شاركونا فرحة العيد في فعاليتنا

[الملسووونه]

أخواني أخواتي أعضاء منتدى رجه الكرام

من العايدين .. من الفايزين .. كل عام وأنتم بخير


كتبوا الأعضاء مواضيع عن عيد الفطر السعيد مشكورين على التفاعل :286:

وتبادلنا التهاني والله يعيده علينا وعليكم اعوام مديده يارب ...


موضوعي عباره عن فعالية بسيطه بمناسبة عيد الفطر وهي مقاربة لفعالية سماطنا يامال العافيه

بقسم الكتاب والعيايره و فعالية جوال ابو كاميرا وBluetooth بقسم الصور والفيديو ...


فـ حبينا نتفاعل في قسمنا مع اطلالة العيد ونشارككم فرحة العيد في أي بلد كان داخل السعوديه

او خارجها بالصور سواءً كانت صور لحلاو العيد :82: او صور للألعاب الناريه :82:

او صورة العيديات وهدايا الأطفال :158: أي صوره تحبون تنزلونها في فعالية قسم العامه ياهلا ويامرحبا :82:



طبعاً اكيد في شروط للفعالية حتى ما يصير فيه حوسه بالموضوع :

1- ياليت تتفاعلون مع الفعاليه وتشاركونا فرحة العيد ونشارككم فرحته من خلال الصور ولكن اللي ماعنده
صور اتمنى مايقلب الفعاليه شات اوكي عندك تعليق على الصور تعال شارك بس ماتقلب الموضوع شات بليز يعني :158:

2- الصور تكون خاصه بمناسبة العيد يعني صور خارج الموضوع مانبي ..

3- اي رد خارج الموضوع او صور خارج الموضوع وماله علاقة بفعالية القسم بنحذفه ..


يالله ننتظر تفاعلكم وأتمنى من الكل يتفاعل معنا ويبدأ يصور تونا اليوم أول أيام العيد :82:

يعني كل واحد يقضب جواله بيده ويصور اللي يبي ويجي ينزله بفعاليتنا :286:


أنتظر تفاعلكم :68:


اختكـــــــــم :

مس مس

[الملسووونه]

ببدأ انا وبنزلكم صور حلاو العيد طازا :158:

كنت قبل شوي راجعه انا وامي من محل الحلويات وبعضها صورتها بالمحل قبل يشيلونها للسياره
وبعضها لحقت وصورتها بالبيت كنت بصورها بالسياره بس ماش ماجت الصور صافيه :68:



وبترككم مع حلاونا للعيد :82:



أول صوره حلاو الرجال :158:


http://www.rjaah.com/vb/uploaded/358---11---20061023003.jpg

http://www.rjaah.com/vb/uploaded/358---11---20061023004.jpg

http://www.rjaah.com/vb/uploaded/358---11---20061023005.jpg





والثانيه حلاو الحريم :68:


http://www.rjaah.com/vb/uploaded/358---11---20061022025.jpg





والثالثه هدايا الأطفال صورتها بالمحل قبل ينقلونها للسياره :82:


http://www.rjaah.com/vb/uploaded/358---11---20061022026.jpg






آخر شي تمر سكري بالسمسم بوسطه لوز على شكل نخله :286:


http://www.rjaah.com/vb/uploaded/358---11---20061023.jpg





كنت بصور طراطيع العيد بس مالحقت عليه خساره :158: لكن لي رجعه مع صور أخرى
من عيدنا عيد العاصمه الرياض :82:


يالله نبي نشوف عيد المنطقه الشرقية ونبي نشوف عيد المنطقة الغربية ولايهونون الجنوبيه والشماليه :286:
صوروا حلاو عيدكم ياجماعة الربع وخلونا نشوف مين احلى حلاو :82:




بأنتظار تفاعلكم جميعاً :286:

[الملسووونه]

لاتقولون ماعيدتوا ياهووووه :68:

ترانا ثالث العيد الا اصبحنا رابع العيد ولاشفت تفاعل ؟؟



على العموم مازلت احتفي بالعيد وماراح اكون بخيله مثلكم بخليكم تحتفون به معي من خلال الصور :57:




بس اليوم صارت لي سالفة بقولها لكم قبل :158:


طلعنا اليوم بنشوف الألعاب الناريه بس تأخرنا شوي وما امدنا نلحقها والا كان صورتها لكم
لكن اوعدكم المره الجايه اذا قدرت صورتها :286: الموهيم قالت اختي انا عازمتكم على مطعم اليوم
قلت انا تفكين صيني :1: قالت لي ريحينا صدز ما تنتشاورون المهم قالت يالله مشينا على المطعم الفلاني
وطلع المطعم اللي هي تقصده صيني بس هي ماتدري ماتعرف اسامي المطاعم الصينيه انا يوم شفتها
ماتعرف قلت خلها مانيب قاليه لهم انه صيني :68: ويوم وصلنا وتتفاجأ انه صيني :301: قلت بذمتتس ماتدرين
ان هالمطعم صيني قالت وش دراني تعرفيني انا يوم تنوون العشاء بمطعم صيني اجلس بالبيت مااروح معكم :190:


المهم انها رضت بالأمر الواقع وانا في قمة وناستي :68: قلت يالله بصور لكم عشان ماتلوموني في الأكل الصيني :82:





أول شي المداخل (ماخليت شي الا صورته :190: )



http://www.rjaah.com/vb/uploaded/358---11---20061026003.jpg


http://www.rjaah.com/vb/uploaded/358---11---20061025003.jpg


http://www.rjaah.com/vb/uploaded/358---11---20061026012.jpg


http://www.rjaah.com/vb/uploaded/358---11---20061026004.jpg



دخلنا متأخرين ولقينا زحمه واعطونا رقم ننتظر قلت والله اني لصور رقمنا :190:


http://www.rjaah.com/vb/uploaded/358---11---20061026002.jpg




جهزوا لنا طاولتنا وقالوا لنا درعموا بس بالصيني :158: المهم درعمنا وكل واحدن منـّا قضب له مينيو :158:
قلت للمينيوتي (المينو اللي كان معي :158: ) والله رقم الانتظار ماهوب احسن منك واصوره خخخخ



http://www.rjaah.com/vb/uploaded/358---11---20061026005.jpg




حان الآن اوريكم وجبتي المفضله عشان ماحد يلومني يميييييي :301:

مكرونه بالدجاج والخضار :286: ذوقوها وانتم بتدعون لي مكرونه صينيه يحبا البكووون :190:




http://www.rjaah.com/vb/uploaded/358---11---20061026007.jpg





يالله لي رجعه كل ماصورت لكم شي من مظاهر العيد عندنا :82:
<<<<<< ماحد متحمس للعيد الا هي :158:


يالله انتم بعد تحمسوا وفرجونا عيدكن :82:

[احاسيس هادئة]

مشكورة اختي الملسونة
وفتحتي الشهية لي ابي كل الحلوى اللي بالصور ياليت ترسلينها

[]-[ماعلى الدنيا عتب]-[]

مشكورة الملسونه على هالفعاليه
وانشاء الله اذا الله قدرني اشارك فيها
اقول الملسونه ما ودتس بخشيشتي يو م العيد :68:<<<<<<<< يامال الضارب

[الملسووونه]

مشكورة اختي الملسونة
وفتحتي الشهية لي ابي كل الحلوى اللي بالصور ياليت ترسلينها


خلاص عطنا عنوان صندوق البريد بتاعكوو والليلة توصلكم خخخ :158:


تسلم احاسيس على المرور بس يآخي صور طراطيعكم وفرجينا اياها يازلمي :190:





طبعي العناد ولاتسم دبه بالمازوع :82:


مشكورة الملسونه على هالفعاليه
وانشاء الله اذا الله قدرني اشارك فيها
اقول الملسونه ما ودتس بخشيشتي يو م العيد <<<<<<<< يامال الضارب


انشاء الله عاد انتم اهل الرياض يالدبه :82: صوري طريق الملك عبدالله يابت :190:
اما خشاشتتس يآختس احنا نبي العالم تتفاعل مانبي افلام رعب تنحشهم من الفعاليه خخخخخخ :301:

ولتسمووووو دبه وتو مانورت الفعالية بطلتتس :286:

[الملسووونه]

مازلت متحمسه ومازلت أغطي لكم هذا الحدث الجميل من عاصمة
مملكتنا الحبيبة الرياض :82:



صورت لكم أمس الألعاب الناريه اللي زينت سماء الرياض وتفاعل معها
الناس في ست مواقع ولكن انا صورت لكم اللي بساحة العروض :286:



http://www.rjaah.com/vb/uploaded/358---11---20061027.jpg




على فكرة سمعنا انهم هذي السنه اطلقوا تقريباً عشرة آلاف قذيفة ألعاب
نارية ولها وقت معين يتجمعون الناس تقريباً الساعه 9 مساءً لأنه
9:15 تنطلق الألعاب النارية في الست مواقع بنفس التوقيت :286:
واللي مايقدر يحضرها بنفس الموقع بسبب الزحمه يقدر يشوفها ويستمتع
بمشاهدتها من بعيد :286: تستمر الألعاب النارية تقريباً لمدة 25 دقيقة
في منظر ولا أروع خيال من جد :82:






لقيت صورة لبياعات الطراطيع بالأنترنت وأعجبتني :158: قلت اجيبها لكم :68:



http://www.rjaah.com/vb/uploaded/358---11---fhdge446.jpg







وهذا منظر من بعيد لمركز الملك عبد العزيز التاريخي بالليل بس ماكان واضح
الصورة هذي مو من تصويري بس قلت يالله أجيبها لكم :286:



http://www.rjaah.com/vb/uploaded/358---11---hf46j.jpg






وهذي صورة لسيارة برضو لقيتها بالنت وأعجبتني قلت انزلها بالفعالية :286:
راعيها متحمس للعيد بقوة <<< ليته مسجل معنا بالمنتدى كان تفاعل معي بالفعالية :158:



http://www.rjaah.com/vb/uploaded/358---11---555.jpg






آخر شي صورت لكم حلاوة واحدن من وراعينا اللي هم بزارينا ويقال انهم بيبياتنا خخخ :190:



http://www.rjaah.com/vb/uploaded/358---11---20061026014.jpg



أخذت الحلاو من احد البزارين بالقوة والصياح وصورتها ورديتها له طلعت فرحة العيد من ننّ عيونه خخخ :190:






شوفوا ياناس اهل الرياض وتعلموا هذا العيد ولا بلاااااااش :68: :82:




ترا مو معناها اليوم جمعه وخلص العيد ياهوووه الفعالية مستمره للأسبوع الجاي :286:
يعني اللي كان مشغول بالعيد ومادخل نت اكيد انه صور شي من مظاهر العيد بالديره
اللي يقطن فيها :158: فلا يبخل علينا وينزل عيده بفعاليتنا ويخلينا نشاركه فرحة العيد :82:

[!

مٍعكٍـّ صـٍرٍفًَُّّ 50

!]

يأحظكمّ عيدتوٍّ

ملسـوٍنهّ جبتيهآّ ع ّ ألجـرٍحـّ

منّ يـوٍمّ 28 رٍمضـآنّ مآنيّ فيّ فيّهّ جيتّ اليومّ ههههههههههههههههههههه

بسّ اذاّ شفتّ بقـآيآّ العيدّ بصـوٍرٍهآّ :191:


مرٍهّ الصـوٍرهٍّ حلوٍهّ اليّ نزلتيهآّ وخآصّهّ الالعآبّ النآرٍيـهّ

يعطيكـّ ألعآفيهّ

ليّ رٍجعهّ بأذّنّ آللهّ

مـشّ مـشّ

[شليــويح كفــوري]

أمـّـآ فعآليّة ومدري عنهآ ؟! .. وربّي مآلـتس سنع مس مس .. هذي آخرتهآ فعآليآت وحركتآت من ورآي (صورة وآحد يدوّر الكلنكس بمخبآهـ) .. والله إللي مآهقيتهآ منّتس صدّز .. متوزّيتاً قدآمي ليل نهآر ومآتعلّميني ؟ أفآ يـ ذآلعلم (صورة وآحد يخنق نفسة بآلكلينكس معلناً عن حآلة إنتحآر) !


.
.
.

لي رجعـة الليلة إنشآلله :160:

[]-[ماعلى الدنيا عتب]-[]

[img]http://www.moq3.com/pics/up/g_26_10_06/f8ffa0071b. jpg (www.moq3.com)[/img
هذا حلاو عيالنا عيديتهم
الذهبي للبنات والفضي للاولاد <<<<<<<<<< حركااااااااااااااااااات :68:




اسفه اذا طلعت الصورة كبيرة

[!
ٍAٍٍّ ٍّnٍ ٍGٍٍٍٍِّّّ ٍّّe ٍLّ
!]

والله شي توووووووووحفه

يعطيك العافيه يا مس مس


سروووووووووقه:$

[S H 1 F T]

اقسم با الله يا اني مقهوور ..

والله العظيم مس مس توني اشوف هالفعاليه ..

اذكر انك قلتي شاركوا معنا ودورت عليها ولا شفتها الفعاليه ..

يا الله يوم خلص العيد .. مالحقت عليها ..

بس ماعليك ابدور لك صور .. ماعلي منك ..

ابروح محل حلويات والا شي .. اهم شي اصور شي يبين فيه فرحه العيد ..

واعذريني مس مس .. وربي توني اشوف الموضوع ..

اقسم با الله فكره حلوه مس مس .. وحلاوتها تكمن انك انتي اللي كاتبه الموضوع ..

الله لايحرمنا هالنشاط مس مس ..

تحاياى

[الملسووونه]

وانا اقول وين مش مش مارد اول رد اثاريك مشغول (نقدر نقول سلبيات العيد هالمره مش مش ولا لا :11: )


تسلم يادب على المرور وبإنتظار رجعتك :286:


********


شليويح بيه :158: نزلت الفكره بقسم المشرفين شلون ماشفتها يالشين :158:

وهذا انت دريت فرجينا عيدكم ولك خيوووو :286:


بأنتظار رجعتك يادب :82:




********




طبعي العناد فديت هالخشه والله :82:

ماحد تفاعل مع فعاليتي الا انتي لاهنتي يالغاليه :286:


وصوره حلوه منك بس كان خليتوا البنات وردي والاولاد ازرق << ياقدمتس :158:


ولو ان الصوره كبيره لو صغرتيها بس لكن يكفي مشاركتك بالفعاليه :286:

ومرورك وردك اسعدني واذا عندك صور بعد لاتبخلين علينا انتي كريمه واحنا نستاهل :286:






لي باتس :286:

[الملسووونه]

سروقه مرورتس التوحفه بس وين عيد المدينه ياهوووه :82:




***********



شفت ولاتسم خيوووو ولايهمك الفعاليه مازالت مستمره << ماكو فكه :68:

خذ راحتك وانا اختك ومتى ماحبيت تشارك المفعاليه موجوده وراح تستمر للأسبوع الجاي :286:

همانا مازلنا بشوال :82:


مرحبن بك بأي وقت وابواب الفعاليه مفتوحه وتستقبل صوركم بأي وقت :286:

[شليــويح كفــوري]

كنت برجع الليلة إللي هي أمس .. بسّ مآقدرت بسبب إنشغآل طفآية العزوبية إللي هو مخّي في التفكير العميق ومهوب أيّ عمق .. عميق من الفئة الأولى .. ومآقدرت أفتك وأزحلق هآلموضوع إللي أفكّر فية من الطفآية إللي هو مخّي إلآ عقب الشيـن .. بسّ خلّي عنتس يآإنّي إستمتعت في التفكير متعة مآيحسّ فيهآ متزوّج بليلة دخلتة !! :158: .. وإنبسطت بسطة إنمآ إيـة .. لإنّي قمت أحوس وأدوس وأفسّر إللي شفتة على كيفي (( ورجآئن لآتقولين لي يآلملسونـة أنت دآيم تفسّر كلّ شي على كيفك لإنّي برد عليـتس بكلّ برود وبقولتس درينآ خلآص وترآتس فقعتي مرآرتي ودبلتي تسبدي وتسبد تسبدي بعد بهآلكلمة إللي مآسكتهآ علي يقآلتس مشخصة نفسيتي وخآبزتهآ أنتي ووجهتس )) ! .. بسّ جدّ واللّه أحلى شيّ في الحيآهـ إنّك تقصّ على نفسك وتوآسي عمركـ بشكل مبآشر وبدون أيّ حوآجز .. وأنتي تدرين يآمس مس وش كنت أفكّر فية أمس ووش مشغلاً بطن تفكيري إللي مهوب منحرف (( ولآ يحتآج أذكّرتس بسآلفة الشآحن )) ؟ " صورة وآحد منسدح ومدخل يدهـ في خشمة ومفهّي ومندمج في التفكير إندمآج ملعون وآلدين " !



عموماً .. كلّ تأخيرهـ فيهآ خيرهـ .. بسّ فية فرق بين التأخّر المعقول والتأخـّـر المبآلغ فيـة ( والكلآم مهوب لـتس يآجآرهـ ) ! .. ودآم الفعآليّة سآلفتهآ صور وسوآلف العيـد فـ أنآ أبعلـّـمكم سآلفة الإنتكآسة إللي صآرتلي ثآني العيـد .. وأنآ بعلـّـمكم السآلفـة لإنّي مآنيب من النوع إللي فآهم التصوير غلط ومآنيب فلبيني كلّ مآشفت شيّ صوّرتـة (والكلآم برضو مهوب لـتس يآجآرهـ) ! :158: .. بآلأحرى وبشكل أوضح مآنيب من هوآة التصوير الفيتوغرآفي .. ومدري هل كلمة فيتو غرآفي مصطلح جآ في مكآنة السليم بآلنسبة للجملة ولآ لآ :158: .. فـ إذآ كآن الجوآب نعم فـ كآن بهآ .. وإذآ كآن الجوآب لآ فـ أتوقع إنّكم نآس عآقلة وفآهمة ومتعلمة ومآلة دآعي تشرهون على إنسآن مرفوع عنة القلم وعقلة على الهآمش في حيآتـة :158:



السآلفـة يآطويلين العمـرِ /

ثآني يوم بآلعيد الضحى السآعـة 10 ونصّ تقربياً كنّآ في الإسترآحـة أنآ وثنيـن من الفئة الضآلة إللي إسمهم أخويآي .. وكنآ زهقآنيـن وضآيقتاً صدورنآ .. تدرون ضحويّة ثآني يوم في العيد تحمل في طيآتهآ الكثير من معآني الزهق والكتمة وصكّة القلب .. وبينمآ حنّآ نتبآدل مسآلك الحوآر والحديث وسآلفة في ذنب سآلفة أدليت بدلوي وشرت شور على الإثنيـن إللي معـِـي وقلت لهم / يآعيآل وش رآيكم بسّ لو نآصل قريّب ؟ .. ردّو علي وهم متحمّسن (على أسآس إنّهم زهقآنين ويبون أيّ شيّ ) / وين تبينآ نروح ؟ .. أنآ / نبدّل ونكشخ ونتلّهـآ للبحرين .. نغيّر جوّ وننبسط ونتغدّى ونشوف لنآ فندق نريّح فية ونعيّن خير ونرقد وإذآ قمنآ الليلة نطلع نتعشى ونحظر لنآ فلم ونسري للديرهـ .. وش قلتو ؟ .. تقبّلو الزكرت الفكرهـ بكلّ رحآبة صدر وطلعو لتنفيذ عمليّة السمكرهـ والكشخة والتبديل وترتيب الأمور .. وطلعنآ للبحرين ومشت الخطّة على نفس المسآر إللي كنآ نبية لكن فية إنتكآسة وحدهـ خرفشت علينآ الرحلة كلّ أبو إمّهـآ




بعد مآفلينآهآ وبسطنآهآ على الفلم السعـودي إللي كآن ومآزآل يعرض للحيـن بعنوآن " كيف الحآل " حقّ الإستآذ الظريف المآصل السآمج إللي إسمـة هشآم عبد الرحمن وإللي هو أوّل عوآمل فشل الفلم لوجودهـ فية لإنّة يسمع بآلتمثيل وربّي .. وحلآوة الفلم جت من ممثلين رآقين ولهم مكآنتهـم على السآحة الفنيّة مثل " خآلد سآمي .. ومحمّد الصيرفي .. وغيرهم " .. عموماً مهيب سآلفتنآ ولآ ودّي أحرق عليكم الفلم يآخلق .. بعد مآطلعنآ من المجمـّع وكنآ نآويين ديرتنآ طوآلي .. يوم وصلنآ عند السيآرهـ قلت للعيآل أنآ إللي بسوق لإنّي كنت أشوف أوضآعهـم مهيب مظبوطة (لحد يفهم غلط) لإنّهـم مآنآمو زين وميتين يبون الغفوهـ وأنآ كنت نآيم ومآخذ قسط لآبآس فية وشبعآن نومـ .. السيآرهـ سيآرتي أسآساً بسّ أنآ مآسقت من يوم وصلنآ الجمآركـ السعوديّة وحنآ دآخلين للبحرين لإنّ رخصتي منتهية ومآجددتهآ .. فـ من يوم وصلنآ الجمركـ وجينآ بندخل البحرين وأنآ مخلّي خويي يسوق حتّى دآخل بوسط البحرين مآلمست دركسون الموتر دآيم وهو إللي يسوق .. المهمّ إنّي سقت والعيآل رقدو .. وأنآ على الجسر قبل آصل للجمركـ البحريني كنت كآتم الدعسة ومسرع شويّ .. يعني بحدود الـ 200 <-- هذآ شويّ ؟ :158: .. وبيني وبينكم الله يلوم إللي يلومني .. مثلكم عآرفين أخويآي رقدو .. والجو صآير صنّ عندي في السيآرهـ وسكـّـيتي يعني أنوآع القلق وبرّدت حرّتي في هآلدعسـة إلين بغآ يطلع إصبعي من الشبك إللي قدآم :158: .. وقبل مآ آصل للجمركـ البحريني مرّيت على دوريّة وأنآ مسرع على الجسر .. مرور الجسر مرّيت عليهآ على سرعتي .. وقآم يكبّس بآلأنوآر يبيني أخفف وسفهتـة ورحت .. شويّ وأشوف من المرآيـة رمـّـآق الدوريّة (السفتي) والدوريّة جآية كآفخـة ورآي ويكبّس لي بأنوآرهـ يبيني أوقّف .. وقفت ونزلت سلّمت عليـة وبغيت أعطية عيديّة علشآن يسهّل أموري <-- رشوهـ إسلآميّة :158: .. قآلي / وش هآلسرعـة الجنونيّة يآخوي ؟ .. مآعآد بآقي إلآ تطمر السيآرآت إللي قدآمكـ من السرعـة .. وبكلّ اريحيّة مآعآقت معي التصريفة وقلت لـة / الوآلدهـ متصلة علي تقولّي تعآل بسرعـة أخوكـ تعبآن ونبي نودّية المستشفى وإمّي مآعندهآ أحد تطآلع الله ثمّ تطآلعني وأنآ أكبر عيآلهـآ علشآن كذآ أنآ مستعجل يآلغآلي .. قآلّي وهو ودّهـ يفرّغ المسدس إللي معة على جبهتي / هآت رخصتكـ وإستمآرتكـ وجوآزكـ .. جبت لـة إللي يبي .. وجلس يتصفّحهم شويّ .. وقآلي إلحقني المخفر (القسم) .. رديت علية وأنآ أتصنّع الربكة والخوف وأغيّر في تعآبير وجهي علشآن يصدّقني / وأخوي المريض إذآ جآهـ شيّ من المسؤل ؟ .. قآلي بكلّ وثوق / أنآ المسؤل إذآ أخوكـ جآهـ شيّ (كنـّة يدري إنّي نصآب الكلب) :158: .. وودونآ القسم ومآبقى كلمة تحرجهم مآقطيتهآ عليهـم بسّ مآآآآش مآفيهم فود .. ( حنـّـآ ظيوفكم .. تجمّلو علينآ يآلأجآويد .. أخوي مريض .. أعتقونآ هآلمرّهـــ ) .. بسّ مآش متشدديـن وبقوّهـ .. وخآصـّـة إنّي سعودي وأنتم عآرفين وضع السعودي في البحرين وعآرفين وش صآرت معآملت أهل البحرين للسعودي الفترهـ الأخيرهـ (والله يلوم إللي يلومهم صرآحة .. السعودي إنسآن يستآهل على عمآيلة إللي تقطع الوجة وتشيّب الرآس .. السعودي فضيحة يآنآس) !! .. أنآ إللي أعرفة إنّ إللي علية مخآلفة سرعـة يسدد الغرآمة فوري ويتوكّل على اللـّـه .. لكن المشكلة إنّ الظآبط الأسآسي مهوب موجود .. وكآن حآلّ مكآنة الظآبط المنآوب .. والظآبط المنآوب كمخة ومآفي يدهـ شيّ ومآيحلّ ولآيربط بآلنسبة للظآبط الأسآسي .. علشآن هيكـ لآزم أنلطع في التوقيف إلين يجي الظآبط الأسآسي ويعطيني ورقة تحويل للنيآبة (والله لو إني مغتصب عآد ) ! وعقب مآيآخذون أقوآلي في النيآبـة يعطوني ورقة تحويل للدفع الفوري للغرآمة وأدفع وأمشي .. والظآبط الأسآسي مآيدآومـ إلآ السآعـة 9 الصبح والسآعـة كآنت بحدود 2 بآلليل .. المهمّ إنّي رضخت للأمر الوآقع وعطيت العيآل أغرآضي إللي في جيبي (جوآلآتي وبوكي ومآ إلى ذلك) ودخلت للحجز .. العيآل إللي معي إنقهرو وقفلت معهم .. يوم شآفو الحجز الإنفرآدي إللي بيدخلوني فيـة كآمل مكمـّـل من جميع النوآحي .. تكييف مركزي يجيب العآفية والسرير إللي يفتح النفس واللحآفآت إللي تقنـّـد الرآس .. فـ علشآن كذآ كآنو بيطقون بعض علشآن يدخلونهم معي في الحجز ويرقدون (أغبيآء هآلحثآلة الله يلعن إمّ الحظّ الرّدي إللي حطّهم أخويآي يآشيخ) :158:






دخلت الحجز وفصخت الثوب والشمآغ والعقآل والطآقيّة .. وكتمتهآ نومة إلين جآ الظآبط الأسآسي بنفسة يقـعّدني .. وهو يقول / قم قم منتب في بيتكم يآلحبيب ؟ .. إنّ وضقآل هآلكلمـة على أسآس إن وظعي مخلّ ومآخذ رآحتي يوم شآفني نآطل الثوب والشمآغ على جنب ومنسدح بسروآل وفآنيلة (مدري يبيني أرقد بثوبي هآلقروي) !! .. قمت وخلّصت أموري ودفعت غرآمتي إللي هي (100) دينآر بحريني .. وهي تعآدل 1000 ريآل سعودي ومسكت الخطّ .. وهـ بسّ يآملح حجزهم ملحآهـ (صورة وآحد يتثآوب) !







شيّ مآشفتوهـ في السآلفـة /
1- العسكري إللي لحقني ومسكني على سيآرة الدوريّة .. وجهـة جآي بآلعكس يعني فمة فوق وعيونة تحت وشنبة يعتبر الكلّ بآلكلّ في وجهـة تقول منسدح خروف على وجهـة من كبر شنبـة :158: .. وجسمة الله لآيبلآنآ مهبو رآكب على بعضـة يعني هندسيـّـاً مهوب مظبوط فية خلل يآلله لك الحمد .. أجل قد شفتو وآحد حلمة ديدهـ وآصلة لركبتة من كثر الشحوم والصفوط في جسمة !! :158:



2- يوم دريت إنّ السآلفـة حجز وإنّهآ خآربة خآربـة ومهيب مطلّعتني وعآزتني إلآ درآهمي حطّيت حرّتي في الظآبط المنآوب وغسلت شرآعـة :158:


3- ترآنآ مآسوينآ شيّ في الفندق وفي قآعـة السينمآ !!


4- القسم إللي رحت لـة ونقلوني من عندهـ على الحجز كلّ أبو إمـّـة سعودييـن .. وأنآ الوحيد إللي قضيتي مروريّة .. أمـّـآ البآقيـيـن لحد يسألني وش قضآيآهـم ( صورة قرسون جآي يشوف وش يشربون زبآينة ) !!



.
.
.

الله يطوّل عمرتس مس مس على هآلفعآليّة إللي مآشاً أحلى منهآ بوجودي طبعاً .. مع إنّتس مقتبسة نصّ الفكره .. لكن مآبة مشكلة تمونين <-- وأنت مآتعقل عن محآرش خلق الله ؟ :158: .. عموماً سوري على التأخير .. مثلتس عآرف عيد وحجز وسرعة وملعنة جدف :158: .. الله لآيهينـتس وموسّعتاً صدورنآ بهآلصـّـور والتغطيـة الحلوهـ .. ونشوف الأحلى والأطلق إنشآلله قريّب :160:




إخوتس السآئق الألمآني المتهوّر : مآيكل شومآخر :158:







تسجيل حظور وإعجآب بفكرة الفعآلية !

[الملسووونه]

طبعي العناد :1:


صغرتها لتس :82:


http://www.rjaah.com/vb/uploaded/358---11---f8ffa0071b.jpg


ماشاء الله عليكم البنات ذهبي ماشين عالموضه هااااه :286:

بس الاولاد ليش فضي يعني عشان يمشي مع الثوب قصدكم :301:


بس حركه من جد حلووه تسلمين على التفاعل وانتظر منك المزيد دبه :286:

[الملسووونه]

كنت برجع الليلة إللي هي أمس


وليلة ليلة ليلة ليلة ياااااااااااااليلآآآآآآة :158:
ليلة ليلة ليلة ليلة ياليلآآآآآآآآآآآآآآآ <<<< مس مس عبده :301:



(( ورجآئن لآتقولين لي يآلملسونـة أنت دآيم تفسّر كلّ شي على كيفك لإنّي برد عليـتس بكلّ برود وبقولتس درينآ خلآص وترآتس فقعتي مرآرتي ودبلتي تسبدي وتسبد تسبدي بعد بهآلكلمة إللي مآسكتهآ علي يقآلتس مشخصة نفسيتي وخآبزتهآ أنتي ووجهتس ))


تصدق كنك أوحيت افكاري يوم اني افكر جدياً في افتتاح ديوانية هنا بقسمنا
تـُعنى (وركز على هالكلمة تحديداً :158: ) بالمضطربين نفسانياً ومحتاجين
لمن يمد لسان العون لهم :158: خصوصاً ان قسم الطب والحياة للدختورة عكاوية
ماهوب ملحق يالله بالمعلعلين اللي عندها :158: فـ أتمنى تكون انت اول حالة اشخصها
واعالجها لان تفسيرك اسمح لي فيه اعاقة شديده يمكن تخسر من ورا هالتفكير اشياء
كثيره وانا مو من طبعي اتخلى عن رفيدزي وقت العوزه وبتحملك رغم تمصخرك
واستهزاءك في شخصي نعنبوا ابليسك طايحتن من عينك صدز :158:
بس حلو الواحد قبل مايفسر ويصدق تفاسيره يسمع الطرف الآخر بعدين يحكم :68:




(( ولآ يحتآج أذكّرتس بسآلفة الشآحن )) ؟


اي والله القوصه فيها إنّ وشقيقاتها من ناحية شاحن فـ أبصم بالعشره
ان ابليس شاحنن رأسك وبقووووه :158: ولا الدنيا وانا اختك ماتسوى :68:
ماهوب بس انت اللي ماتعوق معك التصريفه :68:




عموماً .. كلّ تأخيرهـ فيهآ خيرهـ



وكل مطيور يبيله كف على جبهته ولا وش مطيّره خوينا هذاك
يسمع بالدفره وشوفوني يعنني اؤدي عملي بتفاني واخلاص :158:
وماتمشي عندي الواسطات تسنّ احد توسط به خخخخخخخخخخخخ :190:
اي والله على طاري المطايير اللي كثروا هالفتره :68:
في احد ليالي الأعياد الملاح قررت مط مط بنت عمي يوم انني هجدتها
بليلة متأخره من الطفش بسهر عندها لين الفجر هم افطر عقبها اسرح لبيتنا :158:
تزبط لي قهوه من تحت دياتها الطوال :158: تعرفني راعيت قهوه وكيف تالي
الليول :158: وفيما انا انطل عباتي << ماعندها وقت :158: الا البنت خلصت قهوتها
وجايتن تدرعم بصينيتها وقهوتها الا ما اخذت خمس دقايز على النار قلن نعنبوا الناس
المطايير حتى بقهوتتس مطيوره خخخخخخخخخ لذلك بنت عمي اسم على مسمى :301:



بسّ فية فرق بين التأخّر المعقول والتأخـّـر المبآلغ فيـة ( والكلآم مهوب لـتس يآجآرهـ ) !


تسنّ الجاره تفهم هرجك :158: لو تحتسي منـّا لباتسر ماهيب حولك :158:
بس الجاره ماتأخرت الا وعندها ظروف وآعزتي لها بس وين الناس اللي تقدر
<<< اقولك ماتعوق معها :68:



ودآم الفعآليّة سآلفتهآ صور وسوآلف العيـد فـ أنآ أبعلـّـمكم سآلفة الإنتكآسة إللي صآرتلي ثآني العيـد ..


اول شي زين انك ذكرت هالسطر لانه السالفه ياجماعة الربع ماهيب بس صور :)
يعني اذا ماعندك صور للعيد شاركنا سوالفك ومواقفك اللي حصلت معك بالعيد
واكيد ايام العيد ماتخلو من المواقف اللي مدري وش تبي :158:
فياليت لو تشاركونا بسالوفه تونسنا ونشارككم مواقفكم وسوالفكم بالضحكه ورسم
البسمه على شفاه المراجيج (شلون تركب شفاه على مراجيج مدري بس اطمروها ولاتدققون :158: )



ومآنيب فلبيني كلّ مآشفت شيّ صوّرتـة (والكلآم برضو مهوب لـتس يآجآرهـ) !



ياشين المطعسه لاجوك بيرزون اعمارهم يقالكم نعرف وش انتم تسوون :68: بس مانحب
سواتكم وماهيب من مستوانا وهم ماعندهم ماعند جدة مش مش سفيانه خخخخخخخخ :190:
شليويح تسمع بالتصوير ياطعيس هذا ان كان معك جوال كيمره خخخخخخخخ :190:
بس ماتفوتك عرفت كيف تجيبها وتلفها هم تشفطها وينلحس معك
وتطلع معك (اقصد التصريفه طبعاً لايروح فكرك باللشسمه :158: )



ثآني يوم بآلعيد الضحى السآعـة 10 ونصّ تقربياً كنّآ في الإسترآحـة أنآ وثنيـن من الفئة الضآلة إللي إسمهم أخويآي .. وكنآ زهقآنيـن وضآيقتاً صدورنآ



وش عند العالم كلهم ثاني العيد ضايقتن صدورهم (خلت نفسها العالم :158: )
بس ماهوب ضحويه لانـّا بسابع نومه :1: بعد المغرب ماش حشرتنا شياطينا :158:




بعنوآن " كيف الحآل " حقّ الإستآذ الظريف المآصل السآمج إللي إسمـة هشآم عبد الرحمن وإللي هو أوّل عوآمل فشل الفلم لوجودهـ فية لإنّة يسمع بآلتمثيل وربّي



اذا ابو الهش ماصل انت وش تصير خخخخخخخخ :190:
هالحين هشام عبدالرحمن اللي ضحك له الصغير قبل الكبير ماهوب عاجبك :158:
اجل من يعجبك ياجيم كاري <<<< لاتقول هذا بعد مثل سالفة توم كروز مايركب :68:




ومحمّد الصيرفي ..


لاتعليدز :170:
هالنتيفه ذا لو بس يطلع بالمسلسل في مشهد صامت يضحك :158:
ياناس كل نتفه ياخذ العقل حتى لو هو مبصّم بس (مبصّم مايعرف وش معناها
الا الطعوووس اللي مثل حكايتي خخخخخخ :190: )

محمد الصيرفي نجم الكوميديا القادم بقوه للساحه الفنيه وووهـ منووو :170:
نتفه بس مصيبه :301:



(والله يلوم إللي يلومهم صرآحة .. السعودي إنسآن يستآهل على عمآيلة إللي تقطع الوجة وتشيّب الرآس .. السعودي فضيحة يآنآس) !!



السعودي لو مايلقى البلاوي هناك ماعمل عمايله :68:
يعني نظـّف ديرتك بالأول وبعدين تعال حاتسني :11:
سوّوا مثل الراقصه المحترمه فيفي عبده يوم تقول انا مايلمسنيش راجل الا بالحلال :190:



علشآن هيكـ لآزم أنلطع في التوقيف إلين يجي الظآبط الأسآسي ويعطيني ورقة تحويل للنيآبة



هالحين كل ذا صايرن معك ولا ذكرت الا سالفة الشاحن ؟؟ ( اوووم طفاية الحريق خخخ اقصد المخ ياشيخ :190: )
تفكير سعودي ماعلي من الحتسي وتلومني يوم اشخـّص وافصّفصّ حالتك
انت وهالمخ اللي يبيله اعادة سمكره من جد :68:
يالله فيك ولا في اخوياك << دزليلة خاتمه :190:
زين انها جت على تسذا ماتبلـّوك ببلوه ولا مصيبه يالله الحمد لله على سلامتك انت واخوياك
ويعده عليكم كل سنه وكل عيد تفكرون تملـّصون منا ولا منا (وجهن يقول وش فيها ديرتنا :57: )
شفت شليويح تفكيرك وين يودّي لو ان اخوياك سلموا من افكارك اللي مدري لوين بتوصلك
وتوصلهم كان ماصار اللي صار حاسّه بخوياك والله :57: :68:




الله يطوّل عمرتس مس مس على هآلفعآليّة إللي مآشاً أحلى منهآ بوجودي طبعاً .. مع إنّتس مقتبسة نصّ الفكره


الظاهر اني قلت في بداية الموضوع انها مقاربه لسماطنا يامال
العافيه يعني مالها داعي التمنـّن :68: وبعدين هذا ان دلّ دلّ على
نجاح فعاليتك اللي خلتنا نتشجع ونطرح نفس الفكره ولكن بمناسبه آخرى
وجو آخر بعيد عن السماط ويتماشى مع المناسبه اللي عشناها الايام
اللي راحت عيد الفطر السعيد :286:



ونشوف الأحلى والأطلق إنشآلله قريّب



انشاء الله بإذن الله وفعالية صور العيد هذي بداية الإنطلاق لديوانية
المراجيج العامه والقادم احلى بإذن الله ...

[الملسووونه]

ناضلت وناضلت حتى آخر يوم في العيد :158:

يوم الجمعه ليلة السبت ليلة الدراسه عساها العمى << سب بزرنجي خخخخخ :190:



وحبيت اختم نقلي للحدث الأهم احتفاليتنا بعيد الفطر السعيد اعاده الله علينا وعليكم باليُمن والمسرات :286:




http://www.rjaah.com/vb/uploaded/358---11---20061106016.jpg



شاكره كل من شارك معي بهذه الفعاليه ولو بكلمة شكر ولو اني كنت اتمنى تفاعل اكثر :68:



وان شاء الله لنا ملتقى بعيد الأضحى القادم مع فعالية جديده بشكل مختلف بإذن الله :286:


اختكـــــــم : مس مس :1: