! ٍAٍٍّ ٍّnٍ ٍGٍٍٍٍِّّّ ٍّّe ٍLّ!
11-01-2006, 07:36 PM
السلام عليكم
ايها القاريء العزيز المعتز الدمرداش...احيطك علما اني كاتبن ذا الموضوع بالصيفيه... قبل يجي ست او سبع اسابيع...ما ادري بالضبط بس الوكاد انه قبل لا يعرضون اسهم اعمار للاكتتاب...لكني ولظروفن قاهره لم انزله الا الان...فالي ما يحب الماوضيع القديمه لا يقرا الموضوع...واللي يحب المواضيع القديمه بعد لا يقراه ترى ماهنا ذاك الزود...
بكاء على الاطلال...
بوه احد منكم يحس ان شكل الرجال وهو لابسن نقاب مغري؟؟؟...
تخيلو معي احلى رجال تعرفونه ...طيب الحين تخيلوا الاخ لابسن نقاب...هاه كيف ؟؟؟ شكله حلو؟؟؟...
قلتوا لي لا ...(او على الاقل الاغلبيه قالت لا)...
هالحين السؤال اللي يطرح نفسه على مطرحتن مكبوبن عليه شاهي وحليب...
بما ان شكل الرجال وهو لابسن نقاب مهوب زين... اجل وشوله اذا فتحت ذا المجلات الشعريه تلقاه مليانتن صور حريم متلطماتن بشمغ؟؟..
وش الحلو بحرمه متلطمتن بشماغ او غتره او وزره او اللي هو...
انا ودي افهم...
لب القصيد...
المشهد الاول...واحد هو ربي...
العنوان: ومن الفراغ ما قتل او سبب الخبل ....
خيمه ملحقيه او ملحق مخيم (ما ادري وشو بالضبط بس هو خيمه وملحق مع بعض وفي بيت حصه) بها بنيتين في ربيع العمر...انا,,,ياملحي ...وحصه صديقتي الصدوق ... متسدحينن قدام التلفزيون...
وفجأه ...>>>وحده تب تسوي الموضوع حماسي غصب>>>مر قدامي بس...قطو...عتوي...ميو...فور كاتس...(اللي يعرف مرادفات اخري يتحفنا بهن اويلاه)...طبعن احنا اللي هو احنا اللي هو انا وحصه...ما استغربنا لان
الحمد الله و الشكر بيتهم اللي هو هم اللي هو بيت اهل حصه ...غادين مستشفى ولاده...كل ما بغت بستن تضني جت و اضنت في بيتهم...انا اقول لحصه ورا ما تعلقون لوحه بسطح بيتكم وتكتبون الحمادي...ذاك اليوم نمشي انا وحصه في حوشهم وما ادري الا بستن داخله ومعه صينية حلى ...قالت لها حصه: على وين ان شا الله هي وكاله من غير بواب...قالت: بوه رفيدزتن لي والدتن في حوشكم وجايتن ازوره...عاد انا يقالي بحارشه قلت: والدتن طبيعي ولا قيصيريه....ههههه...
يوم تلتفت علي وتعطين ذيك النظره ...>>>تخيل بستن مقطوعن ذيله
تناظرك باستحقار...يخوف...>>> المهم وين كنا...ايه... انا...حصه...
متجدخين...مر قدامنا بس...لما مر ذا البس تذكرت سالفه العجوز و البس...اللي يقولون ان بوه عجوزن كانت قاعدتن لحاله بملحق تفصفص ومر قدامه بس قالت له: تبي فصفص ؟؟ قال لها: لا...العجوز ارتاعت يوم سمعت البس يحتسى (بلاه ما شافت النقاش اللي دار فوق) يوم تجيها سكته وتموت...هذي السالفه اشتهرت قبل كمن سنه...طيب لو السالفه صدز ... والعجوز كانت لحالها والبس حكى وهي ماتت...مين اللي نقل السالفه للناس...اهل العجوز وش لون دروا ...البس قالهم؟؟؟
طيب ليش ما ماتوا هم بعد؟؟؟...بحت بهذه المعضله لحصه لعل وعسى القى عنده ما يشفي غليلي...بس بدل ما تجاوبني عطتني نظره مثل نظرة البسه راعية الحلى...وقالت: وش السالفه؟... لازم ندور لنا شغل في هالصيف...نشغل به انفسنا...ولا قسم مهيب قاضيتن الاجازه الا وحنا منهبلين...انا قلت وش عندنا...ياله...قدام...>>>والله اني وش حليللي سمحه لو تقول لي حصه يمين اروح يمين ... لو تقول يسار اروح يسار...لو تقول اقمزي اقول اي ارتفاع...لو تقول احبي قلت الى وين ...لو تقول تدربي قلت كم لفه...
لو تقول ...........>>>>اخلصي فهموا انتس رخمه...اللي بعدوه...
المشهد الثاني...اثنين ماما وباب...
العنوان:فستاني كحلي طويل...ياهوه...قال انا ماشي...
رحت انا وحصه لحدا ذا المجمعات النسائيه وقدمنا على وظيفه بائعه خلاقين <<<عز الله توظفنا... ... ...درنا ودرنا ودرنا و بالاخير لقينا من يوظفنا...حصه على الكاشير و انا بالمخازن بعيدا عن اعين الزبائن...ليش ما ادري...مره قالت لي راعيه المحل جيبي لي من الفستان الميتالك اللي فيه ستراس مقاس 12 في زبونه بده تئيسوه ... ... ...وانا اللي اتورط وش متالكوه...وش ستراسوه؟؟؟ ايش... ...قسم بالله ... ...المهم رحت غطست بالمخزن ربع ساعه ورجعت ومعي اربع فساتين كلهن مقاس 12 قلت انشاء الله ...هه...واحدن منهن يصير خوينا...بس ما صار ...
راعيت المحل حتى ما كلفت نفسه تحتسي...معطت مني الفساتين
وحلتتهن على الكنبه اللي وسط المحل...واشرت باصبعه على الباب...
بمعنى فارقي...و انا اللي القط عباتي و اطلع...يا حيل الله ما بعد العود قعود>>>لا عمرتس تقولين امثال... ... ... وانا طالعه و تشوفن حصه وتقول لي: وش السالفه؟...وش السالفه؟؟؟...(( زي حركة, طرقت الباب حتى كل متني*** فلما كل متني كلمتني>>>يالذيذ يا رايق....يا سخيف يا ماصل...))... قلت لحصه: مدام نيرمين طردتني...يوم تشهق حصه وتقول: يا محاسن الصدف ...حتى انا من شوي مدام نيرمين طردتني...
انا قلت:باللهِ...ورا ما نمسك ايدين بعض ونركض لأعلى التل ونقطف الازهار ... ...وش محاسن ووش صدف ... ...مبسوطه يعني على خيبتنا...ايه مير ليه طردتتس؟؟؟....حصه: كنت قاعدتن اشرب قهوه وانا احاسب لحدا ذا الزباين...يوم تنكب القهوه على الفستان...ذاك الفستان الفيروزي ابو اربع الاف وميتين و خمسين...وتشوفن مدام نيرمين وتكب باقي القهوه على وجهي همن أشرت لي بيدها الكريمه على الباب>>>(مدام نيرمين ماهيب تحب تحتسي كثير)...وهكذا انتهت حياتنا المهنيه في عوالم الازياء والموضه...
المشهد الثالث...ثلاثه هما اخواني(اماحق)...
العنوان:باد بويز...باد بويز...وتشا قونا دو...وتشا قونا دو... اف ذي كوم فور يو...
بعد تجربتنا في عالم البوتيكات...استنتجنا حصه وانا ...انه احنا مستوانا ملاهي ويخب علينا...فرحنا لاحد مدن الملاهي في مدينة الرياض...(بدون ذكر اسماء...بس الحرف الاول حكير و الثاني لاند)...المهم رحنا للمسؤوله وسألناها: عندكم اكل عيش؟؟؟...قالت لنا:أه...احنا عاوزين سكيورتي نسائي ...انا قلت: سكيورتي ازاي ......احنا ما عندناش خبره في الشوغلانه دي...قالت:معليش احنا ح نديكم دوره مقانيه اعيد و اكرر مقانيه لمده سبوع وبعدين تتخرقو سكيورتي اد الدنيا...ونديكم اليونيفورم...بصي...اهوه...انا شفت الينفورم و انصفقت زي لبس السكيورتي الرجال بس بدل البنطلون العنابي تنوره؟؟؟ انا قلت:وش ذا ...مهوب قاظين الصيف الا وفخوذنا متشلختن من المراكض وراء المجرمين بذا التنوره...يوم تقول:مقرمين ايه يا حضرت...انتي بس ح تدوري في الملاهي و اللي معاها جوال كاميرا تصادريه...او اللي لابسه مشخلع تؤليلها البسي عباتك واللزي منو...انا قلت: أهي...شرطة آداب يعني...
يوم تقبصن حصه ذاك القبصه اللي زاغت منه تسبدي وهي اللي تتدارك الوضع وتقول:ايوه يا ابله فردوس ...لو تبون سكيورتي جاهزين...لو تبون احد يشغل المراجيح جاهزين ...لو تبون وحدتن منا تمشي على اربع والثانيه تركب البزارين و الدوره بخمسه كمان احنا جاهزين...انا لما شفت اندفاع حصه للعمل وانا اللي اندفع معها واقول:و لو عاوزين حد يفتح للزباين ما كمان احنا جاهزين ...تحزمي يا نضلي...وزغرتي يا ام صلاح >>>اتوقع موية الشرب فيها مشكله... ... ...>>>المهم عقب كلامنا هذا قالت لنا ابله فردوس اتركوا ارقامكم واحنا متى ما احتجناكم زهمنا عليكم ...والى يومكم هذا لاحس ولا خبر... ... ...
المشهد الرابع...اربعه هما اصحابي...(مع ان مابوه صوحبيه بها الزمن)...
العنوان:يا غيمه يا مطاره...مطاره...
محلات ما مشى الحال...ملاهي ما زهموا...وش بقى...قلنا ابد ما لنا الا حديقة حيوان الملز...رحنا انا وحصه ودخلنا على الاسد...حصه رمت البرقع...وانا ما علي شين ينرمي ...فرميت نظارتي...وقلناله:
يا اسد...
ننخاك ولا ننخى الذيب...؟؟؟
قال:لا انخو الذيب...تلقونه ثاني قفص على ايدكم اليمين...
احنا:لا عاد ياشينك...
احنا داخلينن على الله ثم عليك...
قل تم...
قال الاسدوهو مضجوعن على جانبه الايسر ويهش الذباب بيده اليمنى:
اها بس لا يكثر ...هاتي انتي وياه من الآخر...
احنا:
متنا من الجوع يا شيخ...تكفى...نبي منك توظفنا عندكم فيذا...وانت الملك واللي تقوله يب يمشي فلا تقول الله يرحم والديك ان ماعندكم امكانيات او ما توظفون حريم او اللي هو...انت بس جربنا وماراح تندم...
وان اللي اقمز واحب راسه كودوه يلين شوي...
الاسد شكله رحمنا ... التفت علينا وقال:
خلاص خلاص...روحوا خوذو لكم كمن لفه بالقطار...همن ارجعوا لي...قدني امدان اشاور ابو سليمان>>>(وحيد القرن مسؤول التوظيف)...
ويصير خير انشاء الله...
رحنا احنا ولفينا... وشرينا لنا سلش ازرق...واخذنا فشار وقعدنا نرمي على القرود مع ان اللوحه تقول بكل وضوح لا تعطي ذا المهبل اكل...بس عاد من متى احنا نتبع اللوائح و الانظمه ...وبعد ذا التمشي رجعنا للاسد...
ودار الحوار التالي...
احنا:
هاه بشر عساك لقيت لنا شي...
الاسد:
شوفي انتي وياه ...بوه شاغرين عندنا بالحديقه...الاول مكان الفقمه...ذا الفقمه الله يفقمه رايحتن تزور اهله من شهرين ولا رجعت ...يوم شيكنا طلعت الاخت مسويتن تأشيرت ذهاب بلا عوده...فنبي احد يحل محله الى ما اشوف لي صرفه مع فقمة التبن ذي...والشاغر الثاني مكان العامل اللي ينظف حوش النعام...الله يهديهن كان كل ما دخل عليهن العامل ينظف حوشهن قعدن يغنن الولد مع البنات بطتوه شوكه ومات... ... ...الا ما يوم وصلت معه وذبح له نعامتين همن قدم استقالته...
هاه هذا اللي عندنا تبون ولا لا...
احنا:
الا نبي... وليش مانبي...
الاسد:
خلاص تعالوا لمي باتسر ... وكل وحدتن معها موافقه ولي امره...تعرفون الموافقه ذي لازم مانبي نتمشكل مع القصيبي...
احنا:
ماعليك بس... صحيح هو وزير بس انت ملك...واذا انت موافق ما احد يقدر يقول شين ابد...يا اسد...يا بعد الغالي والرخيص بعد...جعلك تفوز دوم وامك ما تبكيك ابد...
الاسد(مقاطعاً):
شرهات ما عندنا والوظيفه قلت لكم تبدون باتسر ...خلاص فاردزوا ...
رجعنا ان وحصه لبيتهم...وقعدنا نتهاوش على الوظايف ...كلنا نبي وظيفه الفقمه...اجل احد يحصله يتسدح ويتبطح طول النهار بحوضن مكيف...ويجيه اكل وشرب ببلاش... ... ... اصواتنا علت والدم وصل الركب وبالاخير قررنا حفاظا على صداقتنا اننا نسوي قرعه... ... ... و اشوى لاول مره في تاريخي يقف الحظ بجانبي...وتطلع من نصيبي وظيفه الفقمه...
ومن نصيب حصه تنظيف حوش النعام...
عاد لا اوصيكم ياللي تقرون الموضوع...اذا احد منكم جا للحديقه خل يمر يضرب لي سلام...وان كان حصل يحلت لي قوطي تونه... ما قلت لا...
المشهد الخامس...خمسه اصابع يدي وبس...
العنوان:مايستفاد...
هالحين متى يوفرون وظايف صيفيه للجنس الناعم ولنا احنا يالبنات >>>وحده تسمع بالجنس الناعم ولا تدري وش هو......
...قسم مع ذا الصيفيه والزهق مابقا براسي الا عيون وحبل شوكي وحبل طوقي ...المخ والمخيخ خلاص البقيه بحياتكم يطلبونكم الحل...دبروا لنا وظايف اويلاه... منها نشغل انفسنا ومنها نسترزق الله في هالصيفيفه ونجمع اجرة لموزين الجامعه...
وفي الختام استودعكن الله على امل اللقاء بكن في اذاعتن قادمه...
سروووقه
ايها القاريء العزيز المعتز الدمرداش...احيطك علما اني كاتبن ذا الموضوع بالصيفيه... قبل يجي ست او سبع اسابيع...ما ادري بالضبط بس الوكاد انه قبل لا يعرضون اسهم اعمار للاكتتاب...لكني ولظروفن قاهره لم انزله الا الان...فالي ما يحب الماوضيع القديمه لا يقرا الموضوع...واللي يحب المواضيع القديمه بعد لا يقراه ترى ماهنا ذاك الزود...
بكاء على الاطلال...
بوه احد منكم يحس ان شكل الرجال وهو لابسن نقاب مغري؟؟؟...
تخيلو معي احلى رجال تعرفونه ...طيب الحين تخيلوا الاخ لابسن نقاب...هاه كيف ؟؟؟ شكله حلو؟؟؟...
قلتوا لي لا ...(او على الاقل الاغلبيه قالت لا)...
هالحين السؤال اللي يطرح نفسه على مطرحتن مكبوبن عليه شاهي وحليب...
بما ان شكل الرجال وهو لابسن نقاب مهوب زين... اجل وشوله اذا فتحت ذا المجلات الشعريه تلقاه مليانتن صور حريم متلطماتن بشمغ؟؟..
وش الحلو بحرمه متلطمتن بشماغ او غتره او وزره او اللي هو...
انا ودي افهم...
لب القصيد...
المشهد الاول...واحد هو ربي...
العنوان: ومن الفراغ ما قتل او سبب الخبل ....
خيمه ملحقيه او ملحق مخيم (ما ادري وشو بالضبط بس هو خيمه وملحق مع بعض وفي بيت حصه) بها بنيتين في ربيع العمر...انا,,,ياملحي ...وحصه صديقتي الصدوق ... متسدحينن قدام التلفزيون...
وفجأه ...>>>وحده تب تسوي الموضوع حماسي غصب>>>مر قدامي بس...قطو...عتوي...ميو...فور كاتس...(اللي يعرف مرادفات اخري يتحفنا بهن اويلاه)...طبعن احنا اللي هو احنا اللي هو انا وحصه...ما استغربنا لان
الحمد الله و الشكر بيتهم اللي هو هم اللي هو بيت اهل حصه ...غادين مستشفى ولاده...كل ما بغت بستن تضني جت و اضنت في بيتهم...انا اقول لحصه ورا ما تعلقون لوحه بسطح بيتكم وتكتبون الحمادي...ذاك اليوم نمشي انا وحصه في حوشهم وما ادري الا بستن داخله ومعه صينية حلى ...قالت لها حصه: على وين ان شا الله هي وكاله من غير بواب...قالت: بوه رفيدزتن لي والدتن في حوشكم وجايتن ازوره...عاد انا يقالي بحارشه قلت: والدتن طبيعي ولا قيصيريه....ههههه...
يوم تلتفت علي وتعطين ذيك النظره ...>>>تخيل بستن مقطوعن ذيله
تناظرك باستحقار...يخوف...>>> المهم وين كنا...ايه... انا...حصه...
متجدخين...مر قدامنا بس...لما مر ذا البس تذكرت سالفه العجوز و البس...اللي يقولون ان بوه عجوزن كانت قاعدتن لحاله بملحق تفصفص ومر قدامه بس قالت له: تبي فصفص ؟؟ قال لها: لا...العجوز ارتاعت يوم سمعت البس يحتسى (بلاه ما شافت النقاش اللي دار فوق) يوم تجيها سكته وتموت...هذي السالفه اشتهرت قبل كمن سنه...طيب لو السالفه صدز ... والعجوز كانت لحالها والبس حكى وهي ماتت...مين اللي نقل السالفه للناس...اهل العجوز وش لون دروا ...البس قالهم؟؟؟
طيب ليش ما ماتوا هم بعد؟؟؟...بحت بهذه المعضله لحصه لعل وعسى القى عنده ما يشفي غليلي...بس بدل ما تجاوبني عطتني نظره مثل نظرة البسه راعية الحلى...وقالت: وش السالفه؟... لازم ندور لنا شغل في هالصيف...نشغل به انفسنا...ولا قسم مهيب قاضيتن الاجازه الا وحنا منهبلين...انا قلت وش عندنا...ياله...قدام...>>>والله اني وش حليللي سمحه لو تقول لي حصه يمين اروح يمين ... لو تقول يسار اروح يسار...لو تقول اقمزي اقول اي ارتفاع...لو تقول احبي قلت الى وين ...لو تقول تدربي قلت كم لفه...
لو تقول ...........>>>>اخلصي فهموا انتس رخمه...اللي بعدوه...
المشهد الثاني...اثنين ماما وباب...
العنوان:فستاني كحلي طويل...ياهوه...قال انا ماشي...
رحت انا وحصه لحدا ذا المجمعات النسائيه وقدمنا على وظيفه بائعه خلاقين <<<عز الله توظفنا... ... ...درنا ودرنا ودرنا و بالاخير لقينا من يوظفنا...حصه على الكاشير و انا بالمخازن بعيدا عن اعين الزبائن...ليش ما ادري...مره قالت لي راعيه المحل جيبي لي من الفستان الميتالك اللي فيه ستراس مقاس 12 في زبونه بده تئيسوه ... ... ...وانا اللي اتورط وش متالكوه...وش ستراسوه؟؟؟ ايش... ...قسم بالله ... ...المهم رحت غطست بالمخزن ربع ساعه ورجعت ومعي اربع فساتين كلهن مقاس 12 قلت انشاء الله ...هه...واحدن منهن يصير خوينا...بس ما صار ...
راعيت المحل حتى ما كلفت نفسه تحتسي...معطت مني الفساتين
وحلتتهن على الكنبه اللي وسط المحل...واشرت باصبعه على الباب...
بمعنى فارقي...و انا اللي القط عباتي و اطلع...يا حيل الله ما بعد العود قعود>>>لا عمرتس تقولين امثال... ... ... وانا طالعه و تشوفن حصه وتقول لي: وش السالفه؟...وش السالفه؟؟؟...(( زي حركة, طرقت الباب حتى كل متني*** فلما كل متني كلمتني>>>يالذيذ يا رايق....يا سخيف يا ماصل...))... قلت لحصه: مدام نيرمين طردتني...يوم تشهق حصه وتقول: يا محاسن الصدف ...حتى انا من شوي مدام نيرمين طردتني...
انا قلت:باللهِ...ورا ما نمسك ايدين بعض ونركض لأعلى التل ونقطف الازهار ... ...وش محاسن ووش صدف ... ...مبسوطه يعني على خيبتنا...ايه مير ليه طردتتس؟؟؟....حصه: كنت قاعدتن اشرب قهوه وانا احاسب لحدا ذا الزباين...يوم تنكب القهوه على الفستان...ذاك الفستان الفيروزي ابو اربع الاف وميتين و خمسين...وتشوفن مدام نيرمين وتكب باقي القهوه على وجهي همن أشرت لي بيدها الكريمه على الباب>>>(مدام نيرمين ماهيب تحب تحتسي كثير)...وهكذا انتهت حياتنا المهنيه في عوالم الازياء والموضه...
المشهد الثالث...ثلاثه هما اخواني(اماحق)...
العنوان:باد بويز...باد بويز...وتشا قونا دو...وتشا قونا دو... اف ذي كوم فور يو...
بعد تجربتنا في عالم البوتيكات...استنتجنا حصه وانا ...انه احنا مستوانا ملاهي ويخب علينا...فرحنا لاحد مدن الملاهي في مدينة الرياض...(بدون ذكر اسماء...بس الحرف الاول حكير و الثاني لاند)...المهم رحنا للمسؤوله وسألناها: عندكم اكل عيش؟؟؟...قالت لنا:أه...احنا عاوزين سكيورتي نسائي ...انا قلت: سكيورتي ازاي ......احنا ما عندناش خبره في الشوغلانه دي...قالت:معليش احنا ح نديكم دوره مقانيه اعيد و اكرر مقانيه لمده سبوع وبعدين تتخرقو سكيورتي اد الدنيا...ونديكم اليونيفورم...بصي...اهوه...انا شفت الينفورم و انصفقت زي لبس السكيورتي الرجال بس بدل البنطلون العنابي تنوره؟؟؟ انا قلت:وش ذا ...مهوب قاظين الصيف الا وفخوذنا متشلختن من المراكض وراء المجرمين بذا التنوره...يوم تقول:مقرمين ايه يا حضرت...انتي بس ح تدوري في الملاهي و اللي معاها جوال كاميرا تصادريه...او اللي لابسه مشخلع تؤليلها البسي عباتك واللزي منو...انا قلت: أهي...شرطة آداب يعني...
يوم تقبصن حصه ذاك القبصه اللي زاغت منه تسبدي وهي اللي تتدارك الوضع وتقول:ايوه يا ابله فردوس ...لو تبون سكيورتي جاهزين...لو تبون احد يشغل المراجيح جاهزين ...لو تبون وحدتن منا تمشي على اربع والثانيه تركب البزارين و الدوره بخمسه كمان احنا جاهزين...انا لما شفت اندفاع حصه للعمل وانا اللي اندفع معها واقول:و لو عاوزين حد يفتح للزباين ما كمان احنا جاهزين ...تحزمي يا نضلي...وزغرتي يا ام صلاح >>>اتوقع موية الشرب فيها مشكله... ... ...>>>المهم عقب كلامنا هذا قالت لنا ابله فردوس اتركوا ارقامكم واحنا متى ما احتجناكم زهمنا عليكم ...والى يومكم هذا لاحس ولا خبر... ... ...
المشهد الرابع...اربعه هما اصحابي...(مع ان مابوه صوحبيه بها الزمن)...
العنوان:يا غيمه يا مطاره...مطاره...
محلات ما مشى الحال...ملاهي ما زهموا...وش بقى...قلنا ابد ما لنا الا حديقة حيوان الملز...رحنا انا وحصه ودخلنا على الاسد...حصه رمت البرقع...وانا ما علي شين ينرمي ...فرميت نظارتي...وقلناله:
يا اسد...
ننخاك ولا ننخى الذيب...؟؟؟
قال:لا انخو الذيب...تلقونه ثاني قفص على ايدكم اليمين...
احنا:لا عاد ياشينك...
احنا داخلينن على الله ثم عليك...
قل تم...
قال الاسدوهو مضجوعن على جانبه الايسر ويهش الذباب بيده اليمنى:
اها بس لا يكثر ...هاتي انتي وياه من الآخر...
احنا:
متنا من الجوع يا شيخ...تكفى...نبي منك توظفنا عندكم فيذا...وانت الملك واللي تقوله يب يمشي فلا تقول الله يرحم والديك ان ماعندكم امكانيات او ما توظفون حريم او اللي هو...انت بس جربنا وماراح تندم...
وان اللي اقمز واحب راسه كودوه يلين شوي...
الاسد شكله رحمنا ... التفت علينا وقال:
خلاص خلاص...روحوا خوذو لكم كمن لفه بالقطار...همن ارجعوا لي...قدني امدان اشاور ابو سليمان>>>(وحيد القرن مسؤول التوظيف)...
ويصير خير انشاء الله...
رحنا احنا ولفينا... وشرينا لنا سلش ازرق...واخذنا فشار وقعدنا نرمي على القرود مع ان اللوحه تقول بكل وضوح لا تعطي ذا المهبل اكل...بس عاد من متى احنا نتبع اللوائح و الانظمه ...وبعد ذا التمشي رجعنا للاسد...
ودار الحوار التالي...
احنا:
هاه بشر عساك لقيت لنا شي...
الاسد:
شوفي انتي وياه ...بوه شاغرين عندنا بالحديقه...الاول مكان الفقمه...ذا الفقمه الله يفقمه رايحتن تزور اهله من شهرين ولا رجعت ...يوم شيكنا طلعت الاخت مسويتن تأشيرت ذهاب بلا عوده...فنبي احد يحل محله الى ما اشوف لي صرفه مع فقمة التبن ذي...والشاغر الثاني مكان العامل اللي ينظف حوش النعام...الله يهديهن كان كل ما دخل عليهن العامل ينظف حوشهن قعدن يغنن الولد مع البنات بطتوه شوكه ومات... ... ...الا ما يوم وصلت معه وذبح له نعامتين همن قدم استقالته...
هاه هذا اللي عندنا تبون ولا لا...
احنا:
الا نبي... وليش مانبي...
الاسد:
خلاص تعالوا لمي باتسر ... وكل وحدتن معها موافقه ولي امره...تعرفون الموافقه ذي لازم مانبي نتمشكل مع القصيبي...
احنا:
ماعليك بس... صحيح هو وزير بس انت ملك...واذا انت موافق ما احد يقدر يقول شين ابد...يا اسد...يا بعد الغالي والرخيص بعد...جعلك تفوز دوم وامك ما تبكيك ابد...
الاسد(مقاطعاً):
شرهات ما عندنا والوظيفه قلت لكم تبدون باتسر ...خلاص فاردزوا ...
رجعنا ان وحصه لبيتهم...وقعدنا نتهاوش على الوظايف ...كلنا نبي وظيفه الفقمه...اجل احد يحصله يتسدح ويتبطح طول النهار بحوضن مكيف...ويجيه اكل وشرب ببلاش... ... ... اصواتنا علت والدم وصل الركب وبالاخير قررنا حفاظا على صداقتنا اننا نسوي قرعه... ... ... و اشوى لاول مره في تاريخي يقف الحظ بجانبي...وتطلع من نصيبي وظيفه الفقمه...
ومن نصيب حصه تنظيف حوش النعام...
عاد لا اوصيكم ياللي تقرون الموضوع...اذا احد منكم جا للحديقه خل يمر يضرب لي سلام...وان كان حصل يحلت لي قوطي تونه... ما قلت لا...
المشهد الخامس...خمسه اصابع يدي وبس...
العنوان:مايستفاد...
هالحين متى يوفرون وظايف صيفيه للجنس الناعم ولنا احنا يالبنات >>>وحده تسمع بالجنس الناعم ولا تدري وش هو......
...قسم مع ذا الصيفيه والزهق مابقا براسي الا عيون وحبل شوكي وحبل طوقي ...المخ والمخيخ خلاص البقيه بحياتكم يطلبونكم الحل...دبروا لنا وظايف اويلاه... منها نشغل انفسنا ومنها نسترزق الله في هالصيفيفه ونجمع اجرة لموزين الجامعه...
وفي الختام استودعكن الله على امل اللقاء بكن في اذاعتن قادمه...
سروووقه