماعندهم غير هالاغنيه خخخخخخخخخخخخ

ينعاد علي وعليتس يام جبهه ههههه ........ ياحبني لهم بس قناة السعوديه هم الي يجددون الذكريات هههههههه

لي باتس ليلة العيد خخخخخخخخخ

ياهلا بتس الحين وليلة العيد بس اذا فيها باتس ليلة العيد لاتنسين تجيبين العيديه حقتي

مرورتس لطف تسبدي ياغلاهم

مرمر

المربوشه

10-16-2006, 04:36 AM

هلا بصديق المهنه ههههههههه كيف الحال وانت بخير وبصحة وعافيه

انا عيديتي ريال .. لاتستهينين بالريال ..
وجديد بعد .. << يقول حلات العيد بريالات جدد ..
بس تدرين .. الاطفال الحين مو مثل اول ..
اول تعطينه ريال ريالين .. ويبتسم ويروح عنك ..
اما الحين لا ..

اقول ياحليلنا أول نطير ونفرح به وتقول مئه ريال يكفي اننا نتقاسمه بعض الاحيان ههههههههه
مو مثل الحين تلقى معه اكثر من ريال وبخييييييييييل ......... تصدق اطفالنا الحين يتشرطون
بس والله حريمتهم امد عليهم قرنقش ههههههه يكفي سويت لهم عيديه تهبل وان شاء الله تشوفونها بنزل صورها

بس والله تو بدري على العيد ..
شكلك توك شاريه اغراض العيد .. وخلصتيهم كلهم .. وماتنتظرين الا العيد ..
وقلتي خلني انزل موضوع ههههههههههههه
الله لايحرمنا منك مر مر ..
تحاياى

هههههههههههههههه والله ماحزرت >>>>>>> اكشخ ياابظاياه ههههههههههههه

والله وانا أختك ماشريت ولو سلك حمر هههههه ....... اولها الدوام وبعد الدوام تعب وحمى ههههههه

والله يعين بس ........ بس اول ماطلعت للسوق شريت العيديه لهالمبزره ابي افرحهم والا اغراض العيد ان شاء لاحقه عليها

مشكور ياأبظاي اتحفتني بحضورك

أعذروني لتأخر ردودي ولكن فيه مشكله مايفتح عندي المنتدى الا بعد الهوشه

مدري وش فيه حتى بالردود ماتضبط تهي تهي

دمت بود

مر مر

المربوشه

10-16-2006, 04:40 AM

كل عام وانتي بخير مربوشه واحلى باك لاحلى موضوع بصراحه ياوخيتي قنصتيها قنص ما شا الله عليتس
وانتي الصادقه نتحرى هالعيد متى يجي وتلقينا مدرعمين بالاسواق وشيل من هالملابس والهدايا
بس والله العيد يومنا صغار احلا شي لاني اصير مفلسه واذا طب العيد أصير كاش ووخري عن طريقي بس الحين يوم كبرت طلع العيد ماله طعم كلع ارتزي بهالعزايم وشقي هالخشه من كثر التبسم بس انا قررت شي بهالعيد ان شالله من يجي بسوي نفسي بزر عشان نحس بالعيد مثل اول خخخخخخخخخخخخخ
يعطيك الف عافيه ولايحرمنا من فيسك ومن مواضيعك التحفه

تسلمين وكل عام وانتي تزقحين وتطامرين مثل الغزال واقنصك واسدحك هنيا عيديه لهم ههههههههههههههههههههه

ولايهمك انا بعطيك العيديه السنه هذي (وجه ماد لسانه ) هههههههههه

دمتِ بود

مرمر

المربوشه

10-16-2006, 04:41 AM

الـكوسـه بكــم :158:

ههههههههههههههههههههههههههههههههههه

والله يقولون ارتفع سعرها عشان موسم رمضان ........... بس ابشر بعد رمضان راح ينزل سعرها ههههههههههههه

مرورك توحفه يادب

مرمر

المربوشه

10-16-2006, 04:44 AM

خلاص ابشري بالعيدية بس يوم العيد وتراها ماتزيد عن ريال

اوتسيه ولو نص ريال مقبوووووول ......... يقولون حط الريال على الريال والباقي كمله

مثل للناس البخيله ههههههههههههههه

دمت بود

مر مر

المربوشه

10-16-2006, 04:47 AM

كل عااااااااااااااام وانت بخيريالمرررررررررررررررررربوشه
والعيددددددددددديه جايتك بالطرررررررريق
انتظريها,,,,,,,,,,
وشاكره لك اختي

وانتي بصحه وسلامه ......... انتظر عيديتك لاتطولين >>>>>>> مبسوطه تقول بجمع العيديات وابيعهم هههههههههههههههه

العفو يالغلا

دمتِ بود

مرمر

المربوشه

10-16-2006, 04:50 AM

هلا فيك اختي الغالية
و اكيييد العيد فرحتة ما توصف و يكفي انة بين الاهل و القرايب
و اللة اعودة علينا كل عام يارب
تحيااتي لج

هلا وغلا

اكيد العيد وناسه وانواع الفله ويكفي بين امي وابوي

كل عام وانتي بخير وصحه وسلامه

دمتي بود

مرمر

المطيوره

10-18-2006, 12:25 AM

عادت عليكم المربوشه بحله جديده

فحيا الله من لفانا وحيا الله المواضيع السنعه من السنعه

ازين شي بالعيد البس قديد في قديد <<< ميب ضاريه على خير ههههههه

اما عن العيديه فاحسن عيديه اني اعيد وانا بصحه وعافيه واللي احبهم بقربي

وجهن يناظر اميمته :$

اما عن زمان حليلنا صدق نقنع باللي يجي عساه ريال زي ريال شفت

اما الحين لا مايبون ريال والا عشره يبون اكثر

تصدقون اكثر وحده كانت تعايدنا بالعيد بفلوس ام مس مس حليلها كنت دايم اترزز قدامها

ابي ذيك الخمسه اللي كانت تلق لق عمتي تصرف من الاوتيل على البوك (وجهن خبل)

بس كانت ايام الله يذكرها بالخير مس مس قولي لامتس اشتقنا لخمستها

وانتي يامرمر خلي عميمتي تزين الجريش اللي خابرينه شكل عجوزكم خربت ماعاد تزين شي

وعن العيديه لتس يامر مر فاهي شوفتي اكبر عيديه لك وللسحليه الرشيقه مس مس

تشكرات على ذا الموضوع التمام التمام

تشاوو

الملسووونه

10-22-2006, 06:26 AM

عدنا لكم مع اطلالة العيد السعيد

وكل عام وانتم بخير اعضاء منتدى رجه الكرام :286:

وانا قاعده ارد الآن على الموضوع وابارك لكم بعيد الفطر السعيد

تذكرت كيف استقبلنا في منتدانا بالأمس القريب ضيفنا العزيز وشهرنا الكريم

وها نحن اليوم نودع ضيفنا العزيز ونستقبل عيدنا السعيد :225:

اذكر لما كتبت موضوع مرحباً بضيفنا العزيز وكأني كتبته البارحه فيا سبحان الله

مرّ الشهر كلمح البصر فهنيئاً لمن أدرك الصيام والقيام وختم القرآن .....

ونحمد الله ونشكره لأننا كنا من صوامه هذه السنه وانشاء الله نلتقي في رمضان القادم

ونهنئ بعضنا لإدراكه جعلنا الله واياكم من صوامه العام القادم يارب العالمين ،،،

عيدكم مبارك وعساكم من عواده

ومشكوره مرمورتي على طرح الموضوع :286:

http://www.rjaah.com/vb/uploaded/358---11---CARD4.jpg

]-[ماعلى الدنيا عتب]-[

10-22-2006, 08:54 PM

يبي خمسمية .. لاقين ناكل عشان نعطيه خمسمية

ايه والله صدقت يا شفت

واقول حق مرمر والله صدقتي العيديه لها تاثير فيك خاصه اذا احد قدمها لك
ليت امي تقرا الموضوع من اقولها عطيني عيديه ( تقولي متصيغرة عمرك تراس عجوز ) وانتي يا قلبي يا مرمر
ما نسيتي العجوز
<<<<<< وجهن يمسح دميعاته

الله يعطيك العافيه وينعاد علينا وعلى جميع المسلمين بالخير

OoNIGHT WISHESoO

10-23-2006, 10:13 AM

حتى انا اقول ياليت تخلونا نفرح بهذا العيد الله يخليكم

بوداحم2005

10-28-2006, 02:32 PM

الله يعطيك العافية على المشاركة الحلوة والجميلة